هذه قصيده من الصمت الناطق جواب علي بن عكعوك

[خالد بن مهنا]

شعر قوي .قوي..جزل من راس جزل...الصمت الناطق..الله يعطيك العافيه..ارويت الذائقه..وبن عكعوك.منتظرين منه الجواب,

لك مني خالص تمنياتي بالتوفيق..

اخوك/خالد بن مهنا

[خالد بن مهنا]

ياليت احد .من الاخوه المتواصلين ..مع الاخ الشاعر القدير بن عكعوك.يعطيه خبر.القصيده..

وللجميع خالص التقدير

[العائد1]

هنا البدايه بدع

السلام عليكم ورحمة الله وبركاته


جديدي بين ايديكم

يسلم الكيزره خارب وعـاده تشطـر=وقت علّمه شغل الكومنه والشطـاره
كل ماجيت باناصحه يرفـض ودبّـر=ماسمعلي نصيحه مقتنع فـي قـراره
للنكد والمضره قد سرج خيل عنتـر=واحتزم لك بدرعه والمهنـد شعـاره
يوم يسري قدا الفروان تلحقه مزتـر=والمقّوب على ايمانه وشي من يساره
هكذا النحو خّلا الكيزره مثـل لحمـر=شيخ حاشد ولاغيره يديـر الامـاره
مايرد راي لهل الراي شوّر وحشّـر=يوم كبرت متونـه مايفكـر بجـاره
ليش والده ماناصحه من قبل يخسـر=من خسر ود جده لعنبوهـا خسـاره
كنت حبـه وباطلعـه ستيـن منبـر=فوق برج العرب بطلعه فعلا منـاره
مامعي غير يسلم غير يسلـم تجبـر=ناوي الجد بايطرح في ابطه شـراره
بايشتت ببن عكعوك في كل محضـر=بايرده كمـا المشلـول ميـزل داره
بعد مانا طلق يبغاني امشي مقهقـر=بايجرعني العلقـم وطعـم المـراره
يوم شوره معا غيره وعقله مسيّـر=يلعب الفرو في عقله وينهب ضماره
كل ماقال لـه يالله تعصّـر تعصّـر=مايرد راي له ملقيه راس الصـداره
هكذا شف عديم الشور شوره مهـذّر=وين لجواد ذيهم يفهمـو بالإشـاره
قلتها يوم شوّع شهر عاشور واسفر=والعرب نايمه وانا بكبـدي حـراره

9

\ 1 \ 2010

يسلم بن صالح بن عكعوك بن غانم

جواب صالح بن عكعوك

قال عكعوك صالح مرحب الفين وكثر=قول شاعر طريق العز دايـم شعـاره
مرحبا به عدد رعدان تمسي تزمزجر=ونحدر سيل من عالون وسقا الزباره
بعد ذلحين يلهاجس عسالـك مكسـر=ساعة الضيـق ماباتحتـزم لصـداره
بالنادي علـى ذي حاضـره ماتعـذر=ذي على الباب موجوده برهن الايشاره
باتنسم على شاعـر فـواده مسمـر=يسهر اليل لم الصبح يطلـع نهـاره
ذا خرج فصل وثاني ملامحه تضهـر=يوم يسلـم وجـده ديعـو فالمـداره
كل واحد على لاخر بدعـواه يجهـر=تركو الفايده سلكو طريـق الخسـاره
ناصح الكيزره لاكـن تصيقـع ودبـر=خرب العود مايعرف لشي في النجاره
جبت له عود قاسم فيه قوه ومنضـر=كسر العود متعمـد حسبهـا شطـاره
قلت بطردك باخليـك تطلـع لعيـزر=قالي انت لي بطلعك عقبـة سمـاره
يوم شفته شديد الباس والعقل مفتـر=بايطلعني السطحـه وهـو فالغمـاره
قلت بصبر وبتحملك يالوقـت لغبـر=وقت خلا لسد مرصون داخل مغـاره
ونت عالكيزره صبيت باطلـك وكثـر=عاده اهبل صبر لمـان يبلـغ وقـاره
يوم سيفك قوي لامع وسيفـه مفـدر=باتبـارزه فالميـدان غـاره بـغـاره
لاهو سيفه كماسيفك وعقلـه موقـر=واعتدلتو سوا في فقرهـا والتجـاره
بالسد بينكم والكسر فالعضـم يجبـر=والوفاء بينكم يسبر ويسلـك مسـاره

هذه القصيده ردعلى قصيدة الشاعريسلم بن عكعوك
ارجو ان يعذرني لانني لست في مقامه الشعري اذا هناك
اي خطاء وهي على كل حال محاوله.

مرحبـا قـول مــن شـاعـر كـلامـه مـوقّـر=ذي يــرص الكـلـم ويـبـان فيـهـن وقــاره
شـاعـر أجــواد لتـقـدم بمـدخـل ومـنـد ر=ينقح الصدق من صافي صريـح العبـا ره
شـاعـر أجــواد يطـلـق عـبـرتـه لا تـعـبّـر=قول موزون مثل ألذا يبي فـي انصهـاره
خاطر الخصم يمسـي مـن كلامـه مكـدّر=او مـرض فـي جنوبـه او تصيبـه حـرا ره
وان حصل ذي حصـل مـع نـزول المقـدر=بـا يضويـه الـى مثـواه فــي ثــوب كــاره
فصـل يالهاجـس الليـلـه سـمـر لا تـعـذّر=يـوم عكعـوك دائـم فـي محـل الـصـداره
لــي زمــن مــا تخبـرتـه وهــو مــا تخـبّـر=بان لي فصـل فيـه اليـوم بسمـع خبـاره
يـومـه أنـســان يتـكـلـم بـقــوه ومـصــدر=أنكـر الكيـزره مــن بـعـد طــول انتـظـاره
قلت له قلت له مـن سمـح يسلـم تغيّـر=تـــرّك الـخــط لـــوّل راح غـيــر مــســاره
قلـت لـه زاد فـي غشمـه وغيـه ومغتـر=غـره أبليـس ذي عيّـنـه لــه مستـشـاره
تـرك المـال ذي خالـص وحــب المنـشّـر=تركـة الجـد ماهـي مثـل مــال النـشـاره
يرهـن الحسـو والجربـه وقـد بـاع بـالـذّر=والجـروب السقيّـه هـي ونـقـع الـقـراره
سـايــر مـبــارك الفـعـفـع بطـبـعـه تـأثّــر=ذي تـنـكّـر لـربـعـه وأخـوتــه والـصـهـاره
ذاك جدّه تـرك سهـوه مـن المـوت لحمـر=يـوم ماحـد معـه منقـذ سـوى الا فــراره
وأعتزى قال بن مزروع اسمـي مسطـر=فـي سجـلات كـنـده ,مــا بغيـنـا سـيـاره
قلت ما هو سوى ماحد مـن النـاس نكّـر=فـي حكـومـة مـجـوّر يــوم شـكـل وزاره
هـو ووزراه فـي مجلـسـه كـلـن تسـمّـر=ريــت واحــد مــن الــوزراء تكـلّـم عـبـاره
آه يــا مــا بحـالـي مــن حكـومـة مـجـوّر=ذي حـفــر للحقـبـقـه قـبــر مـثـنــاة داره
ظلـم والظلـم عنـد التـاس دائــم محـقّـر=اك يومـه غبـي الظلـم عـنـده شـطـاره
ظلم سواه في صنعاء وفي خور مكسر=عقـب الظلـم عالظالـم سمعنـا انفجـاره
بـعـد مــا كـسـره الاول وعـظـمـه تـجـبّـر=كان مفروض يشكر من حضر في جواره
بدل الشكر بالقصـره وفـي أخوتـه قصـر=واخـتــراع الـزعــل لـمــا تـثـبـت خـيــاره
لاجمـالـه مـعـه بقـيـت ولا خيـتـل ظـمّــر=دوب طالـع ونــازل د وب راكــب حـمـاره
حـمّـلـه فـــوق طـاقـاتـه الــمّــا تـكـعــدر=وانكسر ساقه الثاني وست مـن فقـاره
ريـت قحطـان يحيـى هـو وشائـع وعنتـر=با يشوفـون شـي حـل للبـلاء وانتشـاره
او يـردوا علينـا الـوقـت ذي قـالـوا اغـبـر=بـــا تـنـفـس بـدخـانـه وبـنـشـق غـبــاره
ارغـم الذيـب هـو الشـاه يلقـون مسـمـر=والـهـرر والثعـالـب والنـمـر فــي مـغـاره
في الثلوث المساء ورّختها فـي ثنعشـر=فــي ثنعـشـر ينـائـر فــي نهـايـة نـهـاره
بعـد للفـيـن عـشـره بالحـسـاب المـقـدّر=حسب تقويم ميلادي معـي فـي الاداره
ختمـهـا بالنـبـي طــه الحبـيـب المطـهـر=احمد المصطفى وآله ومـن فـي جـواره

وسلامتكم والعفومنكم

جواب بن عكعوك
السلام عليكم ورحمة الله وبركاته
جوابي على الصمت الناطق

مرحبا مرحبا ترحيب مالجاهم امطـر=بعد عليا وبحري هب خصبت مطـاره
رحبي يالخرابه فوقج الحيـد لـزْور=حيد منصوب متعلي على كـل قـاره
رحبي فالـذي جانـي ومنـي تخبـر=جيد بن جيد جده شلهـا بالشطـاره
شلها يوم زقلوها في اليـوم لقشـر=يوم كلن تنكر مـن خويـه وجـاره
اسعر البر لحمر كال لـش بالمهجّـر=لجل يرفعش للمريـخ بعـلا مـداره
لادمـي للفنـا لكـن لابـد يـذكـر=يذكرونه بماهو فيه فـي كـل حـاره
وانت ارحبت يالشهم الزعيم المخيّـر=لك تواريخ ماهي بالمـدح والهـداره
بعـد ذا قـدر الله بانـرد ماتيـسـر=لك وللشاعر اللي خصني في شعـاره
كلكم حب صافي من نقوعـه مزبّـر=حب من رهق عبد الله وخيرة ضماره
اعذروني ترى هاجسي ظهره مدبـر=قده شيبه وازيد اعمى بعينه ضفـاره
قد حصله صرر فالزور بالجمب ليسر=مادرى وين يغدي باركـن فالحـزاره
بعد ماهو في المقطر يجر كل مقطـ=روقت خّلاه يرغي يوم ينظـر شـواره
راحت ايام فيها يرفع الحمـل واكثـر=لابرك ذي بجمبه هو تحمـل حشـاره
لاسمع راي لي بايشذب العلب لخضر=باتفكك جنوبه لاشبع مـن خضـاره
غير غره سنامه ذي بظهـره مقـوّر=والنتيجه اتت بالعكس جلبت دمـاره
ذا خرج فصل مايسلم ذبحني بخنجـر=هو ويا الفرو يشترحون وسط المداره
مادرى ايام ربيته في الوقـت لغبـر=رغم فقري جلبت الدهن واملي صماره
ساهنه بايطلعني ثـره جمـب لـودر=كان عندي ثقه عميا وعندي جـداره
قلت ماحد كما يسلم في البحر والبـر=الثقه فيها نسلت قد ظهرلي ضـواره
لكـن الله بايهديـه مابـاه يقـهـ=رلاعوز خاف يرجعلي وانا في انتظاره
قلت لي ذي سكن سهوه تركهاا ودبر=راح يجري ورى اللقمته ماهي وضاره
فيه لكن من العوزه تساعـده شمـر=مافي شغل عيبه عادهـا الا شطـاره
الخضر قد لحق جده على البحر لحمر=وسط عشته فوق السيف يفتق شفاره
قاله كـل متمنـاه عنـدي محضـر=انته اطلب وانا جاهز ورهن الاشـاره
قال في نفسي ان كون الكبير المكبـر=وعند غيري صغيّر وانتمي للصغـاره
ماتشوف التواضع شف مبارك موقـر=ليش تظلم مبارك شف مبارك بـداره
مالمصيبه مصيبه ويش يقعد مجـوّر=رجل ظالم وفيه العبقـره والـزواره
من يحارشه في دار البشايـر مكـوّر=بايحط المشاكـل بيـن داره ونـاره
انتبه واترك القليّـز ينشـب ببربـر=من تعب منهم يعلن لـذاك اعتـذاره
ذا مطوع بغترتـه الكبيـره مـزرزر=بايصلي في المسجـد بليـا طهـاره
وابن بربر قبيلي فوق بنتـه تصـور=قد سكن له في الروضه ولاحد جواره
ختمها الطير لخْطب لاتقولون سعمـر=جدها الصقر لكـن مابنالـه وكـاره

[جمعان بانافع]

قصيده رايعه ولا اروع صح لسان شاعرنا القدير الف شكر لك ومنتضرين الردمن الشاعرالقديربن عكعوك

[العائد1]

اقتباس : المشاركة الأصلية كتبت بواسطة بن احمد [ مشاهدة المشاركة ]

مادام الرجال ناقل منهو الشاعر افيدونا افادكم الله قصيده جزله

يا بن حمد ولد ال حيدره كاتب ( هذه قصيده من الصمت الناطق جواب على بن عكعوك )

من شان كذا قلنا شكرا على النقل لا اكثر ولا اقل وواضح ان القائل هو" الصمت الناطق"

تحياتي

اخوك العائد

[أعشق الرضحين حتى الممات]

شـكــ وبارك الله فيك ـــرا لك ... لك مني أجمل تحية .

[علي فدعق الهاشمي]

والنعم بالجميع بن عكعوك شاعر رااائع متميز تتقزم الاقلام امام هذه الشامخه الجزله يستاهل العم بن عكعوك كل خير تسلم على نقل الرد الجميل ولولا البدع ماحصل الجواب مكثور لخير

[سجين بلاقيود]

صح لسانك على القصيده الجميله