((( الدان )))

[الوزيري]

ياعود ماجاتك الخنة
والحان عندك لها نبرة
لنك اكاديمي ومتخرج
هذة السنة من جامعة فنان

لا شكر نبغاة اومنة
ولاجف للصدق ابد حبرة
باحوم في الجو وباعرج
وعادني الصقر بوجنحان

[أبونمر]

حيا بذي نا سأل عنه
ورفعت ياناس جم قدره
وفرحت به يوم جاء فرج
علي شلني من غبب سيلان
------------------------------
معجب بشعره وفي فنه
احساس لي من قدا حدره
باعرفه لاقد دحق وادرج
باقول هو ذا بو فلان

[مجمل]

فالعشق ماشي معي حنه = يكفيني الله من شـــــره
شيبه وذلحين بتفرج = فرج علي ياعضيم الشان
سكين مفدور باسنه = وان ماصلح بايقع شفره
والكبش ذي فالوصر يعرج= بلقيه شوني نصاف اثمان

[أبونمر]

شباب عادك وفي سنه = لاقمت باتلقط الحزره
والناس في العشق تتدرج = مابين هاوي وحد حبان
وانك على خامر البنه = عينك عطه شرك في الجفره
شوفك كما يوم تتدحرج =ماانته على حسب ماقدكان
باتخرج ابليس والصنه= من صاحب الحسد والمكره
وحرام له ان حكى وهرج =منه ضوى بعدها زعلان

[الوزيري]

كنة مجمل ياعرب كنة
بيدورويحوم على الخدرة
ويقول انا اليوم متفرج
شيبة ويشكي من العضمان

وليش اختلفت الوزنة
وارميت سكين في الحفرة
من بعد ماتحمل الهيج
ترجع تقسم نصاف اثمان

[مجمل]

لا يالوزيري لبا الجنه = والنار يارب للكفره
وان شبت خايف انا اتهرج = واصبح كما الزير فالخليان

[مجمل]

حقه معه ياشباب واحد منكم يفصل ابونمر والا الوزيري

غن يامغني بالدان مرحيب مرحيب .

[مجمل]

اليو اول يوم فالحجه دخل = الناس حد محرم وحد مبعد حرم
كل من قصد مكه اليها قد وصل = وزار بيت الله يانعم النعم

[مجمل]

من العايدين ياشباب مسافر باذن الله للبلاد وسامحوني من اي اخطاء وقعت فيها

والعفوا يالحبايب والسلام

[طالب النعماني]

الله معك يابوعبدالله
الله يوديك ويردك لنا سالم غانم
وبعدك علينا ماهو هين ربنا يجمعنا بك قريب