(((((الدان)))))

[مجمل]

ذا فصل بالسمر لبا بيتين = يابونمر سهران ماشي نوم
التين شوفه في شجار التين = قالوا دواء للبطن والحنات
قالون متعبني وله سنتين = قالوا بصل ينفعه هو والثوم
فالقطن شف كيسه وصل ستين = برجع لديرة انور السادات

[أبونمر]

انته من الليله ونايومين = قدني نعاني من كدر وهموم
لما فتحت الباب لي ذلحين =باقول منك يامجمل جات
ماهو من الحوجه ولامن دين =يالله عسى ستره علينا يدوم
الخير باسط والزمن بيزين = زانت لهل حذيه وهل عينات
من خيرها يكلون باليدين =والرزق من رب السماء مقسوم
تاجر في الدنيا وحد مسكين =حاط الأمل في الزرع والرايات

[أبونمر]

باصبر شوي عدني الى بعدين =ان حد نقز والا ترى باقوم
واهل السقيفه هم بها معنين =وتخصهم هم هيذه الأشيات
صوره قبيحه تعمي العينين = تصوير واحد خارجي مدعوم
لابارك الله في قليل الدين =الذي يجيب اللوم والقصرات

[البكري]

سالي واهــل السـلا ياهـويــن ### نا بغيت السلا ماشي علي لوم
القصرات ماجيها واصلي زين ### والحافــظ الله مــن الـــــزلات
باصبــر عابـلادي ولابـاخيــــن ### والخايـــن عــاده يجيــله يــوم
سره للنــاس با يظهــروبايبيـن ### وكـــل شـي ولــه عــلامــــات


البكري

[ابوهارون]

هذا زامل والا دان يا جماعه !! ما حصلت له لحــــــن يركب عليه ســـــــــــاعدوني والله محتار ؟؟؟

[أبونمر]

اقتباس : المشاركة الأصلية كتبت بواسطة ابوهارون

هذا زامل والا دان يا جماعه !! ما حصلت له لحــــــن يركب عليه ســـــــــــاعدوني والله محتار ؟؟؟

!
وهل حد يقصد على شي صوت من صدق هنا !وتشوف شي قصيد مرتب اوشي زايد وشي ناقص
الدان في السمره مع المعمور وحمد باعمر لابغيته ماهو في الصفحات الله يهديك يابوهارون

[ابوهارون]

الله يهـــــــــــدي الجميع يا بونمـــــــر : بس كيف يطلع وزن القصيده ؟ لان الد نــــد نه بالقصيده على الدآن هو بمثابة كفة الميـــــــــــــــــــزان لها !! والشاعر الذي لا يذ وق للحن ؟ لا يبدع ! الله يهد يكم .

[سبع الليل]

بعطيكم من فصول الدان اذا ما عندكم مانع
_______________________________________________
ذافصل والثاني فضيله####### يارب عدلها تفضل
الناس ذي الايام يشكون
يشكون من قل الوسيله #####يالله تجمل
تحيي فلسطين الحبيبه
ويموت ذي الايام شارون

[ابوهارون]

صح لسانك يالسبع : كلام ملان وموزون على القافيه وصوت تعرف تغني به !
يشكون من قل الوسيله## با اطلبك يالباري تجمّل ## تحيى فلسطين الحبيبه # ويموت ذي الايام شارون .

هكذا الوزن !! وعلى هذا النمط استمروا بارك الله فيكم ؟؟

[البكري]

السبع جاب الجميله #### عسانا معاكم تجمّل
ان كانكم صدق تسمرون
تسمرون ولا باليد حيله #### ونا ماقدرتحمّل
شوف فلسطين السليبه
اهلها وحدهم فيها يجاهدون


البكري