مساجلات الزامــــل الشعبي

[مرعي بن صالح بن سميدع]

نسموني نسم مهموم وابغاء تنسم =وين نلقاء نسم يهل الشروع الوفيه
ذا جمل منخطم ماظن هو بيتخطم =بات روس الخطم واشعاب وربه اذيه
مافزع منهم لعمى ولصور ولبكم =ليش ذولاء البكم ملقينها عولقيه
قل لطالب نهم بالصوت سدي وبنهم =كل من لانهم بتجيه ظربه قويه

[جحدر]

مرحبا بالحكم ليهوبصوته تحكم=جات منه كلم عا السالفه لوليه
حل عا حيد صم له حصن باقي مصمم=للكريف علم مي هاب عليا قويه

[طالب النعماني]

غيروا الفصل

[بوشايع]

	بانشد الحزم يا هــــاجسي باتحـــــــزم ذي كتب بالقلم جاب القوافي عجيـــــه واقسمو بالنسم مابين سـالم ويسلـــــــم وين صوط القثم من مصر واســــكنـدريه شفت فارس نهم راكب بسيفه تهجــــم حل وادي عدم و زوجــــته حميريـــــــه بخت صهره وعم ذى رجل قايد معـــلم قوتهم عالكدم من قبل عرس البنيـــــه لغز عندي مهم فرجل اخرس واعجــم ذي يـــعد الكلم يدعي لــربه بنيـــــــه مية عـــذره و أم ذولا عيــال المقـــدم يدخلون الحـــرم بأدات بيضه نقيـــــه

[أحمد العمودي أبوفيصل]

قد جيتكم مخصوص عاني معنتي = باخلي الحلقه تخر بين الذبال
الحيد بنوطيه ليهو معتلي = مهما ارتفعتي ياشناطيب الجبال

[جحدر]

ياهاجسي ماهو سوى عاندتني=من فوق بيري ليه شليت الحبال
ذلحين لانته صدق قدخاويتني=رحب بمرعي عدما كل سيل سال

[أحمد العمودي أبوفيصل]

دور على مرعي ومرعي مختفي = ياصاحبي ماظهرت مابين الرجال
ماهو سوى روحت وقد خليتني = خليتني معزول وحدي في الرمال
ياما دعيت الصوت كنك ماتجي = قي ساعة الشده وزرزار الحبال
نا قلت في الميدان مرعي لولي = واثرك مع البدوان مابين الجبال

[جحدر]

حاضرونا باجيك لا ناديتني=باجيك لوني كنت في وسط السفال
من عادتي دايم حضوري لولي=عندي الدواسر لي يشلون الثقال

[جحدر]

ولقيت لي صوره بهازعلتني =ونافي الكوره عمدضد الهلال
وبغيتني مثلك صبح به مبتلي=والنصرجاب اشاءتعدت عا الخيال

[أحمد العمودي أبوفيصل]

معروف ماجحدر أبد مايختفي = لانا دعيته بايجي في اي حال
جمهوره نادي النصر منه يشتكي = ماشي نتائج جابها هذا السؤال