ياشينها لا صرت تغلي لـك انسـان...ان جاك غالـي وان تغيـب ذكرتـه

[احمد شهاب]

ياشينها لا صرت تغلي لـك انسـان
ان جاك غالـي وان تغيـب ذكرتـه



اغليه واطرد عنـه مليـون شيطـان
ولو زل في حقي دمحـت وعذرتـه




ولا خان مبداه ونسى كـل الاحسـان
والله ليبطي بالرجـاء مـا انتظرتـه





وحتى البحر لو فيه لولو .. ومرجان
دامـه لمثلـه ماسبحـت وعبـرتـه




بعض الذنوب اعدها غلطـة اخـوان
ذنـبٍ يضايقنـي وذنـبٍ غفـرتـه





وبعض العرب في فزعته مثل الامزان
لو تطلبـه عينـه حشـا ماعسرتـه





والناس عندي مثـل سالـم وسلمـان
شخص ٍ اضحي به وشخص ٍ ذخرته





اتصدق اني من كثر مابـي احـزان
حتى عـدوي لـو شتمنـي شكرتـه





ياشينها لا صـرت ماتلمـح الـوان
الا الظـلام ليـا رقيـت وحـدرتـه





وياشينها لا طاح من عينـي انسـان
لو حطنـي فـوق النجـوم احتقرتـه




أعجبتني ولا أعرف شاعرها

أرجو ان ترتقي لذائقتكم

[خالد بن مهنا]

ترتقي للذائقه مدام جات من احمد شهاب..ورب الكعبه اني معجب بكل مشاركاتك..انت شخصيه رائعه..الله يعطيك العافيه,,
لك خالص التقدير والاحترام
اخيك/خالد بن مهنا