بعتنا يالبكيري

[سبع الليل]

بعتنا يالبكيري

بعتنا يالبكيري للغجر والمزوقر=بعتنا للسماسر والوجيه الرديه
زنبقه ازندقة ولعب على الناس شوتر=وانتهى كل ماضينا وصلب القضيه
جيتنا يالمعثر جيت عاظهر موتر=جيتنا بالبلاء والنوح والمفتريه
راكب الجمس لمريكي بديل الكروزر=والمهاتيف قد سبقوك والروفليه
هكذا من تعشم باللصوص الغبوتر=يمسي الليل في وحله ويده خليه
والمصاييع لي يمسون عالكمبيوتر=والشواهي وعزف العود والسمسميه
تسعتعشر سنه والحكم حكم العسوكر=بالقنابل وبالرشاش والمدفعيه
تحطرموا في عدن وألقوا مراكز بالودر=وانت يالقرش دوّرلك على االصيرفيه
ماسببنا سوى الا أمات فوشه وبودر=هيضن قلب كل سالي صفور العشيه
حملونا على ظهري حمولة تموتر=بالكلف حملونا حمل جاير عليّه
مامعي من صلاب الروس غير أل دوسر=يرعضون السيول المردفه والقويه
حكّموهم على راس الرجاء والقروقر=سلموهم زمام العاليه والوطيه
عودهم عود قاسي حِمر ماهو صنوبر=كيلهم كيل وافر والدراهم ثريه