مساجلات الزامــــل الشعبي

[عيبون]

اقتباس : المشاركة الأصلية كتبت بواسطة الفتى الرحال [ مشاهدة المشاركة ]

بحضر معك ياصاحبي حل الطلب=شف رمينا سدده مابين العيون النار قد شعلة وتتلهب لهب=والنا س شفهم فل مرابي والحصون

ماخاب ضنّي فيك يالشعب الورب=دايم وحلّانه في الشدّه يجون
بركان يتفجّر ويقذف بالغضب=بايحرق الّي في طريقه يعرضون

[بن بريك]

اهل التجاره ما يجونك عالطلب = هم يرفعون السعر دايم يرفعون
فيهم طمع زايد وفيهم من كذب = يبغون كثر الربح ماهم خايفون

[الفتى الرحال]

اقتباس : المشاركة الأصلية كتبت بواسطة عيبون [ مشاهدة المشاركة ]

وايضا شكت منهم حروبه مع حبب=وعيالها من ظلم عاتبكي شنون ضاع الامل قولو لمن هو ينتحب=الصوب مزمن يالذي تتنحّبون الكي مابايجيبها وان كان طب=(ف)الساق قد حزّت قيوده والرصون

الوضع على ماهو ماباينقلب=وين الذي ياصاحبي له يقلبون
في ساحة الميدان ماباينغلب=وان قد غلب مابايجون المنقذون

[عيبون]

اقتباس : المشاركة الأصلية كتبت بواسطة بو مجيد [ مشاهدة المشاركة ]

ما شفت انا التمناه تنفع و العتب=قولوا لصالح وين ذي با يحضرون لا قامت المضباه جهزت الحطب =والقاز والكبريت عندي والرشون

يابومجيد اليوم والهاجس طرب=وجنود عنده بالعسر مايعوّلون
هيج الثقيله مابدا مرّه حنب=عارف طرقها مع عطفها والدجون
والنوب باعنّيه يصب القرص صب=والحصن بامكّن بوابه والركون

[عيبون]

اقتباس : المشاركة الأصلية كتبت بواسطة الفتى الرحال [ مشاهدة المشاركة ]

الوضع على ماهو ماباينقلب=وين الذي ياصاحبي له يقلبون في ساحة الميدان ماباينغلب=وان قد غلب مابايجون المنقذون

مقلوب في مقلوب ياشاعر ذرب=مادامه البيّاع شغله عالديون
هامور جا جرّد نخيله والكرب=كل من طلع فيها يصبّح في الدفون

[الفتى الرحال]

اقتباس : المشاركة الأصلية كتبت بواسطة عيبون [ مشاهدة المشاركة ]

ماخاب ضنّي فيك يالشعب الورب=دايم وحلّانه في الشدّه يجون بركان يتفجّر ويقذف بالغضب=بايحرق الّي في طريقه يعرضون

القسم باشله من النار الهب=والحبل بازره لا هو بايهون
وارصاص باسوقه عليهم كشهب=لاساحة الميدان لاهم يندرون

[بن بريك]

الهيثم المغوار دايم مستلب = عامد جبل عالي وماهو بالحصون
لاحن صوت الرعد منه يرتعب = الخاين المكار ذي ماله ركون

[المستقل]

ما احلا القوافي والمعاني والصّخب= محلى الكلام الزين ذي انتم تنظمون
مثل المطر لا هل من بعد الجدب= وتزركشت بزهارها ذيك المتون

[أحمد العمودي أبوفيصل]

اقتباس : المشاركة الأصلية كتبت بواسطة الفتى الرحال [ مشاهدة المشاركة ]

الوضع على ماهو ماباينقلب=وين الذي ياصاحبي له يقلبون في ساحة الميدان ماباينغلب=وان قد غلب مابايجون المنقذون

قد لك ثلاث ايام شليت المسب = حاسب حسابك قبل ماتخيب الضنون
ماباك تعبر قال شاعر عالمطلب = ماباك تندم مثل ليهم نادمون

[بن بريك]

لا صحت في الشبان جونا كالمهب = ماشفت حد قصر ولا حد بايخون
كلن على الذمه وقد له ما كسب = ذولا عيال اجواد لله يسجدون