عبر عن شعورك ولو بكلمه

[اصيل]

تمنيت اجرحه لو كان بمكاني && وارد الصاع له ضعفين عن مـا جـاب
وطفي عالاقل أهات بركاني && وهـدي جـرح ماعمـره بذاتـي طـاب
خذلني للأسف قلبي وخلاني && حلف مايجرحـه مهمـا حنانـه غـاب
اكيد الحب بلوه فيه و أبلاني && نويـت أتـوب لكـن خاطـري ماتـاب
انا استغرب غرامي وين وداني && صحيح اللي يقولون الهـواء غـلاب

[اصيل]

ادفنوني حـي بثيابـي يصيـر اللـي يصيـر && دامهـا مـا صارحتنـي وارحمـت معشوقهـا

مـا بقالـي مـن غلاهـا لا قليـل ولا كثيـر && مـا بقـا الا جرحهـا وطعونـهـا وفتوقـهـا

علموهـا ان الغـلا والـراي الاول والاخـيـر && رايهـا وان السنـيـن اتسوقـنـي وتسوقـهـا

وعلموهـا انـي اذا حبيـت حبيـت بضميـر && وعلموها ان هامتـي فـوق السحـاب وفوقهـا

وعلموها لا بتعدت انسـان مجهـول المصيـر && والتفـت ودمعتـي بـيـن الشـفـاة اذوقـهـا

لا تناظرنـي بعيـن الحـزن وفـوادي كسيـر && ولا تجاهلنـي وقلبـي ذايبـاً فــي شوقـهـا

تنتظرنـي بيـن لآمـال والحـلـم الصغـيـر && وتذكـر انـي كنـت بيـن فوادهـا وعروقهـا

جـادلاً يقضـي تغليهـا علـى هيبـة لاميـر && والله ان تبقـى معوّجـة الضلـوع طروقـهـا

ووالله ان تبطي وهي تبطش ورى الضلع القصير && ووالله ان ابطي وانا افتـك مـن ورى معلوقهـا

فتنـةً والله خلقهـا مـن حريـراً فـي حريـر && القتل فـي ضربـة الحربـه وفـي منطوقهـا

كـن ربـي ماخلقهـا الا مـثـال لزمهـريـر && عبـرةً لنـاس فـي الدنيـا مايبـرى عوقهـا

ضاعت علوم العـذارى يـوم مرتنـي تسيـر && وضاعت سلـوم الرجـال وقدرهـا وحقوقهـا

زهـرة فوقيّهـا هـازل وتحتيـهـا بخـيـر && ويـل حالـي مـن هزالتهـا وكبـر عذوقهـا

شدت من اقصى الضلوع وروّحت منها عصيـر && وانزلت فاقصـى العيـون الساهـرات وموقهـا

مستحيل اتطيـح مـن عينـي ومنزلهـا كبيـر && يعنـي امـا فـي وسـط عينـي وامـا فوقهـا

[اصيل]

يا قسوتك وشلون قلبك يطاوعك
تنسى غرامٍ ساكنٍ في ضلوعك

وشلون تنسى ليلةٍ كنت أنا معك
فيها ظلام الليل غطى شموعك

كنت انت تهمس .. وإتلامع مدامعك !
ويحلي الصوت الطفولي خضوعك

تقول:"أحبك موت" .. وأقول: ما أسمعك
لجل أحرجك ... حلو الخجل في طبوعك

يا علني للموت مانيب بايعك
وشلون أبيعك وإنت قلبي بطوعك !!

وأذكر حبيبي وقتها جيت أودّعك
جفّت على صدري بقايا دموعك !!

[اصيل]

وش تسوي لو عشقت انسان ماهو من نصيبك
........................... لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك
.......................... تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك
.......................... يعني متوقع بأي لحظه يغيـب و تغتـرب بـه

كل دربٍ يرحل بطيفه .. على وجهـك يجيبـك
......................... كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك
........................ تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
........................ عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك
........................ ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك
........................ و انتْ عارف لو ذبحك العشق ما داواك طبه !!

[اصيل]

غيبتــي طالـت ولاهمــك جفــاي""
وكنـت عايــش في أمـل تسـأل علـي..

مــن غــلاك أحسبــك عايــش فــي رجــاي""
وانـت..ماهمــك لوطـال زعلــي..!!

أنت مالــك ذنــب هــذا مــن غبــاي""
ناسينــي..واحسبــك تتغلـــى علـــي..!!

[اصيل]

انتبهت لدمعها بالهدب والكحل سال

لين جفت عينها دمع والقاع ارتوى


وابتدت لحضة جفا ونتهت لحضة وصال

وأنطفى نور السعادة واحسب انه ضوى


ما اكتفيت من الهوى والغرام أربع ليال

واقفت أيام التلاقي وجا وقت النوى


كنت ابلسى وابتسم والتفت عنها شمال

لا قويت الصد عنها ولا قلبي قوى


ما هقيت ان الهوى عذب قلوب الرجال

لين ضاع القلب مني وتفكيري سوى


رحت أدور دفوة الشمس ضيعت الضلال

جيت اطفي شعلة النار والقلب انكوى


ماهقيت ان السعادة خيال في خيال

تروى قلوب الحبايب وقلبي ما روى


كنت ابشتال الهوى والهوى ثقل الجبال

وان تحملت الجبل ما تحملت الهوى


كنت ابسلى بالهوى والهوى صعب المنال

ما رضا لي حظي اللي طواني وانطوى


قلت لا فراحي تعالي ولا قالت تعال

والخفوق ان قلت ابقبل على صدي نوى


الله أكبر لا شرقت شمس يتلاها زوال

كيف ابفرح في صباح مع الليال استوى؟


لاحصل بالحب قسمة ولا جا لي مجال

غير اشوف معاند الجرح وعناد الدوى


شبت النيران واقفت وجاء رد السؤال

ما تشب النار يا كود يوصلها هوى

[اصيل]

قدرت أنساك في وهمي
وفي الواقع تعبت أنساك
قدرت أنساك في بوحي
وفي صمتي ألم ناداك
أنا اللي كنت لك وحدك
وضعت اليوم من بعدك
وسط قلبي نقشت اسمك
ووسط عيني غدت رسمك
أنا بيدي سقيتك حب
وأنا بيدي كسرت الكاس؟

[اصيل]

[

size=5]نويت اكتب قصيدة حب في شخصٍ تمنيتـه
نقشت اسمه على بداية حروفٍ صرت اغنيها
ولو جارت ظروف الوقت ماظنـي تناسيتـه
وانا المرضان من حبه ونفسي من يداويهـا
احبه مستحيل انساه احب ارضـاه واغليتـه
واحب ارضه واحب ارضٍِ نزل خلي حراويها
لو الايـام تعطينـي؟؟؟؟ منـاي اللـي تمنيتـه
اعيش انسى همومٍ نص عمري ضايعٍ فيهـا [/size]

[اصيل]

انت وينك ؟
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى

[اصيل]

ليتي أجــيك وهتني ساعه معاك....وسج وأنسى ماضي الهم وأحزاني
مافي البنات من يشبه مزايـــاك....ودي أصير فـــــي حبك أكبر أنانــي
كاني لقيتك لبوس راسك لماطاك....وأدفى بحضنك وأقول هـذا مكاني