مساجلات الزامــــل الشعبي

[مجمل]

ذا فصل ياطالــــب وصل شـــاعوف = يابن حســــــــــــــن حط القذاء فالنــون
ذي ماحسب للجــــــود والمعــروف = خرب حـــــــــروف الخط لوتقــــــرون
لازم يعـــــــوً د سمــــح او معطوف = لازم يســــــــــدد دينه المديـــــــــــون
مرعي بجنبــــك بن عبــــد مشعوف = بن سعـــــــد جنبك الحذر تنســـــــون
شـــرع القبايل ياعرب معـــــــروف = خلك مع اهــــل الشرع والقانــــــون

[مرعي بن سميدع **]

الشهر في القبله ظوى مكسوف = لي مادرو خليته يدرون
صابه مصيبه لي شرف عالنوف =مادريت هو عاقل ولامجنون
ماهو بطل كل من لقاء شاخوف = يبغاء نشاما ماتجي في الهون
خلو ثمرهم فالحجل محسوف =من بعدها الكل يتصابون
لازلت شف مانا بشي مكلوف =والبخص به ماله صبح مرهون

[مرعي بن سميدع **]

الشهر في القبله ظوى مكسوف = لي مادرو خليتهم يدرون
صابه مصيبه لي شرف عالنوف =مادريت هو عاقل ولامجنون
ماهو بطل كل من لقاء شاخوف = يبغاء نشاما ماتجي في الهون
خلو ثمرهم فالحجل محسوف =من بعدها الكل يتصابون
لازلت شف مانا بشي مكلوف =والبخص به ماله صبح مرهون

[الوزيري]

الصدق يامرعي صبح منسوف=والي يدورلة صبح مدفون
هذا زمان الرعب هو والخوف=والفعل يلقونة وهم يشكون
وبغوك تمشي مثل لي مصروف=تلقي كماهم مثل مايلقون
رفعو قضايانا على لرفوف=ماحد يلبي صوت لي يشكون
والبرد فيهم لابسين الصوف=وانتة رشن ياريت هم يدفون

[فايز باتيس ابو خطاب]

شكر واعتراف
اولا ابدا بالشكر لجميع الشعراء على طرحهم المميز .
واعتبر هذا الموضوع العظيم مدرسة فتح بابها الاخ الشاعر طالب بن حسن فالله يحفظه من كل مكروه .
وهذا شكر للشاعر المبدع الذي ظهر نجمه وابدع في سماء الشعر وانا من اشد المعجبين باقواله وكلماته التي هي غاية في الجمال والابداع وشعره الموزون والذي قد ورث احد ااجداده الشعراء ولربما قد جال بخاطركم اسم وانتم تقرون هذه الكلمات التي ليست من باب المدح وانما اعتراف بحق هذا الشاعر هذا الشاعر هو ابو عبد الله ( عمر عبيد باتيس ) فللامام يا بو عبدالله

[طالب النعماني]

معيوف ملقي له كلاشنكوف=مصروفه الجيشي مع المرشون
عيفه وذا طبعه كذاء معيوف=خاين ومن يمشي معه بايخون
واليوم يكلفني وبه مكلوف=مكلوف به من سمح لوتدرون
لاتحسبون اني عور ماشوف=اعرف لذي في السر يصطادون
هم مادروا ان اللعب مكشوف = مكشوف عاهامان يافرعون
والله علم من بعد قطب الروف=كم من يباء يطعن وهو مطعون
ماناء معي ساعد جبل نفنون=من فوق مخيه صم لا سلمون

[مجمل]

اخي وابني العزيز ابو خطاب اولاً ايش اخباركم وأسال الله العلي القدير ان يوفقكم انت واخوك ومن يعز عليكم في مشوار الدراسه يابوخطاب ادري ان البعد عن الاهل والاوطان شي صعب لكن يسهل امام عزيمة الرجال امثالكم والصبر ثم الصبر ثم الصبر وربك بايعين وتكونوا عند حسن الظن هذا اولاً وثانياً موضوع الشعر والله اني اعتبر نفسي وهذا حقيقي فانا في محو الاميه مقارنه بالشعار الكبار الموجودين فالامنتدى على سبيل المثال وليس الحصر بن عكعوك، بوراضي ، ابونمر ، الوزيري ، بن عبد، العطا س ، وغيرهم كثييييييييييييييييييير لاتحظرني اسماؤهم ولكن استفيد منهم وهذه هوايه ونحاول لعبر عن الغربه والامها وحيقي اشكرك من كل اعماقي على اعجابك بقولي التواضع والان يابوخطاب حاولت اكتب لك بيتين على طريقتك في القا الشعر والله ماادري ان كانت مظبوطه ام لا المهم هذه اول محاوله لي في هذا اللون -

وصفت اني من الشعار نجمــــــــــاً = وانا لازلت مـــــن البادييــــــــــنا
اشـــــــــارك يا فتى لازداد علمـــــاً = وحب الشعــــــر هذا اللي هوينا
وصبرا يابني على البعد صــــــبر اً = في الغربه عسى ربك يعيــــــــنا
وعذرا قل لبو خطاب عـــــــــــذراً = بهذا الشــــــعر لو لحنا خطيـــــنا

[طالب النعماني]

الله الله يامجمل شاعر شعبي وفصيح
الله يعطيك الف عافيه والف موهبه

[مجمل]

شكرا يابوراضي والله تشجيعك المستمر لي هو اللي يمدني بالطاقه والمحاوله المستمره في الشعر وارجو من الله
التوفيق وارجو منك شخصيا اي شي تشوفه خطاء ان توجهني ولاتجاملني يالوفي ولك الشكر والتقدير والله يحفظك

[فايز باتيس ابو خطاب]

خاص للمجمّل :

مجملة ً بيوتك يامجمّلْ = تذكّرني بشعر الاوّلينا
فقد احسنت في الشعروانّي = بشعرك من اشدٍّ المعجبينا
تقول الشٍّعر بالشعبي ولكن = اراك اليوم افصح من راينا
جمعت القول من بابيه جمعاً = وحزت على وسام الصالحينا
تحياتي احبّـتنا اليكمْ = اكررها على مرّ السنينا