04-03-2006, 11:46 PM | #2051 | ||||||||
ابوراضي
|
ياعم يسلم مابعينا الصين=والهند مالباها ولا البنقال
من عندهم ماشي يجينا زين=هذه حكم قد قالها العقال وانته طلع لصاط بايومين=حيث القبائل والكرم والمال |
||||||||
التعديل الأخير تم بواسطة طالب النعماني ; 04-03-2006 الساعة 11:53 PM |
|||||||||
04-04-2006, 11:00 AM | #2052 | |||||
حال جديد
|
اسمحولي بفصل جديد
ياخصاره حوال الناس معاد تعجب=يجبرونك تقول الهرج لي مابغيته
يمدحونك اذا غلطان يبغوك تكذب=ويتركونك فعل في من تبي ماشتهيته وان تكلمت بالقول الاديب المهذب=بايلوموك في الساحه على مابديته كل مخلوق عاقل في زماني معذب=والمهوس رضي عايش بلي مارضيته |
|||||
04-04-2006, 05:10 PM | #2053 | |||||
شاعر السقيفه
|
ياحيا باقوال مـن شاعــر مؤدّب ### قـدنا زمـن دور عليـه ماحصّليتـــه
اليوم جانا وعالهــدف يضــــرب ### باضرب حيث يضرب وان مافنّديته هدفنـا كلنـا واحـــــد مافيــه غب ### ماحــد يلومــك غلـب عا ماحصيته اليوم بفرز الصاحي من المعطّب ### لوحــدي نفرزه عادنـــا ما صفيتـه البكري |
|||||
04-04-2006, 08:58 PM | #2054 | ||||||
بــــوجــــمــــعـــــان
|
سلام
يامرحبا ببيات من شاعر مدًرب=من عند باكرموم بانضوي لبيته
يامكرم الضيفان يامبارك تزًهب=انت لها لا جاك بوصابر سقيته ماليوم باكرموم قد جهز وقًرب=جبت الحقيقه كلها ماشي خفيته لان المثل بيقول سال كلين مجًرب=لا تسال الجاهل ولا ذي ماهويته |
||||||
التعديل الأخير تم بواسطة سبع الليل ; 04-04-2006 الساعة 09:00 PM |
|||||||
04-05-2006, 08:47 AM | #2055 | |||||
حال نشيط
|
كلام يا با كرموم !! هذا الشعر والا بلاش ؟ مطلع للزامل وقول يخيّش بالرأس الله يبارك فيك .
|
|||||
04-05-2006, 11:34 PM | #2056 | ||||||||
ابوراضي
|
احسنتوا ياشعار
كلام يصم الراس |
||||||||
04-06-2006, 06:49 PM | #2057 | |||||
شاعر السقيفه
|
غيرت القافيه:
قال بوصالح الهاجس ضواني وسلم=قلت له مرحبابك عد ماطر وشاره
قالي بنشدك وين البعير المفدم=في زمن لولي كسر علوب الصداره قلتله مادري والله شاهد ويعلم=يمكن إنه طرش به صاحبه للتجاره او جرب فيه با يطلاه في غار مظلم= با يدفيه من برد الشتا والحراره قالي شفه بارك في المراغه محطم=المرض فيه والغربان توكل فقاره كان بازل جمل صمصوم يهدر وينهم=والمنيبه تهابه شارده من دماره راح صاحبه ذي رباه في حي مدرم=سار خلاه ما بين الاسد والنماره من فزع صاحبه مسكين دبر وسلم=يوم رشنت وليله صار يشبه نهاره ما يبا الشر با كلكا مع بن مسلم=ترك الحصن ذي مبني رجع للزباره عادلي مثل سابق عهده الي تقدم=قال بطلت في شل السلب والشطاره |
|||||
التعديل الأخير تم بواسطة يسلم صالح بن عكعوك ; 04-06-2006 الساعة 06:54 PM |
||||||
04-06-2006, 10:41 PM | #2058 | |||||
شاعر السقيفه
|
يابوصالح لاتنام لا نمت باتحلم ### واصل الليـل كلـه لابغيـت البشـاره
لا تقول ناشيبه والعمر بي تقدّم ### شفنا نشوفك شباب تصلح للاماره الثور لاعطيته كلام للكلام يلقــم ### والصقــر يفهــم منّـــك بالاشـــاره صاحبه لقـى غلطـه عليها تنـدّم ### غلطــه كبيــره لوحــده قرر قـراره ماحسب حساب المبنى لا تهــدّم ### حسب مبناه قـوي ومحــال انهياره البكري |
|||||
التعديل الأخير تم بواسطة البكري ; 04-06-2006 الساعة 10:43 PM |
||||||
04-07-2006, 10:01 AM | #2059 | |||||
شاعر السقيفه
|
مرحبا مرحبا البكري بصوته تنهم=كلمة الصدق يعلنها براس المناره
احسن القول ذي مازون يقرى ويفهم=ونت ارسلتلي نظمك بحسب الشطاره مشكله وش مع لعور تمسك بلعجم=راح يأشر بيده مايشوف الإشاره ون بقينا على المنوال ماظن لسلم=من غلطنا جنينا الفايده والخساره |
|||||
التعديل الأخير تم بواسطة يسلم صالح بن عكعوك ; 04-07-2006 الساعة 12:14 PM |
||||||
04-07-2006, 02:03 PM | #2060 | ||||||
بــــوجــــمــــعـــــان
|
سلام
الف حيا وسهلا بالذي هو تكلم=جاب لخبار من بطن الجبل والمغاره
من كلامك انا ياصاحبي باتعلم=يشهد الله بان العلم غزرت بحاره ماشربنا من الكاسات غيرالمسمم=والذي هو على بالك نباء له شراره صاحبك ما عرفنا له مطارح مهيم=سيب المال العوران وباع السفاره |
||||||
التعديل الأخير تم بواسطة سبع الليل ; 04-07-2006 الساعة 02:15 PM |
|||||||
مواقع النشر (المفضلة) |
|
|
|