07-16-2011, 08:49 PM | #11241 | ||||||||
شاعر السقيفة
|
البيت شف ساسه قوي لكن ستره امشرّقه=محتاج لا ترميم ومعلم في الشغله خبير
ومن سباب اهل القور يالسبع واهل المحذقه=كل ماتقدمنا شوي عدنا الى الصف الاخير |
||||||||
07-16-2011, 09:29 PM | #11242 | |||||||
شاعر السقيفه
|
من كثرة العدّي دهلنا ع الترف والبعزقه=نصرف بدون احساب كل واحد حسب نفسه امير
الاولي لي فالخزائن قام في يوم انفقه=والثاني اهبل حب رقّاصه وقده الا فقير والثالث الزنديق ما نفعته حتى الزندقه=وحده تقوده بعد ما جاه العمى واصبح ظرير |
|||||||
07-16-2011, 09:49 PM | #11243 | ||||||||
شاعر السقيفة
|
لا يالمقرم لا تجيب القصر سد الصندقه=عود العشر ياصاحبي ماهو كما العود الكسير
ذولا الثلاثه لوهرج منهم احد لتصدقه=حتى حلف وابشرك ف المجتمع منهم كثير |
||||||||
07-16-2011, 10:05 PM | #11244 | |||||||
شاعر السقيفه
|
حيا الله ابو محمد حمد لله على السلامه بمناسبة العوده نبا منك فصل انت او ابوطارق وشايف انّه ماهو بعيد مالكم عذر الليله لا انته ولا هومحبينكم يبغون سمركم لهم حق وواجب عليكم . |
|||||||
07-16-2011, 10:12 PM | #11245 | |||||||
شاعر السقيفه
|
كلاااااااااااااااااااااااااااااااااااام كبير يفزع ياايييييييييييي |
|||||||
07-16-2011, 10:22 PM | #11246 | ||||||||
شاعر السقيفة
|
الله يسلمك يابو وليد والمهلي مايولي وابشر بالفصل بس هه لا تروح
ابشر ابشر يالمقرم ونت طلباتك اوامر=فوق روس الكل لا يابووليد
للخواطر صافيه يالشهم بتزين المسامر=والهواجس باتجيب اللي جديد ياعسى حظّي مع الجاويد ميقع حظ عاثر=ياهجوسي خلي الزايد يزيد مانبى نعلّمك ونته ياعمر عارف وخابر=تعرف الجفري ومحسن بن فريد |
||||||||
07-16-2011, 10:33 PM | #11247 | |||||||
شاعر السقيفه
|
العشى في القدر عا نار المطابخ والمجامر=كل شي موجود شف بعيد
عادني مد شن ويدي عالمقص مازلت صابر=لين يظهر راس هارون الرشيد باقزع له بالقي مدخل على قلبه ونافر=لي سرق بند قك يابيت القصيد |
|||||||
07-16-2011, 10:49 PM | #11248 | ||||||||
شاعر السقيفة
|
احمد الله ياعمر يالذيب دام العتم سابر=ويش تبغى بالملازم والعقيد
كلما هجدت شوي رديتها هوشه وناير=ماعرفنا لك ذكي ولّا بليد ون ظهر هارون ياذيبان عا البث المباشر=خاف عدها روس يكردها كريد مابظني حد سرق حد ياولد والحق ظاهر=والغلط ياصاحبي يحصل اكيد |
||||||||
07-16-2011, 11:10 PM | #11249 | |||||||
شاعر السقيفه
|
عاد في راسي هواجس من قدا بن عمر عامر=مانبا نغلط كما غلطة حميد
قبل نقطع با نقيس الميح من واحد لعاشر=والليالي مقبله يابو سعيد مانهم في البث لو عشره كما يسلم وداعر=في ثواني با نضويهم شريد يعرفوني كلهم لقد السمر حاضر با حاضر=وانت تعرفني ويعرف بو وليد مثل غيث الخرف باشر اهل صاعد واهل حادر=واسقي احو يره وعوره والرشيد |
|||||||
07-16-2011, 11:28 PM | #11250 | ||||||||
شاعر السقيفة
|
انت قدوتنا ونحن نعرفك متجيب قاصر=قولها والله على قولي شهيد
بس انا شوف الحكايه ماتخص يسلم وناصر=لا تشب النار توقدها وقيد خاف تحرق ياعمر فيها وتصبح شخص خاسر=تجني الحسره وغيرك مستفيد شف عقيل انشده وانشد صاحبه احمد معاشر=باتفيدك لورساله بالبريد ون تبى شوري ترى ميضيع كل مخلوق شاور=اغفر الزله وتبلغ ماتريد السماحه طيبه يالذيب دام العظم جابر=واعرفك ياصاحبي رايك سديد المهم رجّعك ربي لا غلوبك والمحاضر=تبترع ياراعي الباس الشديد |
||||||||
مواقع النشر (المفضلة) |
|
|
|