عبر عن شعورك ولو بكلمه

[اصيل]

لو غبت عن عينك فأنا معك موجود
أقرب لعينك من كحل سود الأهداب
بيني وبينك ميثاق وعهود
ماخونها لو قالوا الناس كذاب
ان جيت تلقى الدرب مفروش بورود
وان رحت انت الورد والورد جذاب

[اصيل]

طيفك اللي سامر عيونـي هويتـه

داعب الاحساس وانساني همومـي




كل شي حولي مع طيفـك نسيتـه


أحضنه والقاه في صدري غيومـي

[اصيل]

ما تموت الشمس من بعد الزوال...... وما يموت الحب لوغابوا هله

اسالك ياملاك الروح يا بنت الرجال....... ليه اسمك صار بقلبي مساله

بسالك والحل في نفس السوال .... انتي بنت النور والا مذهله

[اصيل]

ياسحاب الحــزن...مانبغى مطــر

يكفـي اللي صــار...تكفى لا تزيـــد

لـو رضينا بالهجـر...والله قهــر

ولـو سعينـا للوصل...مـا نستفيـــد

[اصيل]

من كثر صدماتـي بنـاس ٍقريبيـن
قمت أتحرى صدمتي من اظلالـي
كل مابديت أنسى وجيّـه البعيديـن
ذكرت لي مع ضيقة الوقت غالـي
كل ماتخيلت المحبـه مـن سنيـن
يأخذني الهاجـوس لأبعـد خيالـي
وكل ماشعرت أني سليت المحبيـن
بديـت أطـرد هقوتـي وأحتمالـي
مدري بكيت الحلم مع هاجس البيـن
والا شعـوري بالغـلا مايبـألـي
مدري عزاي أنك بعيدً عـن العيـن
والا الندم يصفـق يمينـه شمالـي
مدري هو أحساسي بفقـدي لغاليـن
وأقول بعد اللي رحـل وش بقالـي
دام أقرب أحبابي نسونـي وساليـن
وأنا لـو أنساهـم تناسيـت حالـي
لو عشت من صداه عذاب الامريـن
ماوالله أرخص عزتي رأس مالـي
لو المواجع تقسـم القلـب نصفيـن
ماضاق بي صدر الحليـم الشمالـي
بين الصبر والصمت والخاطر الزين
تجـي مسافـات المعانـي توالـي
ومن كثر صدماتي بنـاسٍ كثيريـن
صرت أتحرى صدمتي من أظلالي

[اصيل]

ودعتك الله لو على قلبي اخطيت ***وحاربتني من دون ذنب وخطيّه
احسبك تذكرني اذا اصبحت وامسيت *** واثرك على فرقاي نفسك هنيّه

الله واكبر كيف عنّي تخليت *** من بعد ما علقت روحي البريّه
وش غيّرك وش بدّلك ليه صدّيت ***وانت الذي بالقلب نبض وهويّه

من هو بقى لي بعدما عنّي اقفيت *** وقدمتني للحزن اثمن هديّه
كل شي تخيلته ولا يوم ظنيت ***انك لحد غيري ولا نتاب ليّه

ويلك من الله كيف بالحب ضحيت *** قلبك حجر ما حنّ يومٍ عليه
اللي بيننا بعمر في يوم هدّيت *** واحلامنا ما عاد منها بقيّه

اتعد غلطاتي اذا يوم زليت *** من دون مدري ...وين ذيك الحميّه
ما فيه معصوم الخطا لو تحريت ***ولا فيه كامل غير رب البريّه

ولو ما احبك ما نشدتك ولا اطريت *** بعدك وصدك وانتخيتك نخيّه
ترجع لقلبٍ يوم بالعقل حبيت *** وتترك هل الاحقاد واهل الوشيّه

خايف عليك وخايفٍ منك يا ليت *** ما يوم حبيتك وصرت الضحّيه
لا نيب حي بعد هجرك ولا ميت*** ولاني مريض ينعرف بالشكيّه

لكني ادري بحالتي لا ترديت*** ولا ينفع الملتاع طبه وكيّه
مالي سوى اللي كلما راح ناديت *** يا كود يسمعني ويرجع اليّه

[اصيل]

بعتني .. واقفيت ماهمك مكاني !!

واشتريت بحبنا قسوة شجوني
لوصحيح تعرف قدري بالثواني

كان ماعشت وتفننت بطعوني
مالوم الوقت لو فرحه جفاني

ماحسبت حساب ناس ضيعوني

[اصيل]

الزمن يفرض سؤال كل اجاباته محال
السعادة شيء واضح وألا من وحي الخيال؟
في بدايات الأمور تبني أحلامك قصور
ولما تتعمق على نفسك تدور
كلنا محد سلم من تعاسه أو ألم
بس منه اللي فينا
من وسط قلبه ابتسم ؟

[اصيل]

نزعل .. ونتكبّــر .. وحنا .. من الطيـــن ..

والكل .. منا ... صــــدّ .... لا .. أقبل ...... خويّــه ...!!





نفخر .. نقول .. إنا .. على الصد .. قاوين ..

وهــــي .. علينا ... في الحقيقـــــة ......... قــــويه ...!!

[اصيل]

يعـانـق هـالألـم روحــي .. عَـــرَف للـطِـيـب تـقـديـره
حَـلَـف فــي داخـلــي هـالـجـرح لاماينـحـنـي راســـه

خطـاي إنـي عطيـت الـودّ منهـو لاحـسـن سـيـره
مثيـل الخَـل فـي السكَّـر إلـى مــن إختـلـط .. حـاسـه

حبيـبـي وش لـنـا والـحـب دام الـحــب تصـبـيـره !!
بعيد الفرق .. وش جاب اسود الكربون ... لألماسه