مساجلات الزامــــل الشعبي

[الرقيب]

اقتباس : المشاركة الأصلية كتبت بواسطة مجمل [ مشاهدة المشاركة ]

شوف المخيله في سماها مقبله =رعدانها بالمسفله ترعد رعيد وانوابنا زينه قويه محلبه =باتروح القلاط وانته من بعيد

قد شرّق الماطر اخيّل بارقه = والجو بايبرد ولو حره شديد
وان كنت ناوي باتروح الشارقه = خذ لك مخاوي سعف لاترجع شهيد

[الرقيب]

ماشي جماله في السنين الماضيه = والعلم يتراجع وياكثر البليد
عمّر وشيدها مدارس فاضيه = واما المدرس في التجاره يستفيد

[مجمل]

لاقد صدق غيثه وجات الساقيه =بالسيل باتطلع على كمن لديد
وباتدور الدايره ع الطاغيه = لاطول الرحمن بالعمر المديد

[مجمل]

ماهي فساله فالسنين التاليه = ذلا رضي ذي قابض اقليد الحديد
والا عليهم باتشوف القاليه = باتشوفهم لفوال يالشاعر شريد

[ابوفضل سالم]

[QUOTE=مجمل;550572]

لاقد صدق غيثه وجات الساقيه =بالسيل باتطلع على كمن لديد
وباتدور الدايره ع الطاغيه = لاطول الرحمن بالعمر المديد

[/QUOT

الرعد ملقي في سمانا داويه = تحسبه يوم البعث ونهار الوعيد
وبايرقل بالعروش الخاويه=وباتشوف اهل الكراسي لي شريد

[مجمل]

هذه حقيقه قل لسالم جايه = مادام يتلغوج علينا بن فريد
كذاب ومراوغ حباله باليه = كل هيج بايهدر معي مرصن وقيد
ماشي بواسق باتمي عاليه = المسأله فالوقت يالراس الشديد

[مجمل]

الليل يالشعار دنياء فانيه = ذلا وله والقصد منه نستفيد
ماشي حليله ذي تجيب الخافيه= ذلا ضروف البعد علمنا القصيد

[ديناميت الجنوب]

السلام عليكم ورحمة الله وبركاته

[الواقعي]

اقتباس : المشاركة الأصلية كتبت بواسطة مجمل [ مشاهدة المشاركة ]

الليل يالشعار دنياء فانيه = ذلا وله والقصد منه نستفيد ماشي حليله ذي تجيب الخافيه= ذلا ضروف البعد علمنا القصيد

الرجل تتجرح اذاهي حافيه=والوقت يقطع يا مجمل والحديد
شفت الغنم ترعي ولا حد راعيه=بحر العرب من جاب مركب با يصيد

[ابوفضل سالم]

اقتباس : المشاركة الأصلية كتبت بواسطة مجمل [ مشاهدة المشاركة ]

هذه حقيقه قل لسالم جايه = مادام يتلغوج علينا بن فريد كذاب ومراوغ حباله باليه = كل هيج بايهدر معي مرصن وقيد ماشي بواسق باتمي عاليه = المسأله فالوقت يالراس الشديد

عاد الهدايا واجده في الحاوية=يختص بها اصحابه محمد بن سعيد
يرمي بعظمه عالكلاب العاويه= واللحم في جوفه ويفعل مايريد
ماحد قدر يفصل سلوك الكاوية= وانته ذكي تفهم كلامي والقصيد