04-05-2007, 11:37 PM | #2961 | |||||
حال جديد
|
ابشر وانا خووو نووره
الحال ضيّق والحليله شارده=كلّه من البكري شفه شرّدها
والشوف مبعد والأرى متباعده=من قدرة الرحمن لي بعّدها بارشّح البكري زعيم القاعده=وان مالت الادقام بايقعدها لكن ماظنيت منّه فايده=مايعرف المخسور من فايدها |
|||||
04-06-2007, 12:02 AM | #2962 | |||||
شاعر السقيفه
|
النار ماحرت وشوفها بارده = سببها ولد ابليس هو مبردّها
من عاندك يالبيض دهن تعانده = والريح لشتدت ماحد يعاندها والاخ مع خوه هو لي سانده = وامه ما لحقت من يسندها بالديل ماتقبص ولاهي راده = والكلمه الزينه الناس ترددها |
|||||
04-06-2007, 12:25 AM | #2963 | |||||
حال جديد
|
:el: :el: :el: :el: :el: :el:
النااس قدهم عالجريمه شاهده=معرووف كاتبها معا شاهدها
الأول انته لي كليت المايده=وتحش يد محروم لو مددها تقضي على اصحاب العقول الراشده=والظال يبقا ظال ما يرشدها الفقر واجد والجريمه سايده=والسيده ماتشتهي سيّدها |
|||||
04-06-2007, 12:42 AM | #2964 | |||||
شاعر السقيفه
|
معروف مالبكري مزكي قايده = من سمح مأرضه ماعايدها
ترك أوطانه وبحوره راكده = دار الجبل اليوم وش يقعدها كله مالبكري كلامه ناقده = جاب الحقيقه اليوم ومبندها من رجع للحرب عقله فاقده = لما متى وعيالنا نفقدها |
|||||
04-06-2007, 12:45 AM | #2965 | |||||
شاعر السقيفه
|
بو طارق يقول المراكب جامده=موج المحيطات الصعب جمدها عمر الذيب
والعاد شي صادر ولا شي وارده=ان شي معك سلعه سرع وردها اما المحازي لي براسك هامده=نشكر صليب الراس لي همدها وناركم من سمح قدها رامده =وان شررت في يوم با نرمدها يكفي شبعنا من وجاع الزائده =والبهذله والجعث من زائدها |
|||||
04-06-2007, 01:15 AM | #2966 | |||||||
ابوفيصـــــــــل
|
ماباك تشعل نار قدها خامده =لاعوضت واش عاد بايخمدها
عارف بها من حيث ماهي عامده =في حلها ال جيد بيعمدها ولعاد ترجع للعهود البايده =ماظن لك ترجع وهو بيدها مافيه داعي لشكوك الزايده =فالراس شف ابليس قد زيدها |
|||||||
04-06-2007, 01:21 AM | #2967 | |||||
شاعر السقيفه
|
مرحيب بوطارق وجبت الفايده = لخبار لي عندك قم عمدها
البلد تنتج و صارت رايده = وصاحبك معه مغطل بايربدها من عمل أبليس ربعك مكابده = ماتنتسي الايام من كابدها ضاعت علينا سنين وأمنا قاعده = كلن بغا وحده هو قايدها |
|||||
04-06-2007, 01:54 AM | #2968 | ||||||||
مشرف سقيفة الأخبار السياسيه
|
================================================== ================= ياالبيض لك مني تحيه زايده === ياصانع الوحده وقايدها غدروك وانته حرماشي فايده === وخانوالامه بقايدهاوسيدها واليوم نبكي من وحوشاحاقده === وقالوالوحده جينا نجددها الحضرمي عدل عداله ناقده === لكن دحباش ماترضابناقدها امه غريبه للمشاعرفاقده === الارض نهبوهاوقدشلوشواهدها والعادنبغاالمياه الراكده === نبغانحركهاونفعل مايهددها والبكري البارح عيونه راقده === عاجبه مايحصل وفالجربه يبددها |
||||||||
04-06-2007, 07:14 AM | #2969 | |||||
شاعر السقيفه
|
حاشا وكلا الزين ننسى محامده = ام الزيانه كلين يذكر محامدها
من باع باع ومقصوده الفائده = وبيعتك يالبيض ضيّعت فوائدها الامه اليوم صبحت راكعه ساجده = اما بزامك كسرّت مساجدها النا س تتقدّم ونحن البلا نكابده = شعارات ومصايب كنّا نكابدها |
|||||
04-06-2007, 02:07 PM | #2970 | |||||||
حال نشيط
|
نحنا نعُّرف باللامم الرايده = نسل الحضارم للعرب رايدها
لكن عاد البيض يبغى معايده=والناس تعرف كيف هو عايدها ماينتسون اهل الدماء البارده=لي لوثو حتى هوا باردها واليوم كم مغروم ضاع الجاده=ناسي جنوبه كيف هو جالدها |
|||||||
مواقع النشر (المفضلة) |
|
|
|