مجلس الدان الحضرمي

[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

دخلنا النت ذي الساعه وجدنا الدان عا شدّه=وقلنا المعذره يخوان ... سافرنا إلى ينبوع وهذا اليوم عوّدنا أبد ما نعرف الشرده=وندخل داخل العكّه ولو رأسي يقع مقطوع محمد بن سعيــد بن مخــاشــن

محمد بحر قال الذيب في جزره وفي مده=ولكن مشكله فيما يسيلو العتم والينبوع
قداء رفحه يسيلو يا محمد او قداء صعده=الى حدرت صعدو وان نزلته عودوبي طلوع
وذا كله طمع كلن بغا قسمه في الكرده=كبر من قسم بن عمه في الغيضه وفي قرنطوع

[عمر الذيب]

على ذا الصوت كل واحد يشل قسمه=ولكن شرطنا لاحد يلف ويدور
بغينا الهرج في معناه والحكمه=علاج امفيد قاطع وصفة الدكتور

[بن احمد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

على ذا الصوت كل واحد يشل قسمه=ولكن شرطنا لاحد يلف ويدور بغينا الهرج في معناه والحكمه=علاج امفيد قاطع وصفة الدكتور

معك بوشيخ لا ياقاوي الهمه=عسى الله ياعمر لايكشف المستور
وصاتي ياعمر شفها في الذمه=تريض وانبهلي بندقك ليثور
ونا جندي معك شفني في الخدمه=ومن عسكرك والك القول هو والشور

[الاسد القرشي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

على ذا الصوت كل واحد يشل قسمه=ولكن شرطنا لاحد يلف ويدور بغينا الهرج في معناه والحكمه=علاج امفيد قاطع وصفة الدكتور

ببدأ بذكر الله العلي ونفتتح بإسمه - - - - عســاكم في خيره دايما وسرور عمره لبيت الله ووصل خاله وعمه - - - - والصدقه لا ضاقتبك فعل مبرور والصلاه تبعد الشيطان عنك وتسمه- - - - هذا قولــي لكم وسعيكم مشكور

[عمر الذيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

معك بوشيخ لا ياقاوي الهمه=عسى الله ياعمر لايكشف المستور وصاتي ياعمر شفها في الذمه=تريض وانبهلي بندقك ليثور ونا جندي معك شفني في الخدمه=ومن عسكرك والك القول هو والشور

يالا جد امر واجبنا هنا حسمه=بسيف الحق لي قدله زمن مفدور
علينا واجب انسنه لك دسمه=تحب النفس زايد عل الذي في الجور
ونعدل بين اهل الدار واللحمه=نرجعها على ما جابه الدستور

[ملك اليمن]

اقتباس : المشاركة الأصلية كتبت بواسطة الاسد القرشي [ مشاهدة المشاركة ]

ببدأ بذكر الله العلي ونفتتح بإسمه - - - - عســاكم في خيره دايما وسرور عمره لبيت الله ووصل خاله وعمه - - - - والصدقه لا ضاقتبك فعل مبرور والصلاه تبعد الشيطان عنك وتسمه- - - - هذا قولــي لكم وسعيكم مشكور

دُرر ذي صاغها القُرشي وبن عمه نشف دمه = عسى الرحمن يتقبل دعاء القِرشي لإنه من رجال النور
وخلك هاهنا ثابت لا إنته تبا توصل إلى القمه = وطول الوقت نا يالهاشمي با جي لأجل النور نا با زور

[صالح يسلم بن غانم]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

على ذا الصوت كل واحد يشل قسمه=ولكن شرطنا لاحد يلف ويدور بغينا الهرج في معناه والحكمه=علاج امفيد قاطع وصفة الدكتور

عمر يا اذيب باطلعك للقمه=لانك خوي ميجي منك التقصور
عليا دين يا صاحبي في الذمه=ومن عنده سلف يدفع وهو مجبور
خرج ذا فصل وثاني على الهمه=بغينا ذي ركب ينزل من البابور
لانه ملكنامش حق ولد عمه=ولا ما طاعني با نضهر المستور

[ملك اليمن]

اقتباس : المشاركة الأصلية كتبت بواسطة صالح يسلم بن غانم [ مشاهدة المشاركة ]

عمر يا اذيب باطلعك للقمه=لانك خوي ميجي منك التقصور عليا دين يا صاحبي في الذمه=ومن عنده سلف يدفع وهو مجبور خرج ذا فصل وثاني على الهمه=بغينا ذي ركب ينزل من البابور لانه ملكنامش حق ولد عمه=ولا ما طاعني با نضهر المستور

دفع نوّله ووده يلبس العِمه = وإنته ليش حاسدهم عيال الحور
والمذكور يا صالح ولد نعمه = حذر يا صاحبي سده تقع مغرور

[سبع الليل]

عمر ماقصدنا الا نعلي الكلمه=ونيقى سيب في مجلس صفاء معمور
وكل واحد في المجلس كتب اسمه=وريت اسمي براس القايمه مسطور

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

على ذا الصوت كل واحد يشل قسمه=ولكن شرطنا لاحد يلف ويدور بغينا الهرج في معناه والحكمه=علاج امفيد قاطع وصفة الدكتور

وهت ما قل و دل لتجيب لي جمّه=وخل قولك شبيه البُر ذي مدهور
وجيب الشنطبه يا خوك والحكمه=وإلاّ أدخل في العشقه مهر لبحور

محمد بن سعيــد بن مخــاشــن