مساجلات الزامــــل الشعبي

[بن احمد]

مرحيب يابوزايد مرحيب وافي والله
الله يمسيك بالخير

[بو مجيد]

اقتباس : المشاركة الأصلية كتبت بواسطة بن احمد [ مشاهدة المشاركة ]

شب مكاويك ماذلحين يانار شبّي=كيف تبغى العرب يكوون والصوب نافر لازم اول نظهر جرح ف القلب مخبي=تسعتعشر سنه اعيا جميع الدكاتر

حافظوا على المودة بين صيعر وكربي =مانبا الحرب توصلني بقف العوامر
شو معي بل زينه والمفادم بزربي= ما نباها ضحية للشفر والخناجر

[سبع الليل]

اقتباس : المشاركة الأصلية كتبت بواسطة بو مجيد [ مشاهدة المشاركة ]

حافظوا على المودة بين صيعر وكربي =مانبا الحرب توصلني بقف العوامر شو معي بل زينه والمفادم بزربي= ما نباها ضحية للشفر والخناجر

الحرب تظهر اليهو على الناس مخبي=نعنبوهم عيال الظامنه والجواكر
والسبب في صلاحي مايباء راي حزبي=والمعارض كذلك يشتكي بالعساكر

[الواقعي]

اقتباس : المشاركة الأصلية كتبت بواسطة بو مجيد [ مشاهدة المشاركة ]

حافظوا على المودة بين صيعر وكربي =مانبا الحرب توصلني بقف العوامر شو معي بل زينه والمفادم بزربي= ما نباها ضحية للشفر والخناجر

ارضه الصرب ماهو مننا شفه صربي=والبرتات يشفي فعلها والميازر
ما بغيته غراب البين ينعق بسربي=لي عياله تحب تلقط عظام المجازر

[صوت سيبان]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

شقت واحد مضر ياناس عابر بجنبي = قطع اسلاكنا ياناس ماكر وغادر اسعفوني بقطوه تمسك الي لعبي = يومه الا شغلني مثل وارد وصادر

ليه متصيح فالسيطان شرقي وغربي=عند نعمان والديّن وصوط المشاجر
والعبيدي على الصيّاح دايم يلبي=لجل مولى الخزانه بايجوا بالميازر
بانأدبه ذي يمشي وهوإلآ مكبي=مارفع راسه المشؤم في خط صافر
قله أبعد وهب من قبل أزهم ونبي=في قبايل يجيولي بالنمش والخناجر

[محمد سعيد بن مخاشن]

اقتباس : المشاركة الأصلية كتبت بواسطة بو مجيد [ مشاهدة المشاركة ]

حافظوا على المودة بين صيعر وكربي =مانبا الحرب توصلني بقف العوامر شو معي بل زينه والمفادم بزربي= ما نباها ضحية للشفر والخناجر

حافظوا على المودة بين صيعر وكربي

كان جدّي على توّه وماهوب مربي

رغم ذا إتسلـّـطوا فوقي عيال السناكر


با توكّل على ربي وبمشي بدربي

نا نويت إن نسوّي في أبوهم مناكر

محمد بن مخــاشــن

[بو مجيد]

اقتباس : المشاركة الأصلية كتبت بواسطة الواقعي [ مشاهدة المشاركة ]

ارضه الصرب ماهو مننا شفه صربي=والبرتات يشفي فعلها والميازر ما بغيته غراب البين ينعق بسربي=لي عياله تحب تلقط عظام المجازر

يوم قلبي معذب ضعت من جور مابي= مانسى ذي حصللي في صبيحة يناير
واني اليوم تايب اطلبه عفو ربي= بعدما الحج اديته و زرت المشاعر

[صوت سيبان]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

ليه متصيح فالسيطان شرقي وغربي=عند نعمان والديّن وصوط المشاجر والعبيدي على الصيّاح دايم يلبي=لجل مولى الخزانه بايجوا بالميازر بانأدبه ذي يمشي وهوإلآ مكبي=مارفع راسه المشؤم في خط صافر قله أبعد وهب من قبل أزهم ونبي=في قبايل يجيولي بالنمش والخناجر

الخزانه(زاويه الشيخ عمر بن أحمد مولى الشعبه وهي المكان التاريخي لهم والمقرلهم للمناسبات وضيافة من ياتيهم من قبائلهم)

المشاجر وال بلعبيد ونعمان والديّن قبائل العمودي لذا وجب التنويه ولا قصور في قبائل حضرموت وشبوه

[محمد سعيد بن مخاشن]

اقتباس : المشاركة الأصلية كتبت بواسطة الواقعي [ مشاهدة المشاركة ]

ارضه الصرب ماهو مننا شفه صربي=والبرتات يشفي فعلها والميازر ما بغيته غراب البين ينعق بسربي=لي عياله تحب تلقط عظام المجازر

يوم قلبي معذب ضعت من جور مابي = مانسى ذي حصللي في صبيحة يناير
واني اليوم تايب اطلبه عفـو ربـي = بعدما الحج اديته و زرت المشاعـر
(بو مجيد )

لا تقارن يناير بالمرض ذيه يسري

في شرايين مبلي دوب صدره يناجر


صابه الجوع والعاهات واليوم مقذي

ما دواء بوه مسوى الطعن وسْط المناحر

محمد بن مخــاشــن

[الشاحطه]

اقتباس : المشاركة الأصلية كتبت بواسطة صالح باعمران ابو زايد [ مشاهدة المشاركة ]

اخي العزيز الشاحطة اذا بتقدر تتجنب الكلام الغير لا ئق فهو افضل لنا ولك.. حاول بقدر ما تستطيع ان تتجنبه!!! انتقد الشعار في اشعارهم باسلوب راقي ومقبول وليس الانتقاد يكون في شخص الشاعر.. ولك مني اجمل التحايا القلبية اخوك صالح باعمران

الله يهديك ياصالح ايش تبغاني اقول لك
ولكن العتبه على اصلاحيات الحذف التي منحت لك
يارجل انا امزح واضحك ومتأكد ان صاحب الشأن سيضحك وينبسط
ليش كذا معقدين ياجماعه ماتفسرون الأمور الا على كيفكم خل الناس تنبسط وتضحك
الحذف والتحذير الغير مبرر هو اساس المشاكل على كل حال العفو منك والله يسامحك