&&&&&&&&&&&&&&&&&&&&&&&&&&&&&&&&&&&&&&&&&&&&&
اقتباس :
المشاركة الأصلية كتبت بواسطة حسن محمد سالم باقديم
[ مشاهدة المشاركة ]
|
هرج ياالمخشني ياعارف المعنى تدلل=وشف كل خصم مايقتلك يقتلك الدليل
وسالم بن علي بالله قولوا له تميل=قبض حلقي كما الحبره ونا بغيته يميل
يناوطني بلا حجه ولا قلته تعقل = زعل .. ياالواقعي وينك ووينك ياعقيل
ومصلح خير للاثنين وعساني تجمل=ودنيا فانيه والباقي الله والجميل
|
اقتباس :
المشاركة الأصلية كتبت بواسطة حسن محمد سالم باقديم
[ مشاهدة المشاركة ]
|
لنا علقه بكم يانسل بوزيد المهلهل=تدفيني من الضربات في البرد الهليل
وياالعقاد عاشينتي والزينه تقبل=بناء بدوان مانجيب المعلم والقبيل
بنيه طيبه مابينكم ضلي تزمل=وذا حبه ولا صخى به وذا صاحب زميل
كما سنان المشط لاذا على الثاني مفضل=ميال القلب مايقدم لك الكاس الفضيل
عقل ياالجابري مابينهم ولاتوكل=على الثنتين والرحمن بعباده وكيل
ونكته في الجسد منها المطر والسيل سييل=اذا صلحت صبح واديك وفروعه تسيل
تراحم يطرد الشيطان رولكسي تقلل=ومن شافه هفي يقنع بجمي والقليل
ولاندري متى من ظهرها نسرح ونرحل=لنا ولكم خواتم خير لاحان الرحيل
|
اقتباس :
المشاركة الأصلية كتبت بواسطة محمد سعيد بن مخاشن
[ مشاهدة المشاركة ]
|
&&&&&&&&&&&&&&&&&&&&&&&&&&&&&&&&&&&&&&
( تدلّل ) قال لي باقْديم ومقصوده ( تصمّل )=ويدري الخامعي بَنْ كل فارع له صميل!
أنا في كل شي ريّض ولا مرّه تعجّل=قداهم ( بيت علي ) عوِّد ولاني من ( عجيل )
بدُف عيني معلّق هل نغادر ... أو تكفّل=ونصبح مُمْتَهَن خاضع لنزوات الكفيل؟
وكيف اليوم تبغاني توطّا أو تسحلل=قدا اصحابك في الحمِّه و ( فـــ ) أحباط السّحيل
أنا ما بينكم يا بو الجويّد ما تدخّل=كفاني ما نعاني من تحاكير الدّخيل
على القردان خل ضرع المنيحه قد تشمّل=رضي بالمسخره يا بو الجويّد باشميل
ولا با يِنْفَعَك يا صاحبي دايم تولول=وقد صيّحت من قبلك في إنهاري وليل
ونا ما قول لك خل المساعي أو تكيسل=ولكن ما بظنّي بِيْسَمَع لك بن كسيل
وشفني عا قناعه لو نكرّث أو نبصِّل=حَسَن لي بألف مرّه من لجاعة با بصيل
بطى الشّيخ التّجيبي للنصايح مِيْتَقَبّل=وبانْتَوّجْه ذا الحين المعلّم والقبيل
عن الصّهوه نصيحه لك بسرعه قم ترجّل=وخل عبّاس عا دبّاس وإدحق بالرّجيل
توجّه للغليله يا القديمي بِتْ تغسّل=ونا مثلك بديوي لي سنه ع اخر غسيل
زمن قد لي بشوف الزّين عيني ما تكحّل=ومن وسْط السّقيفه غاب بو الطّرْف الكحيل
إلى بلجود با ندعي وله جم با توسّل=يعوِّد لا سقيفتنا أبو الخد الأسيل
الدّخيل = مسئول كبير
آل كسيل = فصيل من الصّيعر
أبو الطّرف الكحيل وأبو الخد الأسيل = كناية عن الشِّعْر الجيّد والمواضيع الجيّدة
|