مساجلات صوت الدان الكسري

[سبع الليل]

اسمحوا لي بالفصل بعد أذنكم

هذا خرج فصل بن قطمان غيّب وتاه=اظاهر انه احتجى مابين تمره وساه
هاتوا خبر ياجماعه ودنا بالبتاه=من يوم غاب القمر والنجم ذي في سماه
والحال يعلم به المولى ويعلم مداه= ان كان شي جات زله من محب في خلاه
سامح وربك يسامح من خلف لتجاه=خلك معانا مرافق واحسن الانتباه

[راعي بروج]

الظاهر انه مطبر في صفوف المشاه=ومن دخل سعفهم يالسبع ينسى عشاه
يابندقي يالمضلع ذي طلع من غشاه=عليك بالوعل سدد على الكبد في حشاه

[سبع الليل]

نحن سمعنا خبر ثاني وثالث تلاه=قالوا كبير الشوى سبّر يلملم كساه
مسكين حمل حموله غصب ماهو برضاه=وكل من لقاء سوقة المهيون حصل جزاه

[بن قطمان]

السبع يسعد صباحه جم ويسعد مساه=وصاحبي صاحبي والله ولابا نساه
انا تخبر من اخباره وممن قداه=والفسل مابا تسدا يالمحب في سداه
والعيلماني معي ذيهو يصل لامداه=واليوم في اليد واستعدادنا للعداه

[طالب النعماني]

جمعه مباركه علينا وعليكم

[ديناميت الجنوب]

الصقر يا كاسبين الجود ماهو حداه=والذئب لاقد دخل للفرق يبلغ مناه
والهيج ذي بايعصر قد فطر بالهاه=والوقت مقلوب نطلب ربنا بالنجاه

[سبع الليل]

هذا الكلام الذي ليّن قلوب القساه=يارب عسى كل معاكس رد عقله عساه
ويعود رشده ويفسح في دواعي الوشاه=ماهو سوى كل مخلوق لا بغاء شي لقاه
الناس توخذ وتعطي في سلوك الحياه=والزين كلين يدور له ويسعى وراه

[بن قطمان]

ذافصل والثاني الليلة بصوته ولب=هذا زمن قال بن قطمان فية العجب
يامبدعين القوافي يارجال الادب=قليل ياهل الادب ذي فالمشاكل كتب

[سبع الليل]

راعي الشروع الطويله مايهمه التعب=ابداًولا يهمه كلام اهل الفتن والنشب
لنسان يسأل على راعى الحسب والنسب=لي ينتخي ساعة العوزه وحل الطلب
تلقاه حاضر على داعيك مهما انقلب=ريح الزمن اوتقلب راي كمين شنب
حل المثوره معك يبذل بكل ما وجب=ماينسحب في الشدائد لوعطوه الذهب

[العائد1]

الاخ سبع الليل
اولا احييك واحيي فيك روح الاخاء والتسامح والعقل والمنطق في كل ما قرأت لك من اشعار
ولا اخفيك انا معجب جدا باسلوبك في التعامل مع الشعراء بالردود الهادئه والتي تفي بالغرض
والتي لا يجيدها الا القليل من الشعراء فانت بحق استاذ ومنك نستفيد, شكرا على هذا العطاء.
اخي السبع استشيرك في بعض الكلمات التي وردت في مشاركتك السابقه . في البيت الاول
ما رايك لوتم حذف حرف (الهاء)الاخيره في كلمة ما يهمه. في البيت الثاني الا ترى (ابدا) زائده.
في البيت السادس لو كتبنا بدلا من كمين( كم من) هل تتفق معي؟

تحياتي