08-12-2006, 09:21 PM | #2241 | |||||
حال جديد
|
استبشرو بالنصر يذياب الرهم=منهو تعنتر باتجي ريح السموم
باتجرفه والله بايذوق السقم=مادام عندي من يهزون الدقوم واستبشرو بالوعل مفتول البرم= يرعى شعاب الطخم لاغربي بروم ذلا وقع له صوب وقرونه سلم=لاصح من لصواب عاده بايقوم |
|||||
التعديل الأخير تم بواسطة علي سالم البيض ; 08-12-2006 الساعة 09:31 PM |
||||||
08-12-2006, 10:08 PM | #2242 | |||||
شاعر السقيفه
|
ما يعود الطفل يرضع لانفطم = ولا يعود يحبي من بعد مايقوم
الوعل حسبوه في خلط الغنم = والشارقه ماتبين من بين الغيوم من باع بالرخص مافاده الندم = عثر بالشور لي مايشاور الصروم العور مايشوف وين حط القدم = قال نالي طلعت عاروس العروم |
|||||
التعديل الأخير تم بواسطة البكري ; 08-12-2006 الساعة 10:27 PM |
||||||
08-13-2006, 09:21 AM | #2243 | |||||||
حال متالّق
|
الكلب يعوي عندما زاد الالم = الذيب يفتك ويأكل ذي القسوم
مسكين صاحبنا عاده مافتهم = قل مقدارك يوم تخطيت العتوم الذبر قد بعته ولفقت التهم = راجع المسيكن يحمل ذي الهموم الشعب للثمن دافع ولكنه قسم = رجعتك صعبه باتقابل بالهجوم |
|||||||
08-13-2006, 11:18 AM | #2244 | |||||
شاعر السقيفه
|
يامولى عينات لكلامي فهم = الحضرمي شوفوه يفهم في العلوم
شباك الصيد ينصبونه في الخطم = ينصب في المسيال من يصيد البوم الخو يحن عاخوه وعاابن العم = والسيل بايعبره من يشور يعوم عسى المولى يجلي كل هم = وتصفى خواطرنا من جميع الهموم |
|||||
التعديل الأخير تم بواسطة البكري ; 08-13-2006 الساعة 03:23 PM |
||||||
08-13-2006, 01:42 PM | #2245 | |||||||
حال متالّق
|
يا البكري ما نقدر نجاريك لكن الحبيب البيض خلانا نخرج شوي عن الطريق.
|
|||||||
08-13-2006, 02:22 PM | #2246 | |||||||
حال متالّق
|
كلامك زين ومرصع بالحكم = الحضرمي مقهور من بعض الخصوم
قسومنا ضاعت مع قسم الامم = سكت في ذاك الزمن وقع صمصوم ضيعوا الصيد جمله في الخطم= قرح البنادق ضايعه في سطح الدكوم وين المخوة وينهم اهل الذمم = اكلنا سموه معقول طرحوله سموم |
|||||||
08-13-2006, 03:00 PM | #2247 | |||||
شاعر السقيفه
|
يالحضرمي قبل ماتكوي علم = من لانفعه الكي بايبكي غموم
خذ لك نصيحه مني باربع كلم = استمع للنقد لك الفائده تدوم حفظ لسانك وحفظ ماخط القلم = وبين الناس فعل الخير معدوم لاتصدق ماقيل دون كيف(ن) وكم = قليل اليوم ذي مثل النجوم |
|||||
التعديل الأخير تم بواسطة البكري ; 08-13-2006 الساعة 03:17 PM |
||||||
08-13-2006, 10:14 PM | #2248 | |||||
حال جديد
|
امسيت انا مضيوم من صوت الغنم = تنبح على سرحان مسكنه النجوم
سرحان لاقد جاع بايوكل لحم = لاقد نوا عالشر بيشن الهجوم |
|||||
08-13-2006, 11:16 PM | #2249 | |||||
شاعر السقيفه
|
ماباتجيب الوعل هذاك الدهم = كمين رامي قد حنب بين الرزوم
شف للقناصه ناس تدحق عالسلم = لا جابها عامر ولا سالم سلوم وانته تريض لاتقع مثل الغشم = شف للشبك طوعه وقدامه عروم ما بانهم سرحان شف ذالا حلم = قبلك حيود الكار تطوي كل قوم هاتو خبر ياناس في نبح الغنم = ولعاد باتكلم وبكره بانصوم مابانشل الاكل لاذقته بقم = يقعد في البرمه وخلق الله نيوم |
|||||
08-14-2006, 12:03 AM | #2250 | |||||
حال جديد
|
مهما يطول القهر بصبر عالألم=من هو مثيلي ياضيومه بالضيوم
لازم يدور الدهر يرجم من رجم=لكن رجوم الغدر كسرتها عظوم مبعد فقدت الياس من حيد النشم=حيد النشم ذي مايفكر بالخصوم بالفكر باعـّود وبرموز القلم=استبشروبي يامجلين الهموم باطور العمران ببني منهدم=بالجهد والاجهاد ماهو بالحلوم صاروخ نصر الله من كتفي نهم=بايعقر البكري وبايكسح سلوم |
|||||
مواقع النشر (المفضلة) |
|
|
|