03-31-2006, 06:55 PM | #2031 | ||||||
بــــوجــــمــــعـــــان
|
سلام
وانعم ياالبكري نجومك في السمر=تزهاء على روس البواخر والدقال
انت استمر وحذف بذي هو في الكمر=ماحد مكمل غير لله الكمال اما الذي هو بايناوط للقمر=قل له سكت خل القواره والبدال الناس تتجابر وتبني ما اندثر=جبر الخواطر يعطي الشاعر مجال |
||||||
03-31-2006, 08:32 PM | #2032 | |||||
شاعر السقيفه
|
الكمر مالمسته مكانه مصرور صر ### والميزان وافي شوكته في اعتـدال
دالا مـن راس البيـر بامليلك العبــر ### وباكيل بالوافي ماحـد مــعي كيّــــال لي ما يعـرف للبير وسطـها طمــــر ### ولي يعرف لها ينزح بالدلي والحبال البكري |
|||||
03-31-2006, 11:47 PM | #2033 | ||||||||
ابوراضي
|
حياكم الله ياشعار
|
||||||||
03-31-2006, 11:54 PM | #2034 | ||||||||
ابوراضي
|
غيروا الفصل
|
||||||||
04-01-2006, 12:27 AM | #2035 | |||||
حال نشيط
|
مني سلام الفين وماهل المطر=وما نست العليا من بعد الشمال
يامن لكم في العين يصحابي مقر=وخليت في قلبي لكم فسحه ومجال من بعد ماكنتو تجيبون الصور= مثل الارت والنار ماغيره مثال لاذا لمس لاخر سببتو شرر= انت يالبكري مع سبع الليال واليوم ياصحابي ماشاف البصر =ذا مثلكم اخوان شفت وعيال خال يالله عسى يديم المحبه في السمر= والود والاخلا ص مابين الرجال |
|||||
04-01-2006, 06:19 AM | #2036 | |||||
شاعر السقيفه
|
يا عامر لا ضـوى الليل الصائم فطـــر ### وفي منى الحاج يرمي بعد وقت الزوال
ويطوف بالبـيـت في اي وقتن حضــــر ### لي ماعرف يسأل من يجـوّب عالسؤال الطواف بالبيت ركـن للحاج والمعتمــر ### والسعي والحلق واجب به يتم التحـلال وبايرجع لاهله في سعاده وذنبه اغتفر ### ومن ربّه منّـه تقبّل يدوم عاخيرلعمـال البكري |
|||||
04-01-2006, 06:22 PM | #2037 | |||||
شاعر السقيفه
|
ذا فصل ياعامر سمع بيتين = انته وبن هاشم سمع فالحال
ماشي نعومه في بلاد الصين = ماتعرف الحرمه من الرجال والصوت قاسي ما سمعت اللين = ماشي مناظر ذي تسر الحال |
|||||
04-01-2006, 08:58 PM | #2038 | ||||||
بــــوجــــمــــعـــــان
|
سلام
في الصين قالوا لي لهم وجهين=وكيرانهم باتشبه النيبال
وديارهم ما هي حجر اوطين=ذالا سفر ومن فوقها طربال من كثرهم بايوكلون الشين=لا عندهم مصراء ولا مكيال مثل الرضه لي عالستر يشبين=يقضمن في لسهم وفي لقبال |
||||||
04-02-2006, 12:22 AM | #2039 | |||||
شاعر السقيفه
|
بايغص من يوكل على شقّين ### قلــه تريــض وخـــــل الفـــــال
بالنقـداحســن لــك ولابالديـن ### خلك على الفوطه هي والشال كذّاب من يعشق وله وجهيـن ### خــل المظاهر لي تغــر والمال يالسبع ان كانك من الهجرين ### عاصنعــة المولى نشوفك زال انته مكانـك في خيالي زيــــن ### عدّل كلا مـك لي سبـق ان طال باتغلـط الرجــل بعــد العيـــــن ### واليـد تتبعهــم على الاهــــوال البكري |
|||||
04-02-2006, 10:25 AM | #2040 | |||||
حال جديد
|
سبحان من حكمه على الثقلين=والامر بيده والعطاء والمال
قادر يجمع بننا الاثنين=ويحقق المقصود لي عالبال |
|||||
مواقع النشر (المفضلة) |
|
|
|