مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة الهواوي [ مشاهدة المشاركة ]

قل لطالب سلامك يالسنافي مكرر = والزوامل تبا هاجس وصف العضيدة سل سيفك على الشعار للزمل تحضر = زامل البدو ياباتيس لوحة فريدة

وعدنا يا الهواوي حَلْ في خور مكسر=يلطف الله بنا والنّصر عنده وبيده
والغويزي قنع والله ما بيتحرر=دون سنحان ما نحنا ( لـــ ) لاخِر نبيده

[الهواوي]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

وعدنا يا الهواوي حَلْ في خور مكسر=يلطف الله بنا والنّصر عنده وبيده والغويزي قنع والله ما بيتحرر=دون سنحان ما نحنا ( لـــ ) لاخِر نبيده

قل لبن عمرو يتصبر مع من تصبر = ماتدوم الصعايب والوقوت الشديده
يذكر الله في صبحه ولا الليل غدر = رب يالله تفرجها وتشرق جديده

[طالب النعماني]

كلااااااااااااام كلاااااااااااااااااااااااام لي عوده للرد عليكم قريبا
لاني من الجوال

[حنطبه]

في سهونك لنا ساعات والليل غدر = من بطي بيننا قدها علاقة وطيدة

صاحبك زين في قومه برضوه تصدر = جاب دسمال لصاحبه وكسوة جديدة

قريبا سوف يكون في بيتي الدكتور مسعد يا....!!.

[حنطبه]

وين بن عمرو ذي سدي في البحر شمتر = لانوى ع المخا يرسي قريب الحديدة
مامعه نود ماقايس قياسه وقتر = ضيّع المال من يده وصفر رصيدة

[جعور]

قم نصح خوك في الزامل وقله تحذر = لايعبر بالقوافل صوب وادي عبيده
إن معه شاص هم معهم دواسر تعصر = باترجعه قح من غير مكسب وفيده
بين منخوب والشرقي ولا فوق عجز = لا الضليعه ولا مدهون هي والجديده
شف قـوافـله فـي مأمن هنا بالتعبّر = بالهداوه وبتجيه الفوايد عديده

[حنطبه]

صاحبي بامهر مايوم في البحر زنمبر = بحرهم يعتبر والموج ماباتعيده
حامل السيف ذي سيفه بسرعة تفدر = شي معك هرج له من قبل يذلح وريده

[جعور]

بابريجه خبل يومه بغى مثل بخضر = ماعرف للخزب مسكين ضيّع قليده
والمصلّح يصلّح والمغير يغير = قل في الوقت من يفهم حروف القصيده

[حنطبه]

الرجاجيل ذي عاده خبل ماتعصر = باتعصره مابين الخوه في القعيدة
لاتنكد علي والحال عندي مكدر = والمسافات من أرضي العزيزة بعيدة

[جعور]

عا وسادتي متّكي وخايل وفكر =في شناطيب غابت عن عيوني فريده
عادها مثل أوّل قوتها الكنش لصفر= أو بها شوق للتعشير وأهل العضيده