04-29-2009, 10:42 PM | #10431 | |||||
حال نشيط
|
يابن مخاشن مابغيتك تصطقر=
احسب لها ياصاحب العقل الفطين من قبل شي قمره فقه لاتنقمر= حذرك تقع في قبضة ابليس العين |
|||||
04-30-2009, 12:05 AM | #10432 | |||||
شاعر السقيفه
|
ويقول بن قطمان هاتو لي خبر=ونا حليف الصدق والهرج اليقين والليل ظالم لختفى ضؤ القمر=بتحصل العالم بظلمه ساريين وابليس مايرحم يجر الحبل جر=ملعون حتى في كتاب الله لعين ونا درست ان البلا صنعت بشر=ضاعو وهم ذي ضيعونا اجمعين ماعاد حد يثنى سوى الا عالبقر=والجحر مابا تنقرص به مرتين لتصدق الكذاب حتى لو عبر=واقسم على المصحف وقدملك يمين بستان ماتسقيه مايلقي ثمر=هذا كلامي وافهمو يافاهمين |
|||||
04-30-2009, 12:36 AM | #10433 | |||||
حال نشيط
|
حيا وسهلا باكلام المختصر=
من عند بن قطمان برد عا الريين ياكم وكم شفنا في الدنيه عبر= نحنا الحضارم في الحياه امجربين والدي وصاني في الخطوه حذر= من قبل مانمشي نلقي لي حذين كل من دحق حافي بضني ينعقر= والا يقع قوت الذياب العاويين دوو |
|||||
04-30-2009, 12:37 AM | #10434 | |||||
شاعر السقيفه
|
يامرحبا باقوال من شاعر حضر = حيا وسهلا بالرجال الحاضرين قولوا لبن قطمان شف حالي بشر = من لي لقوه اصحاب عنتر بن حسين ماشي فوائد قال شاعر تشتهر = مامنهم غير الخساير باينين القصد والمقصود شف هذا غبر = ماشي فوائد باتجي من خاينين |
|||||
04-30-2009, 12:38 AM | #10435 | ||||||||
بــــوجــــمــــعـــــان
|
حيا ببن قطمان ذي صاغ الدرر=السيف بوحدين بيده والسكين كل من قيض بيده لقاءله فر وكر=بيهابه العدوان والمتعندين جاب الحقيقه في الشرايط والمكر=وشهربها بالصوت لا يالغافلين |
||||||||
04-30-2009, 12:41 AM | #10436 | ||||||||
نائب مشرف عام قسم الأدب والفن
|
قولك مشفّر كيف نلقي بالشّفر؟=والقول ذي واضح يسر العارفين قولك مغطّى من مخافه أو حذر=وإن كنت خايف نام في الزّبن الزّبين وش كلّفك تدخل وتمشي في الوعر=يا المشجري وتثور ضمن الثايرين؟ خلّك مريّح في بساتين الزّهر=والحرب لهل الحرب مو للساليين محمد بن سعيــد بن مخــاشــن
|
||||||||
04-30-2009, 12:57 AM | #10437 | |||||
شاعر السقيفه
|
شفنا محمد قال شاعر قد ظهر = وماخفاه الوقت لازم بايبين يالمخشني لادق ناقوس الخطر = ماعذر متصيح بصوت الغافلين |
|||||
04-30-2009, 01:05 AM | #10438 | |||||
حال نشيط
|
ياريت بقعه باتقعلي بالخير=
باختار مابين المعلم والعوين والعنتره هي والبطوله والقور= باتردنا زام الجماعه الاولين |
|||||
04-30-2009, 01:35 AM | #10439 | ||||||||
بــــوجــــمــــعـــــان
|
ماليوم شف كلين بيقص الاثر=قولوا لبونواس شعره في عجين وايش بايبتيها كعاشيش الغجر=موس الحلاقه فللوها المرتشين |
||||||||
04-30-2009, 01:43 AM | #10440 | |||||
شاعر السقيفه
|
قولوا لسبع الليل هرجك معتبر = ياريت حد يفهم مثيل الفاهمين ياصاحبي لك ذرع وافي ماقصر = يالسبع نا حطك على يدي اليمين |
|||||
مواقع النشر (المفضلة) |
|
|
|