ابيات ترحيب بالشاعر الموهؤب مجمل

[طالب النعماني]

نرحب بعودة الاخ الشاعر مجمل
بعد قضا اجازة العيد في ربوع الوطن بين الاهل والاصحاب
اهلا وسهلا بك اخي مجمل في سقيفة الشبامي لقد افتقدناك كثير واشتقنا لك ولمشاركاتك الجميله
وسمح لي بهذه الابيات السريعه التى كتبتها على الجهاز بسرعه

نحن نرحب بالزعيم المعشري=اهلا وسهلا ماشرق ورد الغصون
اهلا وسهلا بالوفي ابن الوفي=انستنا ياوعل منصوب القرون
شفنا لبا لخبار فند كل شي=شف بوحسن مشطون واخذته الشطون
قالوا غلا لالسعار شي ماهو قدي=كلن على كيفه يقطّع في الزبون
لا بارك الله فيك يالريس علي=خليت خلق الله منك يشتكون

[القنّاص]

اخي وشاعرنا الاصيل طالب باتيس
يشرفني ان اكون اول من اطلع على قصديتكم الترحيبيّه
بالاخ وشاعرنا المعروف مجمل وقد كانت قصيده ممتازه يستاهل بوعبداله
وبالفعل اقتقدناه وحمد لله على سلامة الوصول ومنتظرين جديده
للجميع خالص تحياتي

[بن قطمان]

لاستاذ والشاعر الكبير طالب كلام والله كلام
ويستاهل الاخ مجمل اكثر من ذلك صحيح افتقدناه
ولكن من كثر الغيبات جاب الغنايم
واكيد الاخ مجمل يحمل الشي الكثير للمنتدى

تسلم يابوراضي على كلمات في منتهى الابداع
ليش لا وهي من بوراضي
تقبل مروري وحضوري
ومن خلال صفحتك احب ارحب بالشاعر الخلوق
مجمل
وعساكم على القوة
اخوكم

بن قطمان

[طالب النعماني]

اقتباس : المشاركة الأصلية كتبت بواسطة القنّاص

اخي وشاعرنا الاصيل طالب باتيس يشرفني ان اكون اول من اطلع على قصديتكم الترحيبيّه بالاخ وشاعرنا المعروف مجمل وقد كانت قصيده ممتازه يستاهل بوعبداله وبالفعل اقتقدناه وحمد لله على سلامة الوصول ومنتظرين جديده للجميع خالص تحياتي

بارك الله فيك اخي القناص
مرورك من هنا شرف لي

[ابوحسين69]

ابيات جزله يستاهلها من قيلت فيه
صح لسان شاعرها

[يسلم صالح بن عكعوك]

انته ترحب بالزعيم المعشري = فالوعل بن منصور محجون القرون
فالمصنعه عامد ولا يفّكر بشي = مادام عنده قرش كل شي له يهون
كل ماغلي مابه مهمه يشتري = يوخذه بن منصور من سوق الدحون
انته نشد ذي فالمكلا محتبي = شيبه مهستر ياغبونه بالغبون
ولا يتاما مالهم ام(ن) وابي = الله يستر بعد هذا وش يكون
ماجالهم عارفه من شيبت عتي = لي باعاهم بيعه على من يشترون
يهوين حطونا في الخبت الخلي = من شان وجبت رز غبران الدقون
عمك علي قدملهم لحم الظبي = وعطوه مايطلب وسيعين البطون
اضعاف لنفس ضيعو كل مامعي = واليوم رجعولك طلب يتوددون
يستاهلو ما جالهم من بابقي = يقلع نخرهم والبراطم والوعيون

[طالب النعماني]

كلام يابن عكعوك كلام
وفيت وكفيت

[مجمل]

اقتباس : المشاركة الأصلية كتبت بواسطة طالب باتيس النعماني

نرحب بعودة الاخ الشاعر مجمل بعد قضا اجازة العيد في ربوع الوطن بين الاهل والاصحاب اهلا وسهلا بك اخي مجمل في سقيفة الشبامي لقد افتقدناك كثير واشتقنا لك ولمشاركاتك الجميله وسمح لي بهذه الابيات السريعه التى كتبتها على الجهاز بسرعه نحن نرحب بالزعيم المعشري=اهلا وسهلا ماشرق ورد الغصون اهلا وسهلا بالوفي ابن الوفي=انستنا ياوعل منصوب القرون شفنا لبا لخبار فند كل شي=شف بوحسن مشطون واخذته الشطون قالوا غلا لالسعار شي ماهو قدي=كلن على كيفه يقطّع في الزبون لا بارك الله فيك يالريس علي=خليت خلق الله منك يشتكون

اولا اقدر وااثمن كلمات الترحيب الذي من الشاعرين الكبيرين ابوراضي وبوصالح
وحقيقة حاولت ارد ببيتين شكر لهم لكن الى الى الان ماوصلنا في مستوى قصايدهم ولكن حسب الطاقه
لايكلف الله نفس الا وسعها

قولك كما طعم البغيه والضبي = تقدومكم تقدوم حمران العيون
في كل واجب شوف طالب لولي = ياحصن للجودات مابين الحصون
اما خبار الارض لا يالمربعي = ماشي خبر مذكور شف بقعاء سكون
مسواء علي ذي هو في الحوثي بلي = والناس عنده كلهم يتفرجون
ولعاد حد يعرفك يالهرج البدي = قليل في هذا الزمن ذي يصلحون
اما غلى الاسعار كلن يشتكي = قلوا لطالب كل كاين بايكون

[طالب النعماني]

كفيت ووفيت يابوعبدالله
رد شافي وكافي بارك الله فيك وكثر من امثالك