مجلس الدان الحضرمي

[عمر الذيب]

اقتباس : المشاركة الأصلية كتبت بواسطة علي بن علي [ مشاهدة المشاركة ]

يا عمر الذيب ان كنت تعتبر هذا شعر قول يا اخي عشان نعرف وان كان غير ذلك قول برضه على شان الأخ يتعلم هكذا ما يصلح وانت معروف عنك الصراحه وقد وعدت بها في بداية المجلس

الشكر على التنبيه

[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

مرسال معزوم عند ناس مهمين وإلاّ إن كان ما تركك تأخذ قسمين في الحفلة عليه: بعض العرب ليه متحجّر=والساس بتنود أحجاره ماشي حجر زين ومْحاجر=ياخوف يا الذيب بكره لا تشوفه زال معزوم مرسال في مندر=يحسب دخوله ومنداره كم لحن جابه لكم نادر=يتقاسم الضوء معاكم يا عمر يا الفال محاجر = أماكن إقتلاع الأحجار يتقاسم الضوء = يتقاسم الأضواء محمد بن سعيــد بن مخــاشــن

مرحيب ياطيب المصدر=حيا باهاجسك واصداره
محفوظ واردك والصادر=يالي كلامك لنا المكسب وراس المال
صاحبك ماظن يتطور=غريب طبع واطواره
ساعات يلعب على الطائر=واحيان عند الفنا ويضيع الاجوال

[عمر الذيب]

اقتباس : المشاركة الأصلية كتبت بواسطة الاسد القرشي [ مشاهدة المشاركة ]

سلام على ذيبنا المتغندر = بدا ارسل حالي اشعاره في المسمر بايحكم الصادر=هو للثقايل دوب حمال والليل امان قول لبو عنتر =والغدار يمسي في دياره والزين اشر برمشه الخادر=وانا افهم مقصده بلا اقوال

هذا ليس شعرا ويجب ان يحذف يا مشرفين

[أحمد العمودي أبوفيصل]

هلل وسبح وباكبر = واصغار ذا الوقت واكباره
ياريت حد منهم كابر = ولامعاهم خلاف القيل هو والقال
البخص عالطير لافرفر = مانا بمخشبي والفاره
ولابرد دمنا فاير = ولا نفكر في العايب ولاالدجال

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

هلل وسبح وباكبر = واصغار ذا الوقت واكباره ياريت حد منهم كابر = ولامعاهم خلاف القيل هو والقال البخص عالطير لافرفر = مانا بمخشبي والفاره ولابرد دمنا فاير = ولا نفكر في العايب ولاالدجال

بو شيخ ما كان يتصور=في الارض فوضه وصراره
فاجاه ذا اليوم لي صاير=واسرح بغتره على راسه بدون اعقال

[سبع الليل]

الباب مقفول ومسمر=كسٌر قفوله ومسماره
وسمر كما النجم لي سامر=وطلب الله يغيٌر من لحال الى حال
الكسر ماعذر يتجبر=مسهل عماره وجباره
قد قالها الشيخ باجابر=ساير زمانك لاتقع موذي ولا حيال

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بو شيخ ما كان يتصور=في الارض فوضه وصراره فاجاه ذا اليوم لي صاير=واسرح بغتره على راسه بدون اعقال

يالذيب خلك من المنضر= والبس على العين نظاره
لاسمعت للصوت لا تناضر = وان صاحت الانثى درك يالذيب عالرجال
وبنت ابليس تتمخطر = بغت تمشي بخطاره
عمر يالذيب لاتخاطر = قدامك حسر ياصاحبي واجبال

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

مرحيب ياطيب المصدر=حيا باهاجسك واصداره محفوظ واردك والصادر=يالي كلامك لنا المكسب وراس المال صاحبك ماظن يتطور=غريب طبع واطواره ساعات يلعب على الطائر=واحيان عند الفنا ويضيع الاجوال

كم ليل نا بات نتفكّر=والذيب حاير في أفكاره
ولْعادنا يا عرب فاكر=فين الخوارج وفين المال والأحجال
صاحبي أعور ويتنقور=صابر أنا عا تنقواره
قررت قاتل وبا قاور=لمّا إسترد يا رفيق الحجْل والخلخال

محمد بن سعيــد بن مخــاشــن

[محمد سعيد بن مخاشن]

في العشق يا الذيب ما نعْذر=مهما المحب قدّم أعذاره
ما إعذرْه لو إنت له عاذر=ما إنساه ليله أبد ... دام النسم ما زال
والكون وش فيه يا معْمَر؟=العشق جنّته وإعماره
ما لك ولي ... روح يا عامر=وش دخّلك لا تسل عنّي ولا باسال

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بو شيخ ما كان يتصور=في الارض فوضه وصراره فاجاه ذا اليوم لي صاير=واسرح بغتره على راسه بدون اعقال

قد صار ذي ربّنا قدّر=با إرضى بحكمه وأقداره
هو الواحد الفرد والقادر=يوخذ لنا حقّنا من كل جاير ضال
نحمده عا قرص في المجمر=مبغيت مضبي على جماره
وعادها نار ومْجامر=في الآخره يا عمر تشوي كبِد وإطحال

محمد بن سعيــد بن مخــاشــن