مساجلات الزامــــل الشعبي

[أبونمر]

اقتباس : المشاركة الأصلية كتبت بواسطة البكري =center use=ex num="0,black"

صاحبك يابونمر معذور وكلن خابره = ذالا شطون دنيا ونا فيها خبير معروف معك بالجبر ولا منه قاصره = ولا هو من اصحاب الشرع القصير دنيا الندم ذي يعنبوها عابره = شف يوسف خوته زقلوه في عين بير ومن جابرك لازم عليك اتجابره = كسر القلب مثل القزاز ماله جبير الوفا طبع الوفي ولاهي مكابره = باقولها صدق والشاهد ربي الكبير[/poem]

صاحبي به عد النجوم الزاهره=واسمه سمي ماهو مسلم بازهير
ولاهو من ذي يقطعون السابره= لكل حاجه شفه ملقي له سبير
يابومحمد خل بقعه ساتره=مادام ربي قده ساترها ستير
وعسى بحسن الخاتمه والمغفره=قولوا معي آمين يالجمع الغفير

]

[البكري]

اقتباس : المشاركة الأصلية كتبت بواسطة أبونمر

صاحبي به عد النجوم الزاهره=واسمه سمي ماهو مسلم بازهير ولاهو من ذي يقطعون السابره= لكل حاجه شفه ملقي له سبير يابومحمد خل بقعه ساتره=مادام ربي قده ساترها ستير وعسى بحسن الخاتمه والمغفره=قولوا معي آمين يالجمع الغفير ]

آمين يارب من للذنب غيرك غافره = باب الكرم مفتوح ما حال دونه غفير
علايم يابونمر نا شوفها ظاهره = وبايبان كل مخفي وبايظهر ظهير
والبنت رموها وهي بريه طاهره = هم من راسهم لا ساسهم بغوا تطهير
ذي لعبه بينهم اصلها مقامره = ومن دخل معهم بايقمرونه قمير

[حد من الوادي]

حيا وسهلا بالرجال الضافره === شعارنا ليهم خبب ماحد يسير
كلن يقدر صاحبه ويسايره === واتعاونو واتكاتفو عاكل خير
نحناخوه واعيال عم ومصاهره === والدار واحد للصغير والكبير
الشيخ والبدوي ومن قد جاوره === والهاشمي منا وفينا يابصير
الصيد جافل والقنيص اتعاصره === والعيلماني كسبهم ماهو قصير
والعفو واجب يالوجيه القادره === ماحد نهب ناقة ولاحتى بعير

[أحمد العمودي أبوفيصل]

ياحد من الوادي شعارك باهره====== تبهر بها الدنيا شعارك ياصهير

أنته البطل دايم وكلن خابره ====== قد سجل التاريخ بأقلام الخبير

حتى العلم فوق السقيفه شاهره===== حتى زاملكم قد أصبح شهير

مابونمرياناس حباله قاصره===== يطاول على نفسه ولكنه قصي
جاتني ماليوم منه نافـــــره ===== قصده ومقصوده ينفربي نفير

ماسمعنا منه كلمه عــابره===== ولو بغا العداله بانعدله ببعير

[حد من الوادي]

الغازي الليله حليله حاضره === مسرعه جاوب مايطالع بالنضير

قد قال قوله ليجي من خاطره === طيب يحب القول من عاده صغير

لاتنشد الاعا الرجال الشاطره === تغزي بهم ركاب ولا بالمسير

والضرب مانبغاه تحت الخاصره === شف بونمر مقدا رله عندي كبير

مرحيب بالشعار لي فالباخره === و لا بسياره وطياره تطير

والعفو من زايد وكلمه قاصره === كل من سرح يضوي بشرولابخير

[أحمد العمودي أبوفيصل]

ياحد من الودي تبعت القــــــاطره = = = = = تركت في أهلك من شان القطير

من سعف للضرب رصاصي نافره= = = = = نعرف مكان الضرب يالراس الفكير

والي يدور على المخوه نسايره= = = = = يلقاني قدامـــه في الشده اســـير

والبير تحت الدار شفني جاهره= = = = = بسقيه في البكره وساعه في الهجير

والعفو يوصل للنجوم الزاهره = = = = = تستاهل التقدير يالنجم الــــــــزهير

[محمد سعيد بن مخاشن]

اقتباس : المشاركة الأصلية كتبت بواسطة أبونمر

الوقت يبغي خذ وهت ومناصره =نسمع بها من زام موسى بن نصير كسرى وقيصر روحوا في الحافره =ومن حفر حفره وقع هو في الحفير واليوم هذا وقت مابغا منافره =وبحاجة التأهيل مايبغي نفير حساس جدا فيه بقعه ثائره =كلمه بسيطه خلت الدنيا تثير

وكيف با نلقي إذا إبن الكافره=سيطر على أبوات الصَغير والكبير؟
إلمرت قالوا قد بنى في القاهره=وعمّـان والدوحه فيا قهري قهير
المسأله يا خوي مهي إمناصره=شفت المصالح هي تحدد كل مصير
يا إما خضع يا إما قلبها مناحره=والطعن قم وإلقيه في وسط النحير
ولا تظن لو كانت لسانك ساحره=والشهد من مثناتها يقطر قطير
با تحرر المقدس ومعها الناصره=يا بو نمر ذا حلم من بعد الشخير

محمد بن سعيد بن مخـاشــن

[أبونمر]

اقتباس : المشاركة الأصلية كتبت بواسطة بن موكا

وكيف با نلقي إذا إبن الكافره=سيطر على أبوات الصَغير والكبير؟ إلمرت قالوا قد بنى في القاهره=وعمّـان والدوحه فيا قهري قهير المسأله يا خوي مهي إمناصره=شفت المصالح هي تحدد كل مصير يا إما خضع يا إما قلبها مناحره=والطعن قم وإلقيه في وسط النحير محمد بن سعيد بن مخـاشــن

الله اكبر عالوجوه السافره =من رئيس الوزراء الى عند السفير
اهل المكوده والعمال الفاجره =ذي فجروها بيننا الله يجير
ماهي محبه ياإبن موكا نادره =ذا بغض واضح للموظف والمدير
عالشرق لوسط من زمان التتاتره =وعلى الجزيره كل حد ينتر نتير
بغداد قد راحت نصيب الساحره =والقاهره خيف يسحروها سحير
لاماحصل توحيد صف ومبادره =يمكن تجيب الطيبخي واللي يدير

[محمد سعيد بن مخاشن]

اقتباس : المشاركة الأصلية كتبت بواسطة أبونمر

الله اكبر عالوجوه السافره =من رئيس الوزراء الى عند السفير اهل المكوده والعمال الفاجره =ذي فجروها بيننا الله يجير ماهي محبه ياإبن موكا نادره =ذا بغض واضح للموظف والمدير عالشرق لوسط من زمان التتاتره =وعلى الجزيره كل حد ينتر نتير بغداد قد راحت نصيب الساحره =والقاهره خيف يسحروها سحير لاماحصل توحيد صف ومبادره =يمكن تجيب الطيبخي واللي يدير

ما فهمت قول إبن النمور الكاسره=واليوم كل شاجع غدا قلبه كسير
وهمّـهم لا في القدود الآسره=كلن لليلى قد صبح عبد(ن) أسير
من يتبع المبدأ فحربه خاسره=وإللي ينافق يفرشوا له عا السرير
قد قالها القرآن: كثره كاثره=ذي يتبعون ألا الهوى ... الناس الكثير

محمد بن سعيد بن مخـاشــن

[البكري]

ام البلا اليوم للايادي حاسره = لضيوفها قامت وفرشت الحسير
للكل معروفه واصلها فاجره = من العرض القبلي لمان الفجير
لامعروف يعقها ولا المعاشره = لا ذهب محسوبه ولا حتى عشير