ياهاجسي ردد صدى قيفاني

[بن قطمان]

اخواني واخواتي
اقدم لكم الجديد
والجديد قصيدة تتحدث عن نفسها
ارجو من الله ان تنال على رضاكم
واعجابكم

ياهاجسي ردد صدى قيفاني=من شان يسمعها القصي والداني
رتب معانيها بفن اسلوبك=والشعر في راسي يهز اشجاني
تاتي حروفه في نسق متجانس=والحرف الاول مرتبط بالثاني
احيان يدركها الكريم العاقل=واحيان يفهمها الغريم الجاني
نبض الشعور احساس فن الشاعر=وابيات حكمة في نسق واوزاني
ذا فصل والثاني قريب المعنى=لاعندكم يارب وش وداني
لولا حروف الشعر مازرناكم=افكار شاعر حركت وجداني
انا افتخر اني من اهل الديرة=لانا بشي هندي ولاطلياني
لسان جد الجد ينطق نطقي=باقي على نطق الجدود الساني
والمعرفه عندي بها خلفية=اعرف غريمي والمحب والشاني
واقبض طريق النصف وارفع راسي=هذة وصية والدي وصاني
وقال لاتغتر بمال الدنياء=دنياء دنيئه من عليها فاني
اكرم ضيوفك بالذي في دارك=واشفق على المسكين والجيعاني
واعمر بيوت الله وادخل فيها=قيم السنن والخمسة الاركاني
عوّد لسانك عالكلام الطيب=ووزع البسمات بالمجاني
لاتستغل الناس فيما عندك=لآن ربك كرّم الانساني
وعامل ابنائك سوى بالدنياء=ولاتحط افلان فوق افلاني
الوزن عندك والعبر مطروحه=وانته عليك الحكم بالميزاني
اوصيك ايضا في صلة لرحامي=شف وصلهم هو وصل للرحماني
والجار لاتنسى حقوقه عندك=اهم شي والله رضاء الجيراني
هذة وصايا والدي مكتوبه=والفايدة تعم كل اخواني
كتبتها في نص واحد يكفي=والزور ماحبه ولا البهتاني
اقنع بذي مقسوم من عند الله=الي من المولى كفى كفاني
يالله ياعالم بحال الدنياء=عسى برحمة ياعظيم الشاني
يارب غثنا من مطر همالي=على الجبل والشعب والودياني
وعلى القفار الجافة والصحراء=من حوف لاحجة الى بيحاني
والغيث يفرح لارعد منشية=يفرح به الشبان والشيباني
واهل المدن تفرح برش الماطر=واهل القرى والبدو والرعياني
هذا كلامي من صميم الخاطر=يانار شبي والحجر مالاني
باقي شموخك ياجبل متعلي=باقي شموخك ياجبل ردفاني
من فوق سفحك فجروها ثورة=ثورة على المحتل وعالطغياني
وزلزلو ارض اليمن من تحته=تفجرت ارض اليمن بركاني
والختم صلو عالنبي الهادي=يشفع لنا في يوم ماله ثاني

وتقبلو تحيات
بن قطمان