مساجلة (( الدين دين الله ))

[الشبامي]

حياك يابن هاشم وحيا مقالك
كلمات جميله وزينه
وردود اجمل وازين
لكن قل لي ياشرقاوي ظهرت حليلتك فتره من الوقت وشردت ومااخفيك ولاهي مجامله ترى قلت كلمات زينه وموزونه ونبغاك تستمر

[حاتم الطائي]

السلام عليكم ورحمة الله وبركاته

تحية مليئة بالاشواق للجميع
واذا سمح لي ابو هاني اضيف كم بيت ولو انها خارجة شوي عن الموضوع .. لكن تصب في نفس المجرى .. لان اساس الفساد والخراب من النشأة السيئة والخاطئة .. الرّك على الترباه
وان كان يرى فيها خروج عن المضمون مستعد احذفها .. ذلا حليلة قربعت في كوري ذلحين وقلت بانحطها .. والعفو مقدما ومؤخرا .

وتحياتي للجميع

تالي الزمن ياناس ماتعرف ضحاه ومغربه=والخلق غير الخلق كل ساعة وهم يتغرّبون
لو قلت شو ذا ثور ؟! قالو لك ويومه نحلبه=ماقد سمعنا ياجماعة .. ثور منّه يحلبون!!
والمشكلة طبع القوارة عندهم والشقلبه=في كل صغيره او كبيره دايما يتشقلبون
ذاجيل ياخس جيل حبّه في النشب والمنشبه=ياريتهم يفصون حاجة .. بالعكس هم ينشبون
شيبانهم تعبوا .. وهم عقّوا حقوق المشيبه=والبر قالوا دين .. بايدفعوه لمّا يشيّبون
الرّك على الترباه .. ادّب سقلتك لا (تحربه)=شفهم يذوقوا المر لي كانوا سقلهم يحربون
إتّبّع اخباره .. سأل وينه؟ ومنهو صاحبه ؟=إحذر يساير ناس ياخس ناس ما يتصاحبون
ان كانهم اشرار حاول تبعده وتجنّبه=حاول بقدر الاستطاعة .. خلّهم يتجنّبون
وان كانهم اخيار خلّ الخير معهم يجذبه=من عادة اهل الخير فيما بينهم يتجاذبون
اسّس اصول الدين فيهم ع المكارم رغّبه=في الصدق والاخلاص لازم انّهم يترغّبون
واحذر تمد ايدك على الهفوات والا تضربه=كم ناس قد ندموا على الهفوات كانوا يضربون
راجعه عالغلطات بالحسنى .. برقّه إنّبه=بايعرفون الصح لو هم عالخطأ يتأنّبون
مادام عاد الخيط ليّن .. انتبه لا تقطبه=ربّخ وزرزر بالسياسة لجل ما يتقطّبون
والحاصل ان الفصل يالشعار وقّع مندبه=والخير في ما اختاره الباري وقدّر له يكون

( تحربه ) = تدلّعه .

[الشبامي]

ابداع مابعده ابداع ياابوالكرم ياحاتم وكلمات كلها حكمه ودروس
فهل تسمحون ايها الأساتذه الكرام بنشر هذه المساجله الرائعه في قائمة مراسلات الشبامي ليطلع عليها اكبر عدد ممكن ؟؟؟
الشكر موصول للأستاذ المبدع جمال العطاس على هذه المساجله الرائعه

[الزعيم]

ايش هذا الابداع يا حاتم .. ولكن باقي الشعف حتى تكتمل هذه الملحمه العظيمه لاعدمناكم اخوة مشكورين ....ومشكور على تفاعلك سيدي المشرف .. تستحق هذه الملحمه لفت نظركم الكريم .

[جمال العطاس]

رائع جدا ياشيخ حاتم
وصايا في تهذيب سلوك الناشئه وفي قواعد التربيه
لاياتي الابداع الا من اهله .

[الملك الكندي]

رائع يا جمال ولا يصح الا الصحيح عا جلا ام اجلا

[سبع الليل]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/5.gif" border="solid,2,gray" type=0 line=200% align=center use=sp char="" num="0,black"]
نار الفتن في كل دبره مشببه=لما متى يااهل الفتن بتشببون
المفتريه باالسمن متربربه=وعيالها كل مالهم يتربربون
هي في المشاكل بيننا متسببه=والله ماحد غيرهم يتسببون
خلوسمانا باالغطاط مسحبه=وبعتادهم لما الجزيره يسحبون
هل عاد حد باينكر المثعلبه=لي بعدالمصالح والغرض يثعلبون
أيش بانسوي والعرب متعقبه=في كل قمه ومؤتمر يتعقبون
باالطبل والهاير وناس مقصبه=لما نصافش ياالليالي يقصبون
وعيالهم كلين يحصل مطلبه=وشعوبهم لجل المعيشه يطلبون
اصواتهم ضمرت وقدها مشحبه=حلوقهم يبست ضروري يشحبون
ماباتقبض في عرب متقطبه=في خدمة امريكا خبب يتقطبون
[/poet] ;alia ;baw

[الفارس الهاشمي]

اقتباس :

كانوا شيوعيه وراء ذي الخلق ذه متقلبِه=لامالت اللقمه الي جانب لها يتقلّبون

فــــي الصمــــيــــــم ياحبــــيــــب
الشاهد الله انه عيـــن الصــــــواب

[طالب النعماني]

اسجل حضوري واعجابي بهذه الفكره
احسنت يابن هاشم
ان شالله نتواصل معكم دايما

[ولد نصير]

كلام مليان ياسيد الله يعافيك عليه