(((((الدان)))))

[عامر باتيس]

يامرحبا بالقوافي ثقيله=عاالراس ياناس ثقل
رثوه على ناس يبكون
يبكون دم اعين تسيله=العدو في القدس طول
احتلاله الله يصيبه
ويعيش قدسنا في سكون

[البكري]

خايلها ياعامــــر مخيلــــه #### قدنا زمن عا تخيّل
والناس منهاقدهم يشربون
يشربون كرع في المسيله #### والمحوّل قد حوّل
وكلين ينبـــي عا قريبـــــه
يالله عساهم يـــــدركـــون


البكري

[سبع الليل]

[البكري]

صدّام لي قابل عديـلــه ### ماحد بينهم عدّل
واتفقوا الى البصـره يضــوون
يضوون ونفسهم عليله ###والنوم منهم عل
صبحوهم اليــوم في مصيبـــــه
بين المحاكم ياعرب والسجون


البكري

[سبع الليل]

[البكري]

نقـاشـاتهـم قـدها دويلـه ### ياخسه معاهم دل
فــي قـــديمــهـــم دوب يــتــنـــــــا قـــشــــــــــون
يتناقشون عليهم فضيله ### ماهم اهل الفضل
اهـــــل الفــــــــضــــــل قــــــد غـــــابـــوا طيبــه
دولا فـــي ما بـــيـــنـــهـــــم يــــتـــصــــافــــــون


البكري

[عامر باتيس]

شل الصوت يامغني وغن= وقل لبو هارون يسند الرشبه
انا في العشق با رايه وشاره =من ذرا بيده با يجني ثماره
عشقة الزين كما قبص الدفن=وكل من قبص شلوه لتربه
واحس به تكوي فلقلب نار== من ذرا بيده با يجني ثماره

[البكري]

ياعامر نالفصلك فــي سهــن ### ردّيتنا للوراء لايام الشبّه
ايام لي في العشــق واخبـاره ### من ذرابيده بايجني ثماره
العشق بلوه دهـن منــه دهـن ### لاتدخل بنفسك في الحلبه
ياماتحمّلنا بلاالعشق واخطاره ### من ذرابيده بايجني ثماره


البكري

[عامر باتيس]

القلب لي بين ضلوعي علن=وقال الزين ياصاحبي حبة
ولا بسخا قطع علية الزيارة= من ذرا بيدة بايجني ثمارة
ناقش الحنا بسهمه طعن= وسط قلبي ولا حصلت طبة
حتى العقل هايم في فكاره= من ذرا بيدة بايجني ثمارة

[البكري]

راثيلك من العيشه في محن ### قلبك بغى الزين ولي بجنبه
وتحسب الدنيا قــدهـا شطاره ### من ذرا بيده بايجني ثماره
لي نحبه وســط قلبي سكــــن ### مابافرّط فيـه ولا باسخابه
ماقدر فارقــه ولا فـارق داره ### من ذرا بيده بايجني ثماره


البكري