مساجلات الزامــــل الشعبي

[يمامه]

شفف على المشواف وتشوف وشف=الشوف شفته شف يالشاعر شفاف
لاعدموا الشعار من عندك درف=وانته وسط دارك مريح عاللحاف

[الطامع]

قالوا السلب انواع وقدها تعترف = وبعض البشر شوفه من القرحه يخاف
وان ما لحق شي دار طمر له وسط جف = مضرب مثل عدّوه للناس الضعاف

[جمعان بانافع]

كلام اليمامه زين مثل الصدف=ويرتاح قلبي للذي هرجه صداف
انامجازف ياليمامه باجزف=حامل معي ساطورنجزفبه جزاف
عامدفي القبله وفيهامعتكف=وانصوم في رمضان لاصطمت عطاف

[يمامه]

اقتباس : المشاركة الأصلية كتبت بواسطة جمعان بانافع [ مشاهدة المشاركة ]

كلام اليمامه زين مثل الصدف=ويرتاح قلبي للذي هرجه صداف انامجازف ياليمامه باجزف=حامل معي ساطورنجزفبه جزاف عامدفي القبله وفيهامعتكف=وانصوم في رمضان لاصطمت عطاف

الشرده الشرده معه صاطور بانافع زحف=جوفي يدجدج دثروني باللحاف
باقول انا ياخوي كنك لاتخوفنا وهف=يالوعل لاتنطح وقدامك يهاف

[الواثق بالله]

سلام من عندي لكم ياهل المحف=من لحج للضالع الى ما بالحاف
كل مانقسم عالروس ياصحابي يخف=واحنا خوه ماحد من الثاني يخاف

[تأبطخيرا]

فضلا يا اخوان ادخلو على متصفحي بشان النقد الهادي والهادف اذا بغيتو سقيفتكم تكون من ابدع ما يكون والله الله في الجديه والكلام الزين اللي يصم الراس صم وكلام الادمي دليل اخلاقه ومعدنه وتربيته واهله

[جمعان بانافع]

فسركلامي لاتغالطني تلف=شفني اناءفي الجسرماهاب الفاف
وان قلت شي شفني انالي الشرف=ولانخثم ياليمامه في الشراف
والبرق والراعدفي المنسي يرف=تمسي بروقه فوقناملقي رفاف
ذافصل والثاني بغيناالمشتري=يصدم زحل سدي ويحرقهاحريق
وين الجماعه والعميدالمشجري=بغيناءالكلام الزين ذي طعمه ذويق

[أحمد العمودي أبوفيصل]

جمعان مالليله منكد خاطري = يسال على صدقا ولاحصل صديق
ماهو سوى منه يطفي الباتري = شوني كمى الضائع ندورلي طريق

[جمعان بانافع]

في الشرح وحدي من سويعه نهتري=عدكم متى انتم تجبرون الصديق
ياهيج وينك ماعجبكم مسمري=ياشاعرالعربان يازين البريق
يابن حسن حمل حمول البندري=شاعرقوس شعره يهيضني عميق
ولاتركناء العيدهووالجنبري=ونعودلاارض العتيقي في عتيق

[أحمد العمودي أبوفيصل]

خلوك قال الشيخ وحدك تحتري = لامعك نادي ولاعندك فريق
ولامعك ميزان توزن بندري = احذر مواج البحر لاتصبح غريق