ياشعبنا بالله دق القاع دق=الى متى وامالنا مدقوقه

[بن قطمان]

الاخوان والاخوات الكرام السلام عليكم ورحمة الله وبركاته
اليوم الخميس 16/6/2011 اقدم لكم هذة القصيدة
ارجو ان تنال على رضاااكم

الشمع وحده في الفرح ليش احترق=وكل سنه تمضي معه محروقه
واليوم خيّل غيث والبارق برق=والرعد يرعد بعد شوع ابروقه
يافرد يارحمن شق القاع شق=وقرّب المبعد وطفّي شوقه
الدمع فالغربه تخالط بالعرق=والقلب ينبظ والدما بعروقه
ماشي تطابق والطبق سد الطبق=ماشي تقارب والميه مطبوقه
وان قد عبرنا من نفق جانا نفق=مظلم ولاشوف السما من فوقه
من حول لما الديس لاوادي عتق=نفس المولع للوطن معتوقه
في بعدهم النوم عاده مالتحق=حتى ولو بعض البقش ملحوقه
احسّهم في ضيق والوضع اختنق=وانفاسهم من كل شي مخنوقه
والعالم الثاني لمسمرهم عشق=واخبارهم عند العرب معشوقه
واهل الصحف يتسابقوا يامن سبق=كلن يبا اخباره تجي مسبوقه
ياشعبنا بالله دق القاع دق=الى متى وامالنا مدقوقه
وكل من طالب في الدنيا بحق=لازم بترجع له جميع احقوقه
وان قد رضينا بالمظالم والسرق=اشيا كثيره مننا مسروقه
واليوم شفت الوعل فالشبك ازتنق=وجماعته في شعبها مزنوقه
والملح والباورت والشهب استحق=واعظام من كثر الجفا مسحوقه
مافاده القات الرداعي والمرق=ولا الكزم ذي لينه مرقوقه
بهذل بخلق الله قسمهم فرق=حتى القبايل نصفها مفروقه