((( الدان )))

[طالب النعماني]

ذا فصل باسوس لكم =ياذي تحبون المغاني
والساس مبني بالحجر= ماهو بشي مدره وطين
واحنا بغينا جمعكم= ياذي تديرون المعاني
وقت الشدايد والخطر=بالخزي ابليس اللعين

[راس البركه]

بهرج معي اربع كلم=من اجلها قد جيت عاني
ذي شل مالي قد نكر=واحلف على الختمه يمين

[مجمل]

نحنا معك ماشي مهم = نحنا معك اول وثاني
عندي جليلين العجر = يايخلوا القاسي يلين
في ساعة الشده نهم = ياسنح جنبي ياكناني
في عافيه وان كان شر = والحق لازم بايبين

[البكري]

	ماحد من البلوى سلم ### لي من تحت راس اليماني دوب وقتــي فـي خطـر ### عايش معــذّب مـن سنيـن البكري

[راس البركه]

مرحيب مرحيب
هنن وغن يالمغني

[طالب النعماني]

فصل جديد ياشعار وينكم

[مبارك بن عمرو]

يقول بن عمر بدحق عالقدم
بغيت معكم لو تفيد التماني
في سعفكم بدحق على سطح القمر
لمى قد القاسي يلين

[طالب النعماني]

احسنت يابن عمرو

[أبونمر]

قدجيت نا عاصوتكم =والوقت ضايق مامداني
يأهل المغاني والسمر=واهل القلوب الساليين
ساعه حضرها سعفكم =تعبر كما اربع ثواني
ياليت كل ساعه حضر =عند الرجال الوافيين
ودي بعيني شوفكم =ياريت تنظركم عياني
ماصابني قصر النظر =من قبل سن الأربعين

[البكري]

	للسمــر نا باحتكـم ### وذي عنيتــه ماعنانـي من البعد ماباهمــر ### وعالمساري الله يعيـن البكري