((( الدان )))

[مجمل]

ذا فصل يالشعار حس قلبي في العشقه حتن = من ضيق هذا او لفقد الناس ذي هم مبعدين
والافي الغربه انا جهزت للعشقــــــــه كفن = سافرت في شبتي في عهد المناضل سالمين

[ظافر]

.....

يامرحبا باقوال من شاعر لها معناء وفن=نسم على خاطري من الهم ذي هو له سنين
البعد والغربه بليه تورث القلب الحزن=وتكدر الخاطر تخلي القلب يردف بالونين

[صالح يسلم بن غانم]

ويقول بو نشوه تركت العشق شوني من زمن=ما هو على بالي على بالي قبايل ثانيين
لا يا عمر قد شفت بو دقلين رسا في عدن=با يرخص الغالي وهم ذي من زمن متعارفين
ذي هو ضلم عمه ويبغى خوه يضوي فل كفن= محسبه رجالي يبا زايد على قسمه ثمين

[طالب النعماني]

اهلا بك يابو نشوه الثاني
ماقصرت احسنت ومنظرين المزيد

[ابومنذر النعماني]

يامرحبا بابيات من شاعر مايحب الفتن = للصلح دوب يسعى بين العرب والمسلمين
يامجمل تجمل بلغ سلامي لربوع الوطن = وسلام ثاني على حلان فوق الحيود النايفين
من بعدهم ياعمر صبت دموعي عالوجن = وصرت مثل المضيع وسط الخبوت الخاليين
لكنني بصبر على البلوى وعا جور الزمن = لابد ماناضل وكافح وانجح في بلاد الصين

[مجمل]

طرب على الشعار ذي صاحي وذي نايم ذهـــن = صالح ولد عكعوك شرفنا ولحنـــا شاكرين
يستاهل التشريف ذي هـو في علوجه قد سكــن = لاحل حله شل قســـمه قال شاعر مايلـــين
من ماجلس للحق ياصالح وعــــاده مافطـــــــن = ماعذر مايندم ويصفـــــق في يساره باليمين
اما الكفف قولو لصالح ف اعتقادي اســـــتون = وان مارضي كلا بقســــــمه خلهم متهاويين

[صالح يسلم بن غانم]

محنون بندغار عاده في رباط البا عشن= قد كان في ملكه وباني حصن في وسطه زبين
بشان يتنازل وهو ودا فروضه وسنن=صاحبك متمرد نسي ذي قد حصل في لوليين
قد كان حاكمهم وهو عاده صغير عل لبن=يبغا كما اجداه يباله قسم ي سيلة قرين
وليوم مالومه بغيته ينكسر ولا يحن=ومن خرم للحم بايلقط من الكبش السمين

[أبونمر]

هذا الفصل الجديد يامجمل بغينا عليه كلام شفنا

عد شي خبر من بني ضنه =قالوا يطالب في المهره
وان صح هذا الخبر محرج =ردوه يانوح وياسيبان
عند الرميحي وبن قنه =ماشفت شي فرق في النشره
يوم المعدين والمخرج =درسوا مع بعض في لبنان

[عيون المكلا]

اقتباس : المشاركة الأصلية كتبت بواسطة أبونمر

هذا الفصل الجديد يامجمل بغينا عليه كلام شفنا عد شي خبر من بني ضنه =قالوا يطالب في المهره وان صح هذا الخبر محرج =ردوه يانوح وياسيبان عند الرميحي وبن قنه =ماشفت شي فرق في النشره يوم المعدين والمخرج =درسوا مع بعض في لبنان

ــــــــــــــــــــــــــــــــــــــــــــــــــ ـــــــــــــــــت

اسفه اذا لم اجيد الرد !

شربوا على بارد الشنه
وتعودوا الغدر والعثره
ون شي خبر عندكم يثلج
الصدر لاخباركم ميدان
ــــــــــــــــــــــــــــ
شف في السقيفه لهم رنه
والزير ذي تحته العجره
عليه بوزيد يتفرج
ومنتظر رحمه من الرحمن .
ــــــــــــــــــــــــــــــــــ
اذا لم يستقيم الوزن اخبروني لاستفيد اما الهدف في بطن الشاعروالشاعره ههههههه!!

[أبونمر]

مانا نبي نضمن الجنه
كل من عمل خير له اجره
والصدق مثل القمر سرج
لأهل السقيفه وللحلان
----------------------
مابغيت حسرتك والونه
تترك اثر سيب الحسره
وامشه على حقك المنهج
ذي ساسه العفو والأحسان