مساجلات الزامــــل الشعبي

[عمر الذيب]

مرحبا الف بالغازي ثلاثين مخطر = لي كلامه مثيل الماس له سعر غالي
لا دخل سوق منه بايجيب المشجر = صنعت الشحر شيذر من طوال الذبالي
شل الواحد وجنبية البارح تعصر = ترك الذيب عصرية طويلة يصالي
صاحب الغزو منه قال شاعر تحذر = قانص الصيد لي هن في الشعاب الخوالي
أمس سوى مية مطلع وميتين مندر = ما نشد عا صديق العمرأول وتالي
يوم حصل ظبا يرعون في الشعب الاخضر = قال شعبي وأنا عالشعب حاكم ووالي

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب

ياحد من الوادي مساء الخير لك = ماهو لحد مخصوص مرسولي اليك والعاد شي فكة معد حد بي فتك = اما فتني والا سالني بافتيك من لي بلا معنا يدك الارض دك = لا شرقت البيضا قطب لة راس ديك والصدق والواقع معد شي فية شك = الشرح عا لبوا ب والزامل وشيك ومن تبع رايس وايد وا شترك = في الظلم والبهتان هو اكبر شريك

يا الذيب حِـذْرك لا تقرّب للصرك=لا يدعسك موتر مهوّي في البريك
خل السياسه يا عمر مالها ولك=خلك على دجاج الكتيكت هو وبيك
واليوم يا صاحب ترى دار الفلك=عاد العظايم مقبله ذي با تجيك
سوداء المحيا جت تلعمس من برك=واللعمسه ما بعدها ألا شم و ...

محمد بن سعيد بن مخـاشــن

[أحمد العمودي أبوفيصل]

ماشي على خطي وخطي تعثر = = = = = ماشي على السمحا من أول وتالي
وانته يابوطارق لما متى باتفكر= = = = تبغى تقاسمني ياخوي في عزمالي
خلك مع نفسك شف حالي مكدر= = = = والشعب لخضر سلمته واحد شمالي
واليوم هيجي في الجول يهدر = = = = ماشي فوائد من قدا عمي وخــالي

[حد من الوادي]

مامعي شي خبرناجيتكم باتخبر === ارضنافي خطروالقوت فالسوق غالي

والعداله بشر والجيش مبعدتحرر === والفساد انتشر والحال ياما بحالي

لا متى باصبر والى متى باتصبر === ياعمر عادشي حيله لكم واحتيالي

استعدو معي فالجوغيمه وما طر === ليلةالرعض بانرعض سوى للمساقي

بايجي سيل للوديان صاعدوحادر === يالمطرف رفع ماليوم جالك زوالي

ارضنا تقبرالغازي ولو كان عابر === واليماني عدو غادر وماله ومالي

خاين العهد والميثاق ما بانكابر === ينهب الارض والثروه وهاذا حلالي

ايش بنقول للاجداد لي فالمقابر === لابقت هاكذ اوالناس ما با تبالي

[عمر الذيب]

با تخبر الشعار وأصحاب الفكر = من بنت مزيونة لها منظر رهيب
تنظر ونظرتها تسر الحال سر = كل لين منها جاه حظه والنصيب
تمشي ولكن مشيها ماله أثر = تظهر قبل عينك وفي لحظة تغيب
ساعات تظهر لك وساعة متظهر = رجال يظهرلك وهي منه قريب

عبدالله باني

[أحمد العمودي أبوفيصل]

ياحد من الوادي بنصحك تحذر = = = = = هذه بلادي لا جنوبي ولاشمالي
زاخيك ماليوم علينا يعكـــر = = = = = لا تعكرعلينا لاتنكد بحالي
بعضهم يالذيب يبغى اعنتر= = = = = مادرى من في الصفوف الامامي
لاتشتكي وضعك الي تعثر= = = = = هذا الزمن فيه واطي وعـــــالي
على أرضك ياخلي تصبر= = = = = باتثبت لك الايام وسود الليالي
الدول ماهي بلحظه تعمر= = = = = أصبر على قردك وخليك سالي

[أحمد العمودي أبوفيصل]

ياولد باني اليوم مامنك مفر == خليتني محتار في أمرا عجيب
وراهاالشمس قدحرقت عمر == ويازين منظرها في وقت المغيب
لها عدة فوائد للزراعه والبشر == ماحد يتخلف وعن شمسه يغيب
انا ياباني على سطح القمر == أدور الرجال لي منها قــــريب

[أبونمر]

كل ماهو من ربي لنا ماشي مفر =منه وكل واحد يحصل له نصيب
الحمد له والشكر حكمه والقدر =ذي كل مبعد صار من فضله قريب
عبره في الدنيا وكم عدت عبر = لوباتنادي للنداءماحد يجيب
الناس تتجاهل اذا بغيت الخبر =من بعد ما راح المقدم والنقيب
والبرد ماشي عذر مايتبعه حر =والقار يبقى قار عمره مايطيب
والآدمي لاقد تغاضى او صبر =في امر شرعي فخر له ماكان عيب
يصبر كما صدام يوم الحبل زر =شهد وهلل قبلما حسه يغيب
ثبته ربه بالشهاده وانتصر = وانته تكفيك الأشاره يالبيب

[البكري]

اقتباس : المشاركة الأصلية كتبت بواسطة أبونمر

كل ماهو من ربي لنا ماشي مفر =منه وكل واحد يحصل له نصيب الحمد له والشكر حكمه والقدر =ذي كل مبعد صار من فضله قريب عبره في الدنيا وكم عدت عبر = لوباتنادي للنداءماحد يجيب الناس تتجاهل اذا بغيت الخبر =من بعد ما راح المقدم والنقيب والبرد ماشي عذر مايتبعه حر =والقار يبقى قار عمره مايطيب والآدمي لاقد تغاضى او صبر =في امر شرعي فخر له ماكان عيب يصبر كما صدام يوم الحبل زر =شهد وهلل قبلما حسه يغيب ثبته ربه بالشهاده وانتصر = وانته تكفيك الأشاره يالبيب

بالخير بشر لا تبشرنا بشر = بسال المولى عسى كل مخطي يصيب
لي نفذ الاعدام ولي جنبه حضر = لهبوا النار في قلب كل سني لهيب
الفوز في الاخره مالدنيا ممر = فاز من عادا عبّاد الصليب
آه ياهوين وينك اليوم ياعمر = كم من مرذل قام فينا خطيب
بتعود لمجاد لي تسر الحال سر = من تقبض بحبل المولى مايخيب

[حد من الوادي]

ما قدرالله قد وقع يا بو عمر === كل من تقبض به نعم ما بايخيب
والقوم قد سرحو معا بحراوبر === ولعاد حد يسمع وللداعي يجيب
والضلم واقع عالحجرهووالبشر=== هاذه مصيبه ما يداويها طبيب
لا كن واجب با نذكر من عبر=== باننكر المنكور من هاذ الغريب
وانته وفي عاقل ولك وجهةنضر=== مقبول ما قلته كماالشهدالصبيب
شف لاعبر شوال با يعبر صفر=== واللي خلق ذاليوم بكره بايغيب
والصفو لازم با يجي بعده كدر === والشمس لا شرقة لزوما باتغيب
والفاسد الغادر علينا قد غدر === خان الشراكه والأمانه للحبيب
والشعب كله ماسلم قدجاه شر === والفقر عم والاالف قدجاه القطيب
يالله تفرجها على بندر عمر === وتطلع الزايد بعبدالله غريب
وتطهرالا وطان من خس البشر === والقات واصحابه من الموطن تغيب