سوق الذهب

[مهوجن]

نهار سبعة عشر سبعة بتالي رجب = يا ليتني ما دخلت السوق و انا اجنبي
العصر مريت يوم السبت سوق الذهب = لقيت مخلوق لا هندي و لا مغربي
من شوفته ما لقيت الا السهر والتعب = صار السهر والتعب من شوفته مكسبي
اللبس لبس اجنبي و الدم دم العرب = زول ليا شافه الشايب يعود صبي
مكمل بالجمال وبالحسب و النسب = قلت السلام وتبسم قال لي وش تبي
وليا تقربت من زين الحلايا هرب = واقول عطني الصراحة وانت ابوما تبي
بغيت اعرفه وش اسمه مير ما الله كتب = يقول ابي سمعتي واخشى على مذهبي
تبين النور من خده علي واحتجب = يا الله عليك الخلف تخلف علي اتعبي
انا قتيل العيون النجل سود الهدب = ذقت العنى والعذاب ولا حصل مطلبي
قلت ارحم اللي طواه الهم وانت السبب = قالت لعله يطاولك السهر بسببي
قلت الظليمة حرام بكل حشمه وادب = قالت معي عين وصانا عليها النبي
انشد ولا يلحق النشاد لوم وعتب = انا غريب وقضى مايي وقضى منهبي
انتي من اهل الكرك والدير ولا حلب = قالت يشيب الولد وما حصل اللي يبي
قلت انتي من السويد اهل الفرح والطرب = قالت بلاد العروبة رغبتي وطلبي
انتي من اهل الخليج مخلصين النشب = قالت من المسلمين وجد ابوي اعربي
واللي يقول الهوى كله خطر ماكذب = قلت اوعديني وعد بس اذكره واكذبي
قامت تعجب وقالت يا زمان العجب = يالايمه للغرام انا اشهد انك غبي
عليك رسم البداوة والزمان انقلب = قالت عظامي ودمي واللحم وعصبي
انا من البدو كان الدم وصل الركب = يوم السلاح المتل والرصاص احلبي

[جرح الزمن]

قصيدة معبرة تسلم اخي مهوجن

[مهوجن]

اقتباس : المشاركة الأصلية كتبت بواسطة جرح الزمن

قصيدة معبرة تسلم اخي مهوجن

شكرا على المرور يا اخ جرح الزمن

نورتنا