مجلس الدان الحضرمي

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ونات قلبي اه يهل العشق ودموعي مطر=عالميل بو دقلين لي جرفته موجات البحور لي كان له مرسى مخصص دوب في بندر عمر=انقطعت اخباره علي وعليك يامحمد سرور

الميل قد غيب عليكم وسط غبه ياعمر = ربان هذا الميل قالو يارفيقي بن حجور
والمشتري مظلوم الا يالذيب وانته به خبر = يومه بغى توضيب ماطوره مخبط مايدور

[سبع الليل]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

الميل قد غيب عليكم وسط غبه ياعمر = ربان هذا الميل قالو يارفيقي بن حجور والمشتري مظلوم الا يالذيب وانته به خبر = يومه بغى توضيب ماطوره مخبط مايدور

الشعب في زره وبن عاقور حراسه غجر=قدها فضيله عاليماني ضاع من بين السطور
ولا درينا هو سببه الحزب والا المؤتمر=هاتوا خبر والا تخبرنا الذي هم في القبور
شو مابنا الا القات والرشوه وتفتيش المصر=ماشي رقابه لي تزر الحبل واطراف النزور

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

الشعب في زره وبن عاقور حراسه غجر=قدها فضيله عاليماني ضاع من بين السطور ولا درينا هو سببه الحزب والا المؤتمر=هاتوا خبر والا تخبرنا الذي هم في القبور شو مابنا الا القات والرشوه وتفتيش المصر=ماشي رقابه لي تزر الحبل واطراف النزور

لله درك الف قال الذيب يا وعل النتر=يالي تجيب الصدق ما تخفيه مثناة الصدور
مالي وللاصلاح ياسبع الليالي لا انقمر=من بعد ما راحو رجال المعرفه في دار فور
نا بغيت حقي حق ثابت ياجليلين العجر=بالغصب با جيبه ولا هو في غراغير الطيور

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

الميل قد غيب عليكم وسط غبه ياعمر = ربان هذا الميل قالو يارفيقي بن حجور والمشتري مظلوم الا يالذيب وانته به خبر = يومه بغى توضيب ماطوره مخبط مايدور

با قص اثره كان شي يوجد في الغبه اثر=ما با جلس مكتوف الايدي ياحمد دمي يفور
في با رمودا با ندور له وفي ام الهجر=من حيث ماهو با نجيبه قبل ما القهوه تفور

[عمر الذيب]

غن يالمغني قال بو طارق عمر طاب السمر=باخذ وبعطي يوم بقعاء ترتقل في كل جور
والغيث سبر روس وادي عمد دلهم بالمطر=والصاليه تزفن وتنعش جهر مابين الذبور

[بن احمد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

غن يالمغني قال بو طارق عمر طاب السمر=باخذ وبعطي يوم بقعاء ترتقل في كل جور والغيث سبر روس وادي عمد دلهم بالمطر=والصاليه تزفن وتنعش جهر مابين الذبور

يامرحبا ترحيب عد ما الغصن دنّا بالثمر=بالذيب بو طارق عمر بندقه كل ساعه يثور
غيثه انا خيله والبراق كل حين اعتكر=ومساهنين السيل بين المغربيه والصفور
ليلة هنا وسرور لي جابتك يمي ياعمر=اي والله ان القاك يطفي نار في جوفي تفور

[بن احمد]

الصاليه يالذيب موعدها الى غرة صفر=اش لون باتوصل وهي قدامها سبعه بحور
والخير لهل الارض ياذيبان يبعيد البصر=مابايقع شي قسم للغربان منّه والنسور

[سبع الليل]

اقتباس : المشاركة الأصلية كتبت بواسطة بن احمد [ مشاهدة المشاركة ]

الصاليه يالذيب موعدها الى غرة صفر=اش لون باتوصل وهي قدامها سبعه بحور والخير لهل الارض ياذيبان يبعيد البصر=مابايقع شي قسم للغربان منّه والنسور

الخير سرحت به رجاجيل الدواسر والنشر= سرحت به الغربان يابن احمد ولقفته الطيور
ماباقي الا شجرة الشيطان واعواد العشر=ماغير لا تساهن في البستان باتنبت زهور

[بن احمد]

اقتباس : المشاركة الأصلية كتبت بواسطة سبع الليل [ مشاهدة المشاركة ]

الخير سرحت به رجاجيل الدواسر والنشر= سرحت به الغربان يابن احمد ولقفته الطيور ماباقي الا شجرة الشيطان واعواد العشر=ماغير لا تساهن في البستان باتنبت زهور

اعرفك يامحفوظ منهم لي يقصون الاثر=والضايعه بتجيبهاحتى وهي من بعد بور
اتفاولوا بالخير يهل اشبام بعد البرد حر=والخير مقبل قل لبو جمعان والفرحه تحور

[عمر الذيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

يامرحبا ترحيب عد ما الغصن دنّا بالثمر=بالذيب بو طارق عمر بندقه كل ساعه يثور غيثه انا خيله والبراق كل حين اعتكر=ومساهنين السيل بين المغربيه والصفور ليلة هنا وسرور لي جابتك يمي ياعمر=اي والله ان القاك يطفي نار في جوفي تفور

انستنا وارحبت يا عايد من ابلاد المجر=هل شي خبر من يمهمهم والا على ماهي فتور
قالو لنا سبر يبين الضؤ من بعد الغدر=كن المصيبه عادها في يد دهان السيور
واللي يحبون الطما طم منهم قلبي بشر=قالو لنا ظلمه الى شعشع على الوديان نور