مساجلات الزامــــل الشعبي

[المتمكن]

يامرحبا بالوعل مرصوص العجر = حكم قوافي الشعر بالشعر الاصيل
بسمر انا وياه عاضوا القمر = هاجس معي لاقد طرب يزقل زقيل

[سبع الليل]

اقتباس : المشاركة الأصلية كتبت بواسطة المهيب [ مشاهدة المشاركة ]

الفصل عندي والكلام المعتبر=ياكاسبين الجود والشرع الطويل ليله رضيه جوها مايعتكر=واسيولها من كل مفرع باتسيل

مالليلة الا ياعرب بانفتخر=شيخ العكابر مالنا غيره بديل
جاب الذهب واللول وحبوب الدرر=يوخذ ويعطي بالمروه والجميل

[طالب النعماني]

بارك الله فيكم وابقاكم

[المحتسب]

اقتباس : المشاركة الأصلية كتبت بواسطة المتمكن [ مشاهدة المشاركة ]

يامرحبا بالوعل مرصوص العجر = حكم قوافي الشعر بالشعر الاصيل بسمر انا وياه عاضوا القمر = هاجس معي لاقد طرب يزقل زقيل

حيابكم ياهل المعاني والفكر = مني لكم تقدير والشكر الجزيل
قد جيت عاني في حرامي معتمر = قاصد ابا مكه على خط السبيل

[طالب النعماني]

اقتباس : المشاركة الأصلية كتبت بواسطة المحتسب [ مشاهدة المشاركة ]

حيابكم ياهل المعاني والفكر = مني لكم تقدير والشكر الجزيل قد جيت عاني في حرامي معتمر = قاصد ابا مكه على خط السبيل

انستنا وارحبت ياوعل النتر=من يوم ماشديت عزمك للرحيل
وانا هنا وقاف معاين منتظر=من شان باقابلك يالشيخ الجليل

[المحتسب]

بنشد على طالب وعأسالم عمر = ذي هم في الزامل يشلون الثقيل
واهل السقيفه خصهم كل من حضر = كلن يجاهد يأهل غزه والخليل

[المتمكن]

وصلت سيول الروس تحصد في الشجر = شفت الغوارب جات من فوق النخيل
جانا من الوادي ومن شعبه عمر = والنخل قد شله وصل لماء السحيل

[طالب النعماني]

اقتباس : المشاركة الأصلية كتبت بواسطة المحتسب [ مشاهدة المشاركة ]

بنشد على طالب وعأسالم عمر = ذي هم في الزامل يشلون الثقيل واهل السقيفه خصهم كل من حضر = كلن يجاهد يأهل غزه والخليل

طالب حسن موجود ياذيب الغمر=مايتعذر لا جوه عبار السبيل
والشيخ سالم في مكانه مستقر=مايخلي الكفه على لخرى تميل

[المحتسب]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

انستنا وارحبت ياوعل النتر=من يوم ماشديت عزمك للرحيل وانا هنا وقاف معاين منتظر=من شان باقابلك يالشيخ الجليل

ياشاعر الشعرا بكم بانفتخر = انته هنا القايد ولالك حد بديل
نسمت عاحالي وهو فيه الكدر = وارتحت يومك هاهنا تصهل صهيل

[ابوناصر الهميمي]

عدنا وعاد الخير من رش المطر=يهل المعاني والمروه والجميل
جبت الشبك برسيه يانوب الصرر=من هو على مبدا قوي مابايميل