| اقتباس :
المشاركة الأصلية كتبت بواسطة الواثق بالله
[ مشاهدة المشاركة ]
|
اخواني في سقيفة الشبامي اليكم هذه القصيده بعنوان 0رساله عبر الاثير ارجوا ان تنال اعجابكم
ياهاجسي جهز القرطاس هو والقلم=واكتب رساله مفيده عبر خط الاثير
وقبل ماتبتدي كبر لربك وسم=والفي صلاتك على طه النذير البشير
ذي من هداه اهتدوا لعراب هم والعجم=بعد الضلاله ظهر مثل السراج المنير
واشرق عليهم بنور الله والنور عم = شارق على الارض والكون الوسيع الكبير
وبعد سجل في المضمون ماينتظم=وانهل على بحرك الصافي العميق الغزير
وورد الابل عالمنهل وحمر النعم=والقافله عاطريق الجاده باتسير
طريق سمحه قويه من عبرها سلم=وخطوطها واضحه للعير هم والنفير
درب التساهيل لاياقابضين الخطم=ومن توكل على المولى يقود القطير
ومامضى قد مضى واليوم غلق وتم=وكل شي ينتسي لاقد صبحنا بخير
مادام عاد المنيبه مابنا شي مهم=تسرح جمالي وترعى حيث ماتستخير
في ارض خضراء كرمها الله خير الكرم=وجبال عليا وبالوادي الكبير الخضير
واهلها قد كرمهم ربهم بالقيم=واخلاقهم والمبادي مالها شي نضير
امه خلقها المعظم وحدها في الامم=وكيانها مختلف والامر هو والمصير
يكفي ويكفي وبعد اليوم ماشي نسم=يكفي من الماضي القاسي الصعيب المرير
ياماسقونا على جرعات علقم وسم=جرعه قفى اخرى وعاد السم ذي هو خطير
وكم مصايب كبيره من قلال الذمم=شفنا نجوم الظهيره بالهجر في الهجير
واتكالبولك عيال ابليس من كل يم=لغبر ولحمر ولسود والجهر والضرير
وام الكباير معاهم جات ماشي حرم=ذي ماترابع ولاشي عند ابوها ضمير
وجابو الفسد والفسده واهل العمم=واهل الفتاوي استحلوا الحر هو الحرير
وكل طامع وصلنا فاتح اثمه بجم=بنياب تقطع وحد مازال يشخر شخير
وماخفي كان اعظم عننا وانكتم=واشياء كثيره خطيره عادها باتصير
واتحذروا ياصحاب المرجله والهمم=ماحد من النار والرمضاء بها يستجير
والشي لازاد عن حده يثير النقم=ويطير اعقول ماكانت كذا باتطير
ويثير بركان يتفجر ويغلي حمم=ونار حمراء وفيه القاع تسعر سعير
والختم صلى وثنى من خلق من عدم =على رسوله محمد ذي للامه نذير
|
دُره رائعه بها مضامين خافيه بين السطور لمن يتمعن
تسلم على هذا الإبداع إخي الفاضل الواثق بالله
تقبل مروري ودمت بود
11-08-2011, 01:33 PM
العرض المتطور
