مجلس الدان الحضرمي

[عيبون]

شاعرنا القدير سقم اعذرني تكررت قافية الذباب عندي من دون قصد حيث كنا نكتب في وقت واحد =
لك ودي=

[سقم]

اقتباس : المشاركة الأصلية كتبت بواسطة عيبون [ مشاهدة المشاركة ]

يانوب حن عالزبد يعجب حنين النواب=كارس دخل دام عاد العلب فيه الشذاب شف كل شي للفناء والادمي للتراب=والعمر يذبل ولا مخلوق تمّى شباب والباقي الله والمعروف بين الصحاب=دنيا حقيره وماتسوى جناح الذباب لي خلّت الصقر في ذا الوقت مثل الغراب=ياريت يعدل معي شمّاخ مولى رحاب

عيبون وينك علينا ليش طلت الغياب=خليتني للزواخي والمهب والزياب
هات الدوا ذي معك يالصيدلي للصواب=ياريت يعدل معي شماخ مولى رحاب

[سقم]

اقتباس : المشاركة الأصلية كتبت بواسطة عيبون [ مشاهدة المشاركة ]

شاعرنا القدير سقم اعذرني تكررت قافية الذباب عندي من دون قصد حيث كنا نكتب في وقت واحد = لك ودي=

الله عليك يابن هلابي اصيل بن اصول ولا عليك اخي العزيز

[عيبون]

اقتباس : المشاركة الأصلية كتبت بواسطة سقم [ مشاهدة المشاركة ]

عيبون وينك علينا ليش طلت الغياب=خليتني للزواخي والمهب والزياب هات الدوا ذي معك يالصيدلي للصواب=ياريت يعدل معي شماخ مولى رحاب

يامرحبا بك عدد ايات كل الكتاب=ياغيث دلهم على كل السهُل والهضاب
لاتلوّم المغترب به جور من لغتراب=سكّين وسط الحشاء لا يافتيل الشناب
انّك بغيت الدواء عند الخوه والجناب=في ارض حامل ميه يمشي بها مايهاب
وامّا هنا ترتخي قشعته يابو الشباب=ياريت يعدل معي شماخ مولى رحاب

[سقم]

اقتباس : المشاركة الأصلية كتبت بواسطة عيبون [ مشاهدة المشاركة ]

يامرحبا بك عدد ايات كل الكتاب=ياغيث دلهم على كل السهُل والهضاب لاتلوّم المغترب به جور من لغتراب=سكّين وسط الحشاء لا يافتيل الشناب انّك بغيت الدواء عند الخوه والجناب=في ارض حامل ميه يمشي بها مايهاب وامّا هنا ترتخي قشعته يابو الشباب=ياريت يعدل معي شماخ مولى رحاب

داويتني ياصليب الراس والحال طاب=هذا الدواء مهو كل منهو تعنى وجاب
بعض العرب يحسبوا كل شي مكحدر كزاب=ياريت يعدل معي شماخ مولى رحاب

[محمد سعيد بن مخاشن]

اقتباس : المشاركة الأصلية كتبت بواسطة يمامه [ مشاهدة المشاركة ]

باشل قشّي من الوادي كثير الذياب=مادامها عالصناعه باصمه بالنياب لاحول لاحول كل هبهوب يرّث هباب=ماطاع يشمخ وشوفه معتلي عالطباب مثل الاسد يوم يزءر في فريع الشعاب=البدو يمسون في استعداد جمب الركاب هذا يخشّر ولاخر ممتقط بالزهاب=والخوف من لبوة الادغال لي ماتهاب

يا لبوة الدُّغل لا نبحن عليش الكلاب=ما همّش النّبح أو همّش نهيق الدّواب

[عيبون]

عالحصن لقّو حرس عاكل سدّه وباب=ولقو متارس ترد اهل الفتن والسباب
دسمال بوني لقه بين الدفُف والهداب=لاتخلّي الزخي يوصل له ولا شي مهاب
واحسب حسابك في المرجاع هو والذهاب =من قبل توحل وتصبح في الوحل والحناب

[عيبون]

بانتغدى ولنا رجوع انشالله اذا باقي فالعمر بقيه=

[سقم]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

يا لبوة الدُّغل لا نبحن عليش الكلاب=ما همّش النّبح أو همّش نهيق الدّواب

الله عليك ياشيخ

كل من سكن حصن ماهو مثل ذي في الجباب=حتى في الشكل والمنضر ولبس الثياب
يالعيف قزيت ماكولك وعفت الشراب=ياريت يعدل معي شماخ مولى رحاب

[سقم]

مع الف سلامه والله يهدي الجميع