مساجلات الزامــــل الشعبي

[البكري]

حيابها ابيات عاميعاد### هي عندي كماطش المخيله
تأثيرهاعاقلبي والفؤاد### هي تشفي القلوب العليله
قدلي زمن على الابعاد### هل عاد شي بصره وحيله
باقول خيره بحرث الواد### مادام خيرك في المسيله
بابطّل الساعه مع العدّاد### وعاد الحب بطلنا نكيله



البكري

[عامر باتيس]

يامر حبا بالشاعر المعتاد= ابيات سطرها جميله
فارس ربا في حافة الاجداد= طالب حسن ماحد مثيله
قايد وجيشه ينتصر لاقاد= السيف والخنجر دليله
السيل دي عدا مثنات البلاد= من راعد ثور مخيله

[سبع الليل]

يامرحبا بك ياقوي الازناد=ياخيل بانسمع صهيله
ياقاهر اهل الحقد والحُساد=ياسيف يعجبنا صليله
لك في السقيفه قول وأعداد=ورسوم جم ماهي قليله
باتيس يبذل كل الاجهاد=ويعمل على جمع القبيله
ياريت حد عشره مثيلك عاد=كلين ينشد عاخليله
كان العرب في خيرو سعاد=وعيشه لها معنى زهيله

[البكري]

ان كانهااللا ملك للاوغاد### مابعتدي عليك يابودويله
وان كانها لكل من جاد ### بانشارك ولا في اليد حيله
دخيل عليكم بيدي الاشهاد### وكمن تيس لقّاله قبيله
انا معروف من زام عاد ### بالاصل والشروع الطويله
ومن قراالتاريخ استفاد ### عرف من هم اهل الرذيله



البكري

[راعي الاوله]

نا راعي الاوله جييتكم هداد=ماخاف من حد يدي طويله
وين السبع وين عامر وطراد=وين بكري وامثاله الهبيله
عري محوشبي من الباب للماد=يدخلو يخري ريله شليله
يهوين من عرى سود كله سواد=لكننا بقتل بوه نا قتيله

[مجمل]

القول هذا عندنا مافاد = ان عاد شي في اليد حيله
وان كان كل واحد صبح هداد =كلين يضرب عالمسيله
القول ذي نعرفه عالمعتاد =لاسب لافيه الرذيله
لسلوب ذي فالمنتدى قد ساد =كلن يبا يشفي غليله
ان عاد حد مشرف معانا جاد =يلقي نصع للبافتيله

[البكري]

شوفك كما بعير الزواد### حمولتك ماهي ثقيله
ونارك بانصبحها رماد ### معاد باينفعك بوفتيله
وان معاك لنا اللا عناد### مابانعاند ك ياهديله

البكري

[أبونمر]

كل من سأل عالجيد جوده زاد =وبلغ مراده وألتعى قنديله
بالجود تتعرف على الأجواد =والجيد لا ما لك حكى تحكي له
وان جات لك فرصه وربك راد =تسعد بشوفه يوم وإلا ليله

[الوزيري]

يابونمر نقراء عن الرواد=اشياء لنا بانت دويلة
كانت في التاريخ للحداد=يذكر لنا قصة وحيلة
بين الذيابة هم وياالاساد=لي هم شرح موسم نخيلة
لكن عرف يفصل وهومعتاد=يضرب بسيفة اوصميلة

[ابوهارون]