مساجلات الزامــــل الشعبي

[طالب النعماني]

بالوحد الكلمه على الكفار=يالله عسى غاره سريعه
يابونمر حجدر يجر في الشار=لانه قلب اسمه ربيعه

[أبونمر]

ياللأسف والله ويا للعار =ماكنت متوقع وقيعه
مول التقى في الأثم والأوزار =ويرتكب حاجه شنيعه
شل البصل والثوم والحرحار=ذي في مزارع باخليعه
وحلف يمين النفي والأنكار=نافي لنا هذا جميعه

[عبدالله الجعيدي]

ما شا الله تبارك الله على شعراء الزامل مخلينه يهجر . تحياتي لهم جميعا

.

[البكري]

يصلي على النبي المختار### لي بغاه في الموقف شفيعه
يحافظ على الفرض والاذكار### لي بغى الدرجات الرفيعه
يالي تعد نفسك من الاخيار### وانت واهلك في قطيعه
[move=up]ابديت بالواحد القهّار ### عسى يغفر الذنب جميعه[/move]


البكري

[سبع الليل]

في عين العدو بادق مسمار=لي جاب الافلام الخليعه
ولا نباء الدلال و السمسار=لي طبعهم خس الطبيعه
لي يعزف العود والمزمار=نباء لبوه راعه تريعه
خلط علينا الحلو بالقار=مابايفيده بن قريعه
بشتكيبه للطيب الجار=عقيل صالح بالربيعه

[طالب النعماني]

اقتباس : المشاركة الأصلية كتبت بواسطة أبونمر

ياللأسف والله ويا للعار =ماكنت متوقع وقيعه مول التقى في الأثم والأوزار =ويرتكب حاجه شنيعه شل البصل والثوم والحرحار=ذي في مزارع باخليعه وحلف يمين النفي والأنكار=نافي لنا هذا جميعه

يابونمر ماسار خله سار=لابد سره مانشيعه
كل من يباء نفسه كما التجار=يمسك بقرشه لايضيعه

[البكري]

ما تقدر تعبرالاسوار### بعيد عنّك شنيعه
كم واحد حولها دار### جابله كمين دريعه
عادك واصل المشوار###خافك تقع الطليعه
الشمس تطلع في نهار###بامره مش طبيعه



البكري

[أبونمر]

هذا السنه ماطين شي أمطار = والبرد ماطول صقيعه
والطقس لاباردولاهو حار =ماعرفت صيفه من ربيعه

[البكري]

قالوا ماتختفي الانوار### والشمع الحراره تميعه
والحياه ياناس اطوار ### والامه اليوم صريعه
لاامن فيهاولااستقرار### والحياه فيها مريعه



البكري

[طالب النعماني]

ذا فصل بتخبر على لجواد=ذي هم يشلون الثقيله
ذي عاصروا عنتر ولد شداد= وكليب ذي حب الجليله
ذي سطروا التاريخ بالميلاد=وافعالهم كلها نبيله
من ضمهم بايبلغ الميراد=يبلغ مراده كل ليله

اهدا لكل شعر السقيفه
نرجوا التفاعل