مساجلات الزامــــل الشعبي

[خالد بن قاسم]

اقتباس : المشاركة الأصلية كتبت بواسطة بن قطمان [ مشاهدة المشاركة ]

غشوه ياخالد بلحمه في المرق=ولا معه خاطر ولا شي بال راق ذي يسحقون السم لو هو منسحق=مايدخلون الصف لازمر سحاق

شف بعضهم يحتاج طعنه بالذلق=ماطبه الا في رهيفات الذلاق
والعيده نحنا علق وانتو علق=لما متى ياحيدره واحنا علاق

[خالد بن قاسم]

وتصبحون على خير

[سكوتك عذاب]

مطنون له ساعة ولا شل الغلق=اقيود في رجله وثيقة والغلاق
ماشي لهم رحمة سوا رب الفلق=من بعد ما راحوا صحي صحصح وفاق

[طالب النعماني]

صباح الخير
ماشالله حضروا اصحاب الزامل وامتعونا بلبدع والجواب
بارك الله فيكم جميعا
وللاسف انني ماكنت موجود معكم

[خالد بن قاسم]

صبااح الخير

[طالب النعماني]

صباح النور يالقاسمي ايش هذا اليوم
الله يعيد مجده

[طالب النعماني]

لا تنكش الاوجاع لا يالقاسمي=ذكرتني ميت في القبر اندفن
شف مابداء ميت في الدنيا حيي=خذها نصيحه قالها طالب حسن

[سالم الزير]

أول وصولي قال شاعر ببتدي = بسلام ع روس الخلايق بالعلن
لاهل السقيفه عد بارق يلتمي = واعداد سكان القرى واهل المدن
قد جيت شاركم وعندي هاجسي = ودي بذا السعفه من اقديم الزمن
هذا و كل القصد نسم خاطري = ما جيت دور للمشاكل و الفتن
بالهرج ذا يشهد عليا خالقي = إن قدركم فالقلب ياصحابي سكن

[سالم الزير]

اما على الصوره معد باقول شي = ما غير يا حيا زمانش يا عدن
حيا زمن عشقي و خلي لولي = ذي من رحل بعده جروحي ما هدن

[سبع الليل]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

لا تنكش الاوجاع لا يالقاسمي=ذكرتني ميت في القبر اندفن شف مابداء ميت في الدنيا حيي=خذها نصيحه قالها طالب حسن

مامات مادامت عروقه ترتوي=ألا ان يبس عرقه يجيبوا له كفن
والصاحب المصيوط ماباينتسي= لا تأمن الايام في هذا الزمن
بايدخل الحوطه ووادي بن علي=بالحفن بايشرب ولا هو بالقلن