مساجلات صوت الدان الكسري

[عميد السقيفه]

طاب السمر والمداره تفتقد لدراف
ذاهو يخلي الثقيله للمغني خفاف
ذلحين باقوم باقبضلي طراف الشناف
بادكي بيرجل باكسرطراف الحتاف

[بن عسيم]

بن قطمان اشكرك على فتح هذا الموضوع
ومن خلاله تعرفنا على الدان الكسري
وهو سهل وجميل وله جمهوره وخصوصا الشيبان

[سبع الليل]

ماليوم باحط شدي عالقتب والوكاف=وبحمل زوادي وكل ماهمني عالكتاف
خايف تجينا سيول العِرم حل القطاف=ماغير بقفل بواب الدار هن والخلاف
ولعاد بنشد على مولاء عدن والخساف=يكفي من الدوغ والحرمان ياهل الشطاف

[راعي بروج]

باحذر المهتجس ذي قدطلع لليهاف=يصبر على ماجرى له لو بيوكل سواف
كلن يمدد رجوله بتساع اللحاف=يانوف ردي على نايف ويسمع مناف

[سبع الليل]

شربوا من أبار زينه يوم نايف يخاف=وتمركزوا فوق حوره وشكلوا لأتلاف
ماسيب حد سيب بوفوشه وبنته عفاف=لي سيبوا الطُعم في لوصار تحت الخراف

[سبع الليل]

عدى زمان التسامح والقلوب النظاف=وأهل الوفاء والمعزه والنفوس الشراف
ماليوم قدها جريشه في قويع الصحاف=والدق كله على روس الهيك والضعاف

[راعي بروج]

حياك ياسبع الليل والله مبدع
واصيل

[سبع الليل]

اقتباس : المشاركة الأصلية كتبت بواسطة راعي بروج [ مشاهدة المشاركة ]

حياك ياسبع الليل والله مبدع واصيل

ماعليك زود الله يبارك فيك ويحفظك هذا من طيبك وحسن اخلاقك يالطيب تحياتي لك

[عميد السقيفه]

اقتباس : المشاركة الأصلية كتبت بواسطة يمامه [ مشاهدة المشاركة ]

بعد الذره ديّكت ياخوي في لنجله= وبهذلتنا وهي قدها في البهذله= والهرج ذي وانت قاعد حوه يامسهله= مثل الذي منزمن صبّح على المعجله= يابرد بي وين بدفا شعّلوا شعلله= عيني وعينك وصلها ذي في المكحله= يابخت من قد كسر عيدانها القبوله= وسار بالدرب لاشطحه ولامرجله= ولابيزعل ولاحد قط بيزعّله=

يارمحب قول باصفيه بالمنخله
باقوم له قيم من حبوتي باعمله
باشوف اصله وتفسيره ومن له صله
حتى نبين لذي جابه وذي حامله
من بعده ليل لاياطير فوقي عله
خليك من فوق راسي بزينه دله

[راعي بروج]

فصل يابوفيصل وينك هذة الايااام