{ وش حيلتي }>>>>

[مبروك بن ماضي]

(قصيدة نبطية)

لاتـساليني عـن غـيابي حـصل كيف = غـصـبٍ عـلـي يـابـنت مـانيب راضـي
وش حـيـلتي دام الـزمن لـه تـصاريف = لـو ينشكي لاشكيه عند ألف قاضي
لا تـصـدقـيهم عـيـب يـابـنت يـاحـيف =كــل الـكـلام الـلـي يـقـولون فـاضـي
حـكي الـعواذل دايـما كـذب في زيف =معقول ينسى من يحب (إبن ماضي)
والــحـب واضــح مـايـبي زود تـعـريف =قـايم عـلى سـاس الـوفاء والتراضي
وراع الـهوى مـسكين يـابنت وضعيف =هـايـم عـلـى وجـهـه بـكـل الأراضـي
يـتـذكـر الأحــبـاب ويـسـامـر الـطـيف = ويـعـيـش حــلـم الـواقـع الأفـتـراضي
والـبـعد عـنّـك يـابـعد روحـي مـخيف = لــكــن رفــضـي مـانـفـع وعـتـراضـي
مـن غـيرك أنـتي يـلطف الجو تلطيف =لـي مـن حـضرتي زال كـل إمتعاضي