مساجلات الزامــــل الشعبي

[الطامع]

اقتباس : المشاركة الأصلية كتبت بواسطة المخشني [ مشاهدة المشاركة ]

مشكور يا الطامع أبد ما تعيب=شاعر يسر سمعك هذيفه يا بحر زاخر جيب كل ما تجيب=بحر العرب إنته و سيفِه شعّار جم أبغى لهم ملهيب=إيجوك طيفه بعد طيفه واحد تسمى فاطمه شرعيب=وواحد دعا نفسه عفيفه ببعد قدا الملديف وِسْرَنديب=ولا نكالفهم كليفه محمد بن سعيــد بن مخــاشــن

الظن هو فيكم ابد ميخيب = يامن سبق غيثه قنيفه

قولك بغيه لي طعمته صبيب = وقت الشتا ينفع وصيفه

[سبع الليل]

باشوف قدامي شرر ولهيب= وكهور في الرمله شهيفه
بترول في صحراء يباء تنقيب=بتجيبه اليد الخفيفه
بيجيبها سالم ولد باذيب=هو صاحب السمعه الشريفه

[محمد سعيد بن مخاشن]

ليه التّستّر يا عمر يا الذيب
.......... إلاّ إذا النيّــــــــات عيفـــــــه

إنته لنا السّستَر معا لِطْبيب
.......... وإن حد جرب حكّه بليفـــــه

محمد بن سعيــد بن مخــاشــن

[سبع الليل]

مالليله الا عاقرون المربعي=الديوله هي والحكومه كلها
ان شي خبر بيد المخابر بايجي=هم في هواء القمري وانا في قلها

[بن احمد]

اقتباس : المشاركة الأصلية كتبت بواسطة سبع الليل [ مشاهدة المشاركة ]

مالليله الا عاقرون المربعي=الديوله هي والحكومه كلها ان شي خبر بيد المخابر بايجي=هم في هواء القمري وانا في قلها

يلي بغيت الوعل له حث السعي *** اعرفك انا كل الدروب اتدلها
خل المخابر والحكم والمدعــــي***في حالهم والجوده انته شلها

[خالد بن مهنا]

اقتباس : المشاركة الأصلية كتبت بواسطة الطامع [ مشاهدة المشاركة ]

اسمحوا لي بهذ الفصل كهدية للجميع المخشني والسبع هو والذيب = وطالب معا خالد سعيفه والشيخ لي هو يحكم الترتيب = يسقيك من صافي كريفه والجيد بو زايد نعده نسيب = مثل المقدم با كتيفه وقناصنا هو للهدف بيصيب = لو كان عاروس المنيفه والطيف نا باقوله مرحيب = يكفيك يالطامع بطيفه عاده مجمل لي ملانا طيب = بلغيه عنوان الصحيفه وعلي ولد حامد دعه بحبيب = لنه من الأسره الشريفه قولوا لبو شاكر ظهر لتغيب = ياصاحب النفس اللطيفه وعيون هي عن اختها بتنيب = لا غابت الماسه النظيفه وان حد نسيت اسمه خره بنجيب = ابيات فيها بانضيفه وشبابكم والله هم والشيب = ما مثلكم وسط السقيفه

اورانيوم يحتاج له تخصيب=وإصابته ماهي طفيفه
ابيات زينه مرتبه ترتيب=تفرح بها النفس العفيفه

[الطامع]

تسلم يابو سالم تسلم

[أحمد العمودي أبوفيصل]

يأهل الزوامل جيت عاني بشتكي = بالمخشني يوم القوافي شلها
ماشي معه بلجيك ولد المخشني = ماشي سوى المحزاه ريته حلها

[أحمد العمودي أبوفيصل]

ولد العمودي قال شوني محتبي = حب العضيده من زمن ماملها
يابن حمد من وين قلي جيتني = من شان بتخبرك من لي حلها

[بن احمد]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

ولد العمودي قال شوني محتبي = حب العضيده من زمن ماملها يابن حمد من وين قلي جيتني = من شان بتخبرك من لي حلها

قال الوزيري يالحلــــــيلة رتبي *****ومن بيوت الشعر هاتي جزلها
لاجل العمودي حيد عالي باشبي*****باجيب كل جزلة ولا ابا هزلها
جدة عروس البحرفيها مكــــتبي*****لو باتخبرني عن احوال اهلها
باخابرك يا شيخ قلي وش تبي**** باعطيك انااخباري (فرش) في حلها