مساجلات الزامــــل الشعبي

[القنّاص]

تفكير في تغيير لازم غّيره = طبع الولاء لقوام نزل مقدارها
حتى الصور منها شارع طهّره = تنباع في الغايب تبيع حظارها

[سبع الليل]

خلو المكينه يالحضور معيره=لا حد يحرك بلفها ومعيارها
فرحنا بها قلنا المكينه مسبره=ياريته الا يستمر سبارها
المشكله ان حد نوى عالشعطره=بعض العرب ترتاح في شعطارها
طباع في الابدان معادها مخيره=وشيطان بيوسوس يزين خيارها

[بوشاكر]

بعض المواتر عاد تبغي سمكره= والسمكري طول على سمكارها
وقلوب وشرايين تبغي قسطره = وطبيب غزه جاد في قسطيرها
ولعاد ترجي من صحاب المعشره =حتى ثلث والا ربع اعشارها
ولذي ترأس او طمع في المندره =مامعه اداره ذي تعز مديرها

[ميزان العقول]

كلااااااااااااااااااااااام كلااااااااااااااااااااااام يستاهل

وإحنا غبوتر يا ( عيون ) وش جاب لجاب

[بوشاكر]

تزملوا يارجا ل زامل جديد

مابين مشعل فرق من عباس =عباس ماهو مثل مشعل
عباس جم غالب عليه اليأس =وفي امور الفقه يجهل
والصدق واضح يعرفوه الناس=من دون ماحد عنه يسأل
والنصر ذي قد حققته حماس=عباس عنه كان يفشل

[سبع الليل]

عباس في الملعب يروم الكاس=ماعزه ألا مربشه ومفتل
هذا جزاه النذل خس الناس=لا نعنبو عباس والمحتل

[سبع الليل]

يالمخشني هل عاد شي نيناس=والا ترانا منكم بزعل
ترمي لي بالفضه وتشل للماس=وين العدله وينه ذاك الحل

[أحمد العمودي أبوفيصل]

سبع الليالي مايجيه الياس = ماحد مثيلهم الا المهلهل
ماهو كمى ولد بانواس = في طين ساعه قد تغلغل

[القنّاص]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

سبع الليالي مايجيه الياس = ماحد مثيلهم الا المهلهل ماهو كمى ولد بانواس = في طين ساعه قد تغلغل

قالوا مسا يهدر جمل باداس = واالهيج في شعبه مععقّل
ميزان في الدنيا بلا مقياس = سهم الوفا يطلع وينزل

[صقر الوديان]

صونوا القوافي يا خير الناس = عالبدع يبني كل مقِبل

ومن الزمل طردوه كل هلاس = شعر الزمل حرفه يهبل