مجلس الدان الحضرمي

[عميّر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

هلاء يامسهلاء باللي وصل من بعد ويخابر=يخبرنا عن اللي دق في النقعه ميت خابور وخبرنا عن اشياء جم منها من هو الامر=صحاب الارض والا امرهم لمساعد المامور

معد شئ يحتزر لك منهم كلين بيغامر=ولاتدري من الغامر ومن هو منهم مغمور
ولوعندي حقيقه عنهم والله ماحاذر=ذلحت الصدق مابي منهم قهده ولامحذور

[عمر الذيب]

اقتباس : المشاركة الأصلية كتبت بواسطة عميّر [ مشاهدة المشاركة ]

معد شئ يحتزر لك منهم كلين بيغامر=ولاتدري من الغامر ومن هو منهم مغمور ولوعندي حقيقه عنهم والله ماحاذر=ذلحت الصدق مابي منهم قهده ولامحذور

يحيكو حوكه الغبران يبغوا ولد باجابر=طوال العمر يبقى خاطره غصبا علي مجبور
ونا رافض ورفض الذيب ماهو من قفى ساتر=رفضنا لي بطؤ يتلاعبوا بالشعب والدستور

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

يحيكو حوكه الغبران يبغوا ولد باجابر=طوال العمر يبقى خاطره غصبا علي مجبور ونا رافض ورفض الذيب ماهو من قفى ساتر=رفضنا لي بطؤ يتلاعبوا بالشعب والدستور

وانا باجيب لك يالذيب ماذلحين بوشاكر = ولي غير في الدستور عندي ياعمر مشكور
ومن غيره نزل منكم نهار الرعد والماطر = وكل واحد تكنن من خلافه لي صبح ممطور

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

وانا باجيب لك يالذيب ماذلحين بوشاكر = ولي غير في الدستور عندي ياعمر مشكور ومن غيره نزل منكم نهار الرعد والماطر = وكل واحد تكنن من خلافه لي صبح ممطور

ترى منزال بو قضه رياء وكذوب ومناظر=ولا ماشفت بعيونك حمد دور على ناظور
قريب المنتهى بايكون مهما تلف عالدائر=ترى بعد البشير الشيخ في ظني عليه الدور

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ترى منزال بو قضه رياء وكذوب ومناظر=ولا ماشفت بعيونك حمد دور على ناظور قريب المنتهى بايكون مهما تلف عالدائر=ترى بعد البشير الشيخ في ظني عليه الدور

ولكنه ذكي قال العمودي صاحبي كاسر = تجبر قل لبوطارق عمر ماعظمه المكسور
وخل الشيخ في حاله وشف دمي مسى فاير = ولكنه بطى عالنار ذا شاهيك ما بيفور

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ترى منزال بو قضه رياء وكذوب ومناظر=ولا ماشفت بعيونك حمد دور على ناظور قريب المنتهى بايكون مهما تلف عالدائر=ترى بعد البشير الشيخ في ظني عليه الدور

ابونا الشيخ متمكن معه في كل محل ساحر=ولاظني يصله الدور لانه ياعمر مسحور
لقوا له سحر في قوته عمر هادي وبوشاكر=بظني لا شبع ماقالهم عفواً ولا مشكور

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ابونا الشيخ متمكن معه في كل محل ساحر=ولاظني يصله الدور لانه ياعمر مسحور لقوا له سحر في قوته عمر هادي وبوشاكر=بظني لا شبع ماقالهم عفواً ولا مشكور

من التمديد والتعديل حالي ضاق ياشاعر=ومن باطل عوض لعنه مشي قدني بدون اشعور
نبا له كوس في الغبه يقع له ذي السنه جائر=وبعده بانشل الصوت لي لحنه على المجرور

[بوشاكر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

من التمديد والتعديل حالي ضاق ياشاعر=ومن باطل عوض لعنه مشي قدني بدون اشعور نبا له كوس في الغبه يقع له ذي السنه جائر=وبعده بانشل الصوت لي لحنه على المجرور

حقوق الطبع والتوزيع محفوظه لدى الناشر=وقد علق بها من عام لول ياعمر منشور
ونا وانته في الفاشوش بانشاور وبانناظر=ولاحد بايشل شاري ولالك بيقبل منظور
وقد شفنا التجارب كلها حقت علي ناصر= وبانشوف الذي بيجيب بن هادي علي منصور