قصيده من الشاعر ناجي بازراره النعماني الى عبدالله فرج بالحمر بالعبيد

[حسن بن سويدان]

قال الفتى ناجي باصيغ التعابير = حتى تقع جمله حكيمه مفيده
فيها المعاني قابله للتفاسير = ياسعدكم ياقاريين القصيده
ياخو محمد قدرك دوب تقدير = على التواضع والصفات الحميده
سلام لك اعداد ماغرد الطير = وعداد مابثت قناه السعيده
انته وانا يابن فرج لزرع الخير = في حضرموت الباسله والحديده
ومامضى في عصر جساس والزير = باقوالنا وافعالنا نستعيده
قمنا بتجديد العلاقه وتطوير = ياكاتب اقوالي بصفحه جديده
حقيق خلي كسر العظم تكسير = فاتن يعدون القطر في وريده
قلبه قسي ماغير الوضع تغيير = قصده ومطلوبه يعزز رصيده
كاحل عيونه بهجتي فاعل الخير = قد كان يهواني وحاييه بيده
على دروبه ماحسبنا المخاسير = من صاد شي ياخو محمد يصيده
قدها على ناجي من اول مقادير = حتى ولوعات اشتياقي شديده
لنفاس ضاقت حالتي كيف بتصير = والزين ساكن في مناطق بعيده
بين الظنون الخايبه والتفاكير = عانيت من حاله صعيبه نكيده
وان غردو فوق الغصون العصافير = يوخذ منى قلبي على مايريده
لاينكر الواقع امام الجماهير = في ظل وحدة شعبنا المجيده
يسقى حبيبه عذب صافي من البير = ياساكن الغنا ووادي عبيده
قلي متى بتعود من دون تاخير = لاتهجر المشتاق فتره مديده
ردو على ناجي بحشمه وتقدير = يامن سكنتو فوق الارض السعيده