03-20-2009, 04:28 AM
|
#1 |
|
بــــوجــــمــــعـــــان
 
|
ابو ولد
باء صبوحي تمر يابس خير لي من بو ولد=بو ولد جاب الحساسيه ونفخه في البطون مادريتوا بالمخباء في دكاكين العمد=وفي المخازن من بضائع فاسده وسط الدنون شعب خذه الجوع والحرمان يوكل مايجد=ظلم في الاسواق والتجار مابايرحمون لا رقابه باتراقبهم ولا فكروا بحد=حتى لو جاءت الرقابه كل لبوهم يرتشون أشتكينا من....... وصلنا....... =خس وارذل من دويب الارض وحوات السنون اول المدخل فرحنا بالبساكت والزبد=والعصائر والفشافيش النديه والدخون واستلمنا مافرحنا به وقلنا الى الابد =كل شي بايستمر ماليوم بانشبع سكون والتقى الجمعان بكل طاقاتهم يداً بيد=تصافحوا وتعانقوا والميل يدري بالعيون ورفعوا الرايات عالذمه يحكمون البلد=وتشاوروا الاثنين في مابينهم يتوحدون وقامت الامه وقام الشعب وياشاهد شهد=وخطت الاقلام واصحاب الجرايد يكتبون وتبادلت لشوارو قالوا بانسيٌر ند بند=لجل المعزه والشرف كل العرب يستبشرون وتوزعت لقسام والترتيب قايم عالعدد=وعالمعدات الثقيله كلهم يتخبرون وسبرت الاوضاع وانفتحت مقاليد السدد=وظهرت الاشياء القديمه لي بها يتسترون دارت الايام والعظمان تنحت في الجلد=وقربت الشاره وحكم الله على عباده يكون برقت بوارقها وضاع الفيد والراعد رعد=ولا درينا الأ بمسقط حيد قاسم والقطون قلنا افا والله فين الوعد وقيود السند=وفين المواثيق الرشيده ثرهم الأ يكذبون تفرق الجيشين ماذلحين و.......استعد=عنده بضاعه واجده يعرضبها فين الزبون تملصوا وتباعدوا منه صحابه بالعمد=ذكروا زمن ايام ماكانوا يحلقون الدقون رفعوا اياديهم وقالوا له قعد والا متد=ماليوم فرصتنا وفرصة ناس جم يترقبون ماغير شل نفسك ودور للكوادر والحدد=نحن لنا عادات مانرضى بشي ذله وهون وسالت الوديان و كل وادي مع الثاني اتحد=وتمت البيعه بكذبت مال مايسوى ودن أخي الكريم شاعرنا القدير سبع الليل قصيدتك رائعة جدا , ولكن كان بإمكانك الايحاء اوالرمز لمن تريد ان تعبر عنه من الشخصيات العامة او الساسة .. والتصريح باسماء القادة او الساسة غير مرغوب فيه في الموقع .. وتقبل تحياتي . باشراحيل |
|
التعديل الأخير تم بواسطة باشراحيل ; 03-21-2009 الساعة 11:45 PM |
|
|
| مواقع النشر (المفضلة) |
|
|
|
|
العرض الشجري