مجلس الدان الحضرمي

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

لوسمحتوا لي بالفصل هذا اول فصل لي في المجلس بعد اذن الاخ عمر واذن الجميع للسيد سالم عبد القدر العيدروس ملقي على كتفي سلب سيد الميازر= ولا يجينا الخوف ظاهر بظاهر كم من ولد لا شافنا قطفت عيونه = طاب الجناء والهيل دنت غصونه التخميس ( طاب الجناء والهيل دنت غصونه )

الوزن نصف الشِّعْر

ملقي على كتفي سلب سيد الميازر = ياداندانه ............... داندانه .... داندانه
ولا يجينــا الخــوف ظاهــر بظاهــر= ياداندانه .... دانيا .... داندانه

لاحظ إختلاف الدان بين الصدر والعجز.

لا ما وزنت القاف شف منته بشاعر=خلّي كلامك دوب موزون باهر
والناس تسمع له وتعجبهم لحونه=طاب الجناء والهيل دنّت غصونه

***

ولا تكن مدرار بل كن مثل قاطر=لوعال فوقه في الجبل في تناحر
قاطر وكل لوعال جت بتموت دونه=طاب الجناء والهيل دنّت غصونه

محمد بن سعيــد بن مخــاشــن

[صقر الوديان]

(( فصل جديد ))

يا أهل الخريبه شعبكم شعفور با ين يحتضر = سنتين لي ما شفت شي منه سيول

بنقل إلى شعب الخِضر أخبار جت منه تسر = قالوا الظباء ترعى دقامه والوعول

[بونواس]

خلك مكانك كم وكم مخلوق مثلك قد غتر = قد كان متعلي وفكر في النزول
لما صبح لاعده من عامر ولاهو من عمر = لوهو صبر موسمه بايودي سبول
كنه ستعجل ترك الموسم وهو عاده خضر = غره المضاهر والمضاهر باتزول

[سبع الليل]

اقتباس : المشاركة الأصلية كتبت بواسطة بونواس [ مشاهدة المشاركة ]

خلك مكانك كم وكم مخلوق مثلك قد غتر = قد كان متعلي وفكر في النزول لما صبح لاعده من عامر ولاهو من عمر = لوهو صبر موسمه بايودي سبول كنه ستعجل ترك الموسم وهو عاده خضر = غره المضاهر والمضاهر باتزول

حياببونواس ذي جاب المعاني والفكر=كنه بطى ياناس مادري وايش اقول
وين المغيبه يارفيق الدرب مرصوص العير=شفنا تخبر فيك قدمات السيول

[بونواس]

بااهل السقيفه شي معاكم من محبيني خبر= شوني قتلني الهمر وقتلني الفضول
عدشي تغير او مكانه الوضع عاده ماستقر = يالله باخبار السهاله والقيول

[بونواس]

الاخ سبع الليل السلام عليك وعلى الخوان جميعا سبب تاخري انته تعرفه ياخوي
والحمدلله اليوم احد الاخوه جزاه الله خير عطاني اللاب تب حقه وقلت في نفسي
فرصه اليوم بانشارك مع الطيبين في هذه السقيفه الاكثر من ممتازه وليعذروني جميع الاخوان الاعزاء

[سبع الليل]

باشوف قدامي تواقيعك وباشوف الصور=ياصاحبي لق لي معك بضعت حلول
شف خاطري يابس وحس قلبي اندهر=نيران وسط الجوف باتورث كلول

[صقرعلاو]

ماوحدتو القافيه في الاخير ولا الوزن ارجو التقيد بارك الله فيكم

وواحد يبدع فصل جديد وابقو معه الا ان ياذن لكم بتغييره

او يختار واحد للبدع الجديد

هو او راعي المجلس مع الشكر منتظرين لكم مع الشكر لكل

الشعراء والمشاركين

[بونواس]

حنت رعود الخرف رعد الخرف باينزل مطر= يارب ستر عا الذي في الوادي حلول
والبرق يتلهب على البقريين والغار الحمر = يالسبع ذا عارض قوي ماهو همول

[أحمد العمودي أبوفيصل]

ماسمعت شي راعد ولاشي برق من بعده مطر = ذا غيث قال الشيخ مامنه سيول
ذلا شعف هبت وحتى الجو غبر واعتكر = وقت الظهيره تحسبه نصف الليول