مساجلات الزامــــل الشعبي

**سبع الليل** · 02-17-2010, 12:05 AM

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

اسبع قالو المركذ الاول حتل = مني تذاكر شهرله في هاف مون
ون شفت بو فيصل وسفت المستقل = من ماحضر معهم غبونه بالغبون
وبن حمد ون شفت بو زايد وصل =نادو على طالب ودي سعفه يجون
والمعذره والعفوا من كلمة زلل= دي ماذكرت اسمه على الخاطر يمون

مشكور شف شهرك ثلاثين اكتمل=وفيت ماقصرت يازين الزيون
يالله عسى حسن الخواتم والعمل=شف هذه الدنيا على ابن ادم ديون
وحسابها في الاخره يوم الجلل=والي بغاه الله على عباده يكون

**محمد سعيد بن مخاشن** · 02-17-2010, 12:18 AM

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

سلام لك يوصلك لمان المحل
من هاهنا للبيت محكوم الركون
من حي في جده يضربوبه مثل
زهران اغلبهم بوسطه يسكنون
حي النسيم ..اعجز بترتيب الجمل
لابوصفه.وصفه يغيّب بالذهون;gra
وان حد دخل لاعندنا ولا نزل
متشم شي منه سوا ريح الدخون
او عطر باريسي سعاره بالقلل
بيصيب عقلك باالهباله والجنون
لاقلب بوسالم كما قلب الجمل
باينقطب من لي يشوفه بالعيون

;gra;gra;gra

مستغرب الهاجس معك مبعد جفل
ومستغربك تصبح تعكّر في الطيون

الصبح داخل ( زود ) في يدّك تفل
والليل في حي المودّه والسّهون

( باسعد ) يصبح لك كما سكن الجبل
والليل بيجنـّــك حسينات العيون

مرثاتي ألاّ للمريري كالجمل
ظميان والماء فوق شدّه بالشنون

**احمدباعجره المشجري** · 02-17-2010, 12:23 AM

تصبحون على خير يا شعاااااااارنا

**أحمد العمودي أبوفيصل** · 02-17-2010, 12:27 AM

اقتباس : المشاركة الأصلية كتبت بواسطة سبع الليل [ مشاهدة المشاركة ]

لا والنبي مابانبدل بك بدل=لو عبروا شفره على حلقي تهون
خليتنا افكر عسى ماشي حصل =مني ترانا يالعمودي في شطون

ماشي حصل منك ولاشي بيحصل = ذلا عيال ابليس قاموا يفتنون
وانته صديقي قال شاعر من قبل = لك قدر قال الشيخ مثلك مايهون

**أحمد العمودي أبوفيصل** · 02-17-2010, 12:32 AM

اقتباس : المشاركة الأصلية كتبت بواسطة سالم الدهبلي [ مشاهدة المشاركة ]

يابن العمودي جبني ع سال=ليش العراب قالي ميسالون
وانا منهم مجايت حال=احنا تعبنا وهم يوعدون

يالدهبي شفني ماحب الكسل = وان شي حصل تقصير مني ماتهون
المخشني وطن في الوادي وحل = يستاهل التقدير ماحاني القرون

**محمد سعيد بن مخاشن** · 02-17-2010, 12:37 AM

اقتباس : المشاركة الأصلية كتبت بواسطة المستقل [ مشاهدة المشاركة ]

لازم نواصل في التحور والجدل =لما يدقق كل ذيهم يكتبون
والحق ما يزعل ولا منه زعل= هذة حقيقة عند ليهم يعرفون

المستقل خلّوه لي يا ذا العُوَل
با جاوبَه يومه يجيد الــ ( فاء ) و ( نون )

(( الحق ما يزعّل ولا منـّـه زعل ))
ما صدّقـَـك يا ذاك لُمّا يبعثون

إنـّـك تبيع الملح في شبوه ... أجل
غيرك يبيع الماي (لـ) إللي يستقون

وإنـّـك تبيع الثوم وعروق البصل
با يبيع غيرك في البصيله والكَـمون